Հա

Համայնք

02/10/2021 - 14:20

Անցեալ երկու օրերի ընթացքում շարունակւեց 16-րդ ՊԺ-ի հերթական նիստերը

Թւականիս, սեպտեմբերի 30-ին եւ հոկտեմբերի 1-ին, իր աշխատանքը շարունակեց Թ. Հ. Թ. 16-րդ Պատգամաւորական ժողովը, քննարկելով շրջանաւարտ Թ. Հ. Թ. Թեմական խորհրդի եւ Կրօնական խորհրդի ու յարակից խորհուրդների ու մարմինների 28-ամսեայ գործունէութիւնը: 

«ԱԼԻՔ» - Թւականիս, սեպտեմբերի 30-ին եւ հոկտեմբերի 1-ին, իր աշխատանքը շարունակեց Թ. Հ. Թ. 16-րդ Պատգամաւորական ժողովը, քննարկելով շրջանաւարտ Թ. Հ. Թ. Թեմական խորհրդի եւ Կրօնական խորհրդի ու յարակից խորհուրդների ու մարմինների 28-ամսեայ գործունէութիւնը: Թեհրանի հայոց թեմի առաջնորդ Տ. Սեպուհ արք. Սարգսեանի նախագահութեամբ եւ Ժոզէֆ Մեհրաբեանի ատենապետութեամբ գումարւած անցեալ երեք օրերի նիստը, շարունակւելու է նաեւ այսօր երեկոյեան:

Հ. Մ. Մ. «Նայիրի» միութեան նորակառոյց սրահում երէկ ժամը 5-ից մինչեւ ժամը 21:30-ը շարունակւող նիստերի ընթացքում, պատգամաւորները ունկնդրելով սեպտեմբերի 30-ին եւ նոյն օրը ներկայացւած Թ. Հ. Թեմական ու Կրօնական խորհուրդների զեկոյցները, առաջադրում էին իրենց հարցումները կապւած համայնքային կարեւորագոյն խնդիրներին, ներկայացնելով տեսակէտներ, քննադատութիւններ ու գնահատանքներ եւ ի պատասխան արծարծւած հարցադրումներին փոխանցւում էր լուսաբանական բացատրութիւններ Թեմական խորհրդի, Թեմակալ առաջնորդի եւ Կրօնական խորհրդի կողմից: Յատկանշական է, որ գործող Թեմական խորհուրդը հինգշաբթի օրւայ իր աշխատանքային գրաւոր զեկոյցին էր կցել իր հրաժարակը, որը յանձնւեց ՊԺ-ին:

Այսօր, հոկտեմբերի 2-ին շարունակւելու է ՊԺ-ի հերթական նիստը, որտեղ ժողովը ունկնդրելու է Հաշւեքննիչ մարմնի գործունէութիւնը եւ այդ հարցով քննարկումներ են ընթանալու, նաեւ Ներքին գործերի նախարարութեան ներկայացուցչի մասնակցութեամբ կատարւելու է Թ. Հ. Թ. Թեմական խորհրդի, Կրօնական խորհրդի եւ Հաշւեքննիչ մարմնի ընտրութիւնները:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։