Հա

Համայնք

09/01/2021 - 13:15

Ճրագալոյցի եւ Ս. Ծննդեան արարողութիւններ Թեհրանի բոլոր եկեղեցիներում

Թեհրանի բոլոր եկեղեցիներում կատարւեց Ճրագալոյցի եւ Ս. Ծննդեան եւ Աստւածայայտնութեան արարողութիւնները:

Թեհրանի բոլոր եկեղեցիներում կատարւեց Ճրագալոյցի եւ Ս. Ծննդեան եւ Աստւածայայտնութեան արարողութիւնները:

Թւականիս յունւարի 5-ին Թեհրանի բոլոր եկեղեցիներում տեղի ունեցաւ ճրագալոյցի՝ ճաշու ժամերգութիւն եւ ս․ պատարագ, որը խորհրդանիշն է Քրիստոսի ծննդեան մասին կատարւած հին Կտակարանեան մարգարէութիւնների եւ Բեթղեհէմեան աստղի, որը մոգերին առաջնորդեց Փրկչի ծննդեան վայրը։ Նրան յաջորդեց Ս. Ծննդեան եւ Աստւածայայտնութեան ս. պատարագն եւ Ջրօրհնէքի արարողութիւնը։ Ս. Սարգիս մայր եկեղեցում սուրբ եւ անմահ պատարագ մատուցեց թեմիս բարեխնամ առաջնորդ գերշ. Տ. Սեպուհ Ս. արք. Սարգսեանը: Արարողութեանը սպասարկում էին արժ. քահանայ հայրեր Տ․ Սահակ Խոսրովեանն ու Տ․ Արիստակէս Շահմիրեանը։

Արարողութեանը ներկայ էին հիւսիսային իրանահայութեան պատգամաւոր պրն․ Արա Շահվերդեանը, Թեմական խորհրդի ատենապետ՝ ճրտգ. Նորայր Արամեանը եւ Թեմական խորհրդի ներկայացուցիչները եւ հաւատացեալների նկատառելի թիւ։

Յընթացս արարողութեան Սրբազան հայրը բնաբան ընդունելով «ԱՍՏՒԱԾ ՄԱՐԴԱՑԱՒ ՄԱՐԴԸ ԱՍՏՒԱԾԱՑՆԵԼՈՒ ՀԱՄԱՐ» իր հայրական խօսքը ուղղեց հաւատացեալ ժողովրդին։ Սրբազան Հայրը իր խօսքի ընթացքին ակնարկելով Եսայի Մարգրէի գրքում՝ Աստծու կողմից Սուրբ Կոյսից ծնւած Փրկչի՝ Էմմանուէլ անւանակոչութեանը, յիշեցրեց, որ այս աշխարի առկայ նեղութիւններում, Աստւած մարդուն երբեք մենակ չի թողել ․ ահա թէ ինչի մէջ է կայանում Էմմանուէլ անւան իմաստը․ «Աստւած մեզ հետ»։ Նա յաւելեց․ «Աստւած մարդացաւ որպէսզի մարդու հետ լինելոով, նրան անապականացնի եւ դարձնի Աստծու բնակարանը»։ Մի խօսքով Աստւած աշխարհ եկաւ մարդու հետ կենդանի յարաբերութեան մէջ մտնելու համար։ Ապա ակնարկեց, որ կորոնավիրոսից վիրաւոր այս աշխարհում մարդու միակ փրկութեան յոյսը Աստւած է, Աստծու փնտռողը, ինչպէս Աստւածաշունչն է ասում, խաղաղութիւն կը գտնի, քանի որ Նա է խաղաղութեան եւ ապահովութեան միակ երաշխիքը։

Սրբազան Հայրը վերջում անդրադարձաւ նաեւ Արցախեան գոյամարտին ասելով․ «Կորուստը հայրենի հողի ծանր է ու դառն, հազարաւորների նահատակութիւնն ու վիրաւորւելը, հարիւրաւոր այրիացած մայրերի եւ որբացած մանուկների ցաւի իրականութիւնը ողջ հայութեան սրտի վրայ բացւած մեծ վէրք է, որին դարմանումն ու ապաքինումը իրականանում է այն ատեն միայն, երբ հայութիւնը, մի անգամ  եւս, միակամ, միասիրտ ու հաստատակամ ոտքի կանգնի եւ պահանջատիրական իր պայքարով վերատիրանայ իրենից խլւածին։ Հաւատացեալի համար անկարելի բան չկայ ասում է Աւետարանը։ Մեր ժողովրդի պատմութիւնը վկան է այն ճշմարտութեան, ըստ որին, երբ մարդ տէր է կանգնում իր իրաւունքներին, անպայմանօրէն յաջողելու է իր տեսիլք-երազը իրականացնելու սրբազան պայքարին մէջ»։

Ի վերջոյ յորդորեց վերանորոգելով մեր քրիստոնէական հաւատքը, վճռականութեամբ, Բեթղեհէմի երկնակամարը լուսաւորող Աստղի լոյսով զօրանալով ճամբի վրայ բուսած փշերն ու տատասկները այրել եւ պատնէշները խորտակել։

Յաւարտ ս. եւ անմահ պատարագի տեղի ունեցաւ ջրօրհնէքի արարողութիւն, որից յետոյ օրհնւած ջուրը փոքր շշերով բաժանւեց հաւաացեալ ժողովրդին։

Ապա ազգային առաջնորդարանի դահլիճում Սրբազան Հօր գլխաւորութեամ տեղի ունեցաւ տնօրհնէքի արարողութիւն։

 

Ազգային առաջնորդարանի Հանրային կապ

Յարակից լուրեր

  • Սրբազան Հայրն ընդունեց իրանահայ ազգային-հասարակական գործիչ՝ ճրտպ. Ալբերտ Աճեմեանին
    Սրբազան Հայրն ընդունեց իրանահայ ազգային-հասարակական գործիչ՝ ճրտպ. Ալբերտ Աճեմեանին

    Չորեքշաբթի, 13 հոկտեմբերի 2021 թ.-ի առաւօտեան, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանն իր գրասենեակում ընդունեց իրանահայ ազգային-հասարակական գործիչ՝ ճրտպ. Ալբերտ Աճեմեանին, ով երկար տարիներ շարունակ իր ներդրումն է ունեցել համայնքիս ազգային-հասարակական եւ եկեղեցական կեանքում:

  • Թարգմանչաց տօն՝ առիթ զգաստութեան եւ զղջում-ապաշխարանքի
    Թարգմանչաց տօն՝ առիթ զգաստութեան եւ զղջում-ապաշխարանքի

    Մի ազգի, ժողովրդի ինքնութեան, ինքնատպութեան եւ շրջապատից տարբերելու գործօնը իր մշակոյթն է, իր գիրն ու գրականութիւնը, պատմութիւնն ու ճարտարապետութիւնը, երաժշտութիւնն ու մանրանկարչութիւնը, հոգեւոր երաժշտութիւնն ու գրականութիւնը յատկանշւած իր խորհրդի հոգեւոր բովանդակութեամբ։

  • Սրբոց Թարգմանչաց եկեղեցում տօնակատարւեց Սրբոց Թարգմանչաց եւ Հայ մշակոյթի տօնը
    Սրբոց Թարգմանչաց եկեղեցում տօնակատարւեց Սրբոց Թարգմանչաց եւ Հայ մշակոյթի տօնը

    Շաբաթ, 9 հոկտեմբերի 2021 թ.-ին, Հայոց Առաքելական Եկեղեցին տօնակատարեց Սրբոց Թարգմանչաց տօնը։

    Սրբոց Թարգմանչաց տօնը՝ տօնն է նաեւ Թեհրանի համանուն եկեղեցւոյ անւանակոչութեան: Այդ առիթով, Թեհրանի Սրբոց Թարգմանչաց եկեղեցում նախագահութեամբ թեմիս բարեխնամ առաջնորդ գերշ. Տ. Սեպուհ Ս. արք. Սարգսեանի եւ ձեռամբ արժ. Տ. Սարգիս քհնյ. Խոսրովեանի մատուցւեց սուրբ եւ անմահ պատարագ։

  • Սրբազան Հայրն ընդունեց Ս. Թարգմանչաց եկեղեցու խորհրդի ներկայացուցիչներին
    Սրբազան Հայրն ընդունեց Ս. Թարգմանչաց եկեղեցու խորհրդի ներկայացուցիչներին

    Չորեքշաբթի, 6 հոկտեմբերի 2021 թւականին, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանն իր գրասենեակում ընդունեց Ս. Թարգմանչաց եկեղեցու խորհրդի ատենապետուհի՝ Քարոլին Մանդանեանին եւ խորհրդի անդամներ՝ տկն. Ժաքլին Շահմիրեանին եւ պրն. Ջանսէն Յակոբեանին: Հանդիպման ներկայ էր նաեւ Քրիստոնէական դաստիարակութեան բաժանմունքի պատասխանատու՝ տկն. Շաքէ Եղիայեանը:

  • Պատգամաւորական ժողովի ատենապետը հանդիպեց Սրբազան Հօր հետ
    Պատգամաւորական ժողովի ատենապետը հանդիպեց Սրբազան Հօր հետ

    Երկուշաբթի, 4 հոկտեմբերի 2021 թւականին, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանը իր գրասենեակում ընդունեց Թ.Հ.Թ. Պատգամաւորական ժողովի ատենապետ՝ Վահիկ Աղաքեանին։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։