Հա

Համայնք

14/09/2021 - 12:00

Սրբազան Հայրը հանդիպեց կրօնի ուսուցիչների հետ

Շաբաթ, 11 սեպտեմբերի 2021 թւականի կէսօրին, ազգային առաջնորդարանի դահլիճում, Թեհրանի հայոց թեմի բարեխնամ առաջնորդ՝ գերշ․ Տ․ Սեպուհ Ս․ արք․ Սարգսեանի գլխաւորութեամբ տեղի ունեցաւ կրօնի ուսուցիչների խորհրդակցական հանդիպումը:

Շաբաթ, 11 սեպտեմբերի 2021 թւականի կէսօրին, ազգային առաջնորդարանի դահլիճում, Թեհրանի հայոց թեմի բարեխնամ առաջնորդ՝ գերշ․ Տ․ Սեպուհ Ս․ արք․ Սարգսեանի գլխաւորութեամբ տեղի ունեցաւ կրօնի ուսուցիչների խորհրդակցական հանդիպումը:

Հանդիպմանը ներկայ էին Թ.Հ.Թ. Կրթական խորհրդի ներկայացուցիչ՝ տկն. Կարինէ Բալըքճեանը, Քրիստոնէական դաստիարակութեան գրասենեակի պատասխանատու՝ տկն․ Շաքէ Եղիայեանը, Քրիստոնէական դաստիարակութեան յանձնախմբի ատենապետ՝ տկն. Անի Մանուկեանը եւ Թեհրանի հայոց դպրոցներում Սրբազան Հօր կաղմից նշանակւած կրօնի ուսուցիչները։

Սրբացան Հայրը ուրախութեամբ տեղեկացրեց, որ ամբողջովին վերանայւել են կրօնի դասագրքերը, եւ իր խօսքի ընթացքին մեծապես գնահատեց այս աշխատանքում իրենց ներդրումը կատարած անձանց, ներկայացնելով դասագրքերում ներառւած թեմաները:

Հանդիպման ընթացքում նաեւ տեղի ունեցաւ խորհրդակցութիւն կրօնի դասաւանդման մեթոդների բարելաւման համար:

Դասագրքերի կապակցութեամբ Սրբազան Հայրը կարեւորութեամբ մատնանշեց, որ ուսուցիչը ինքը բաց դասագիրք պէտքէ լինի որովհետեւ կրօնի ուսուցումը առնչւած է եւ քրիստոնէական հաւատքին նաեւ ուսուցչի վարւելակերպին, որովհետեւ կրօնը կեանք է եւ հետեւաբար մենք մեր կեանքով օրինակ եւ ուսուցիչ պէտք է լինենք:

 

Ազգային առաջնորդարանի Հանրային կապ

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։