Հա

Համայնք

09/01/2021 - 12:50

Մեռելոցի պատարագ Նոր Բուրաստանի Ս. Ստեփանոս մատուռում

Հինգշաբթի, 7 յունւարի 2021 թ.-ի առաւօտեան, ըստ եկեղեցու աւանդութեան Թեհրանի Նոր Բուրաստանի գերեզմանատան Ս. Ստեփանոս մատուռում մատուցւեց մեռելոցի սուրբ եւ անմահ պատարագ ձեռամբ արժ. Տ. Սարգիս քհնյ. Խոսրովեանի։ Արարողութեանը ներկայ էին կրօնական խորհրդի եւ քահանայից դասի ներկայացուցիչներ եւ քիչ թւով հաւատացեալներ։ 

Հինգշաբթի, 7 յունւարի 2021 թ.-ի առաւօտեան, ըստ եկեղեցու աւանդութեան Թեհրանի Նոր Բուրաստանի գերեզմանատան Ս. Ստեփանոս մատուռում մատուցւեց մեռելոցի սուրբ եւ անմահ պատարագ ձեռամբ արժ. Տ. Սարգիս քհնյ. Խոսրովեանի։ Արարողութեանը ներկայ էին կրօնական խորհրդի եւ քահանայից դասի ներկայացուցիչներ եւ քիչ թւով հաւատացեալներ։

Յաւարտ սուրբ եւ անմահ պատարագի թեմիս բարեխնամ առաջնորդ Տ. Սեպուհ Ս. արք. Սարգսեանի նախագահութեամբ տեղի ունեցաւ հոգեհանգստեան պաշտօն համօրէն հաւատքով ի Քրիստոս ննջեցեալների, յատկապէս Արցախեան գոյամարտում վասն հայրենեաց եւ վասն հաւատքի զոհւած քաջարի մարտիկների հոգիների հանգստեան համար։ Արարողութեան աւարտին Սրբազան Հայրը օրւայ խորհրդին անդրադառնալով մատնանշեց մեռելոցը այն օրն է, որ զինւորեալ եկեղեցին (մենք) աղօթում ենք յաղթական Անդրանկաց եկեղեցու այսինքն այն հաւատացեալների համար, որոնք իրենց բարի պատերազմը պատերազմել, հաւատքի ընթացքը աւարտել եւ երկնային արքայութեան բնակիչեն դարձել։ Նաեւ յաւելեց մեռելոցի սուրբ եւ անմահ պատարագի մատուցումով եկեղեցին կարծէք ամբողջանում է եւ մի պահ միասին է լինում եւ վկայում է իր առաքելութեան եւ կոչումին։ Ապա Սրբազան Հայրը յիշատակելով Արցախեան պատերազմի աւելի քան 3500 նահատակներին անդրադարձաւ այն իրողութեան, որ այսօր Եռաբլուրից սկսեալ մինչեւ սփիւռս հայոց Ս. Էջմիածնում եւ Անթիլիասում գլխաւորութեամբ մեծի Տանն Կիլիկիոյ Ն.Ս.Օ.Տ.Տ. Արամ Ա եւ Ն.Ս.Օ.Տ.Տ. Գարեգին Բ հայրապետների ազգը միաւորւած նրանց հոգիների հանգստեան համար խունկ ու աղօթք բարձրացնելով, մեծարում է նրանց յիշատակը։ Ապա մեռելոցը հաւատացեալների համար տօնելի եւ զօրութեան օր հաստատելով ասաց, «այդ օրը այն օրն է, որ մենք հոգեպէս հաղորդակցութեան մէջ ենք մտնում մեր հանգուցեալների եւ նահատակների հետ եւ նրանցից ոգի եւ շունչ առնելով զօրանում եւ մեր ուխտը նորոգելով ի զօրու ենք դառնում շարունակել իրենց կիսատ թողած պարտականութիւնը»։ Սրբազան Հայրը խօսքի վերջում Բարձրեալ եւ ողորմած Աստծուց նրանց համար հայցեց երկնային լոյսերի մէջ հանգչումը եւ նրանց ընտանեկան պարագաների համար Սուրբ Հոգու մխիթարութիւնը։

Յաւարտ հոգեհանգստեան պաշտօնի առաջնորդ Սրբազան Հայրը ընկերակցութեամբ քահանայ հայրերի այցելեց Իրան-Իրաք պարտադրեալ պատերազմի հայ նահատակների, Թեհրան-Երեւան աւիավթարի զոհ գնացած յաւերժի ճամբորդների, հանգուցեալ գործարար-բարերարների եւ նրանց ընտանիքների, յատկապէս այս վերջին տարւայ ընթացքին վաղամեռիկ մեր զաւակների ու կորոնաժահռից զոհւած հայորդիների շիրիմներին նրանց հոգւոյ հանգստեան համար աղօթելու նպատակով։ Սրբազան Հայրը նաեւ հանդիպելով հանգուցեալների հարազատներին իր հայրական մխիթարական խօսքը ուղղեց նրանց` նրանց համար հայցելով երկնային համբերութիւն եւ Սուրբ Հոգու զօրակցութիւնը։

 

Ազգային առաջնորդարանի Հանրային կապ

Յարակից լուրեր

  • Ճրագալոյցի եւ Ս. Ծննդեան արարողութիւններ Թեհրանի բոլոր եկեղեցիներում
    Ճրագալոյցի եւ Ս. Ծննդեան արարողութիւններ Թեհրանի բոլոր եկեղեցիներում

    Թեհրանի բոլոր եկեղեցիներում կատարւեց Ճրագալոյցի եւ Ս. Ծննդեան եւ Աստւածայայտնութեան արարողութիւնները:

  • Աստւած մարդացաւ մարդը աստւածացնելու համար
    Աստւած մարդացաւ մարդը աստւածացնելու համար

    Աշխարհի յարափոփոխ, անորոշ ու տագնապահար ներկայ այս վիճակը ողջ մարդկութիւնը դէմ-յանդիման է դրել բազմաթիւ ու անմեկնելի մարտահրաւէրների առաջ։ Անցեալ ամբողջ տարին մարդկութիւնը ապրեց ու դեռ շարունակում է ապրել տագնապներով ու անորոշութեան շղարշով քօղարկւած կեանք։ Մի համաճարակ չնւաճւած մի այլ համաճարակ գլուխը արդէն բարձրացրել եւ վտանգ է սպառնում աշխարհին։

  • Աղօթք վասն սիրոյ եւ խաղաղութեան
    Աղօթք վասն սիրոյ եւ խաղաղութեան

    Սիրելի եւ թանկագին հաւատակից քոյրեր եւ եղբայրներ,

    2021 Նոր տարւայ այս առաջին պահերին, քրիստոնէական ջերմ սիրով ու անկեղծագոյն բարեմաղթութիւններով ողջունում եմ ձեզ սիրելի հաւատակից քոյրեր եւ եղբայրներ, որտեղ որ կաք ցանկանալով միաժամանակ բոլորիդ աստւածային օրհնութիւններով ու բարիքներով լի տարի։

  • Ամանորեայ դիմաւորում Թեհրանի հայոց եկեղեցիներում
    Ամանորեայ դիմաւորում Թեհրանի հայոց եկեղեցիներում

    Ուրբաթ առաւօտեան՝ յունւարի 1-ին 2021 թ.-ին, Թեհրանի բոլոր եկեղեցիներում մատուցւեց Ամանորեան ս. եւ անմահ պատարագ, որպէսզի հաւատացեալ ժողովուրդը հաղորդւելով նորոգւի եւ շնորհազարդւի աստւածային պարգեւներով։

  • Հաւատքով, յոյսով վերանորոգւելու պահը
    Հաւատքով, յոյսով վերանորոգւելու պահը

    Նոր տարւայ եւ Ս. Ծննդեան ու Աստւածայայտնութեան տօներից մեզ փոխանցւող սէրն ու հաւատքը, յոյսն ու խաղաղութեան տենչը, վճռակամութիւնն ու անսպառ հայի ոգին, պայքարելու արարատանման կամքը եւ տեսիլքը զօրաւոր ու ամբողջական Հայրենիք ունենալու, անկասկած մեզ ամրապնդելու են մեր կոչման եւ առաքելութեան մէջ։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։