Հա

Համայնք

06/02/2021 - 12:10

Թեմակալ առաջնորդի ներկայացուցչի մասնակցութիւնը «Իսլամական յեղափոխութիւն, արձագանք, հեռանկար, նորայայտ խնդիրներ» թեմայով համագումարում

Չորեքշաբթի, 3 փետրւարի 2021 թ.-ի, յետմիջօրէին «Ահլ է Բէյթ» համալսարանի կազմակերպաութեամբ Էմամ Խոմէյնի ուսումնասիրութեան կենտրոնի հաւաքատեղիում տեղի ուեցաւ «Իսլամական յեղափոխութիւն, արձագանք, հեռանկար, նորայայտ խնդիրներ» թեմայով համագումարը, որին թեմիս բարեխնամ առաջնորդ՝ գերշ. Տ․ Սեպուհ Ս․ արք․ Սարգսեանի տնօրինութեամբ իր մասնակցութիւնը բերեց հանրային կապի հոգեւոր հարցերի պատասխանատու՝ արժ․ Տ. Գրիգորիս քհնյ․ Ներսէսեանը։ 

Չորեքշաբթի, 3 փետրւարի 2021 թ.-ի, յետմիջօրէին «Ահլ է Բէյթ» համալսարանի կազմակերպաութեամբ Էմամ Խոմէյնի ուսումնասիրութեան կենտրոնի հաւաքատեղիում տեղի ուեցաւ «Իսլամական յեղափոխութիւն, արձագանք, հեռանկար, նորայայտ խնդիրներ» թեմայով համագումարը, որին թեմիս բարեխնամ առաջնորդ՝ գերշ. Տ․ Սեպուհ Ս․ արք․ Սարգսեանի տնօրինութեամբ իր մասնակցութիւնը բերեց հանրային կապի հոգեւոր հարցերի պատասխանատու՝ արժ․ Տ. Գրիգորիս քհնյ․ Ներսէսեանը։ Քահանայ հայրը «Կրօնական փոքրամասութիւնների դերը իսլամական յեղափոխութիւնում» թեմայով հանդէս գալով, քաղաքականութիւնը կառավարման գիտութիւն համարելով, իւրաքանչիւր իրանցի քաղաքացու յանձնառու եւ պատասխանատու անձ համարելուց յետոյ, անդրադարձաւ քրիստոնեայ, ի մասնաւորի հայ համայնքի կողմից իրանեան հայրենիքին մատուցւած ծառայութեան։ Նա իր խօսքերում ակնարկելով Պօղոս առաքեալի այս խօսքին․ «Վերցրէք միմեանց բեռը եւ այդպիսով կատարէք սիրոյ օրէնքը» լուսաբանեց Յիսուս Քրիստոսի նոր պատւիրանի ուսմունքը։ «Սիրեցէք միմեանց այնպէս, ինչպէս ես սիրեցի ձեզ»:

Քահանայ հայրը ընդլայնելով գործնական սիրոյ գաղափարն ու յանձնառու քաղաքացու տիպարը, վերջինիս, հայրենակիցների համար, կեանքը զոհաբերող անձ համարեց։ «Մեծագոյն սէրն այն սէրն է, որով մարդ ինքն իրեն զոհում է իր բարեկամների համար»։

Նա ասաց․ «Հետեւաբար, քրիստոնեայ հայերը, իրենց մուսուլման հայրենակիցների հետ ի նպաստ հայրենի հողի պաշտպանութան իրանի հողում սերմանւելով, իրենց արեամբ ոռոգեցին յեղափոխութեան նորածիլ ծառը մարդկային եւ Աստւածային բարձր արժէքներով արգասաւորման տեսլականով»։

Ապա յիշելով պարտադրեալ պատերազմում հայ համայնքի մատուցած ծառայութիւնները յաւելեց․ «Հայ համայնքից ոմանք թիկունքում, իրենց մտքի, գիտական կարողութեամբ իրենց աջակցութիւնը բերեցին երկրին, եւ այդ յանձնառու քաղաքացիներից մի փաղանգ, իրենց կեանքը ընծաելով սխրագործութիւններ գործեցին եւ Իրանի պատմութեան մէջ նոր էպոսներ ստեղծեցին»։

Քահանայ հարը նրանց երկնային առաքեալներ որակելով ասաց․«Նրանք Աստծու արքայութեան քարոզիչներն էին, ովքեր իրենց ծառայութիւններով փորձեցին իրականացնել բոլորովին նոր եւ տարբեր ընկերային համակարգ, որը արմատապէս մարտահրաւէր էր նետում հին համակարգի արժէքներին եւ նորմերին»:

Նա իր խօսքի աւարտին ասաց, որ հայ ժողովուրդը Իրանում, մաս է կազմում այն նախանձախնդիր համայնքին, որը կարեւորելով համագործակցութեան եւ միասնականութեան վեհ գաղափարը, անտեսելով իրանեան ժողովրդի նկատմամբ սահմանւած պատժամիջոցներից գոյացած բազմաթիւ խնդիրները, ընտրութիւններում եւ երկրի ճակատագիրը բնորոշող ծրագրերին մասնալցելով փորձում է արմատախիլ անել ընչազրկութիւնը եւ զրկանքները:

 

Ազգային առաջնորդարանի Հանրային կապ

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։