Հա

Համայնք

14/10/2021 - 12:50

Գումարւեց նորընտիր Կրօնական խորհրդի անդրանիկ նիստը

Երեքշաբթի, 12 հոկտեմբերի 2021 թ.-ին, Թեհրանի ազգային առաջնորդարանի դահլիճում, հրաւէրով եւ նախագահութեամբ Թեհրանի հայոց թեմի բարեխնամ առաջնորդ՝ գերշ. Տ. Սեպուհ. Ս. արք. Սարգսեանի տեղի ունեցաւ Թ.Հ.Թ. նորընտիր Կրօնական խորհրդի անդրանիկ նիստը։ Նիստին ներկայ էին կրօնական խորհրդի անդամներն ու Պատգամաւորական ժողովի դիւանի ներկայացուցիչներ ատանպետ՝ Վահիկ Աղաքեանը եւ ատենադպիր՝ Յարութիւն Եղնազարեանը։ Սրբազան Հօր Տէրունական աղօթքով եւ Զգործս ձեռաց մաղթանքով, մեկնարկւեց Կրօնական խորհրդի անդրանիկ նիստը։

Երեքշաբթի, 12 հոկտեմբերի 2021 թ.-ին, Թեհրանի ազգային առաջնորդարանի դահլիճում, հրաւէրով եւ նախագահութեամբ Թեհրանի հայոց թեմի բարեխնամ առաջնորդ՝ գերշ. Տ. Սեպուհ. Ս. արք. Սարգսեանի տեղի ունեցաւ Թ.Հ.Թ. նորընտիր Կրօնական խորհրդի անդրանիկ նիստը։ Նիստին ներկայ էին կրօնական խորհրդի անդամներն ու Պատգամաւորական ժողովի դիւանի ներկայացուցիչներ ատանպետ՝ Վահիկ Աղաքեանը եւ ատենադպիր՝ Յարութիւն Եղնազարեանը։ Սրբազան Հօր Տէրունական աղօթքով եւ Զգործս ձեռաց մաղթանքով, մեկնարկւեց Կրօնական խորհրդի անդրանիկ նիստը։

Սրբազան Հայրն իր շնորհակալութեան խօսքը ուղղելով ներկաներին իրենց ներկայութեան համար, յայտնեց այն իրողութիւնը, որ Կրօնական խորհուրդը թեմից ներս Թեմական խորհրդի կողքին, որպէս գործադիր մարմին վերահասու է լինում կրօնական եւ եկեղեցական բոլոր հարցերին, վայելելով Սրբազան Հօր եւ Թեմական խորհրդի, Պատգամաւորական ժողովի եւ Հաշւեքննիչ մարմնի համագործակցութիւնը։ Ապա Սրբազան Հայրը ձայն փոխանցեց պրն. Աղաքեանին, ով իր հերթին գնահատելով Կրօնական խորհրդի նախկին շրջաններին տարած աշխատանքը՝ ի մասնաւորի կրօնի դասգրքերի վերակազմումը եւ յոյս յայտնեց եկեղեցին աւելի շէնացնելով ժողովրդի՝ յատկապէս երիտասարդների համար, այն աւելի աշխուժացնել։ Կրկին անգամ Սրբազան Հայրը խօսք առնելով յոյս յայտնեց, որ նորընտիր Կրօնական խորհուրդը բծախնդրօրէն պիտի իրագործի իր վրայ դրւած բոլոր պարտականութիւնները։

Ապա փակ քւէարկութեամբ տեղի ունեցաւ ընտրութիւն, որի արդիւնքում ընտրւեց խորհրդիս դիւանն ըստ հետեւեալի՝

Արժ. Տ. Մաշտոց քհնյ. Խաչատրեան՝ Ա Ատենապետ

Արժ. Տ. Մեսրապ քհնյ. Ռատթէոսեան՝ Բ Ատենապետ

Արժ. Տ. Գրիգորիս քհնյ. Ներսէսեան՝ Ա Ատենադպիր

Արժ. Տ. Արիստակէս քհնյ. Շահմիրեան՝ Բ Ատենադպիր

Սրբազան Հայրը շնորհաւորեց դիւանին եւ յաջողութիւն մաղթեց նրան յաւելելով, որ ժողովականները կոչւած են միակամ, միասիրտ, համերաշխ գործակցութեամբ նորից աշխատանքը շարունակելու։

 

Կրօնական խորհուրդ

Թեհրանի հայոց թեմի

 

Յարակից լուրեր

  • Հաղորդագրութիւն
    Հաղորդագրութիւն

    Այսու հաւատացեալ ժողովրդիս տեղեկացնում ենք, որ գլխաւորութեամբ Թեհրանի հայոց թեմի բարեխնամ առաջնորդ՝ Տ. Սեպուհ. Ս. արք. Սարգսեանի, Կրօնական խորհուրդս նկատի ունենալով Հին Բուրաստանում բազում հայորդիների շիրիմների առկայութիւնը, յետ այսու որոշում կայացրեց, Սուրբ Ծննդեան եւ Աստւածայայտնութեան ու Սուրբ Յարութեան տօներին յաջորդող մեռելոցներին, սուրբ եւ անմահ պատարագ մատուցել նաեւ Դուլաբի Հին Բուրաստանի գերեզմանատան Ս. Յովհաննէս Մկրտիչ մատուռում:

  • Կարեւոր յայտարարութիւն
    Կարեւոր յայտարարութիւն

    Այսու մեր ժողովրդի զաւակներին յայտնում ենք, Հայաստանում որեւէ արարողութիւն կատարելու պարագային, ենթականերից պահանջւում է ծխատէր քահանայի հաստատմամբ, երեք վկաների վկաութեամբ հաստատագիր, որի հիման վրայ Թեհրանի ազգային առաջնորդարանի կողմից կը ստանան պատշաճ արտօնագիր։ Հակառակ պարագային որեւէ արարողութիւն Հայաստանում անհնար կը լինի։

  • Հրաժեշտ եւ բարի գալսուստ «Թունեան» տարրական դպրոցի նախկին եւ նոր տեսչուհիներին
    Հրաժեշտ եւ բարի գալսուստ «Թունեան» տարրական դպրոցի նախկին եւ նոր տեսչուհիներին

    Երկուշաբթի, 13 սեպտեմբերի 2021 թ.-ին, Թ.Հ.Թ. Կրթական խորհրդի անդամներ՝ Ալենուշ Շահնազարեանը, Օշին Ղահրամանեանը եւ Կարօ Պետրոսեանը այցելեցին «Թունեան» տարրական դպրոց հրաժեշտ տալու դպրոցի տեսչուհի՝ Շահրզադ Քեշմիրին, որը 11 երկար տարիներ իր ներդրումն էր ունեցել դպրոցում:

  • Թ.Հ.Թ. Կրօնական խորհրդի հերթական հանդիպում
    Թ.Հ.Թ. Կրօնական խորհրդի հերթական հանդիպում

    Շաբաթ, 3 յուլիսի 2021 թւականի առաւօտեան, Թեհրանի հայոց թեմի բարեխնամ առաջնորդ՝ գերշ. Տ․ Սեպուհ Ս. արք․ Սարգսեանի նախագահութեամբ` Թ.Հ.Թ. Կրօնական խորհուրդը, մասնակցութեամբ քահանայ հայրերի եւ քրիստոնէական դաստիարակութեան բաժանմունքի պատասխանատու՝ տկն. Շաքէ Եղիայեանի, գումարեց իր հերթական նիստը ազգային առաջնորդարանի դահլիճում։

  • Թ.Հ.Թ. Կրօնական խորհրդի հերթական հանդիպում
    Թ.Հ.Թ. Կրօնական խորհրդի հերթական հանդիպում

    Չորեքշաբթի, 26 մայիսի 2021 թ.-ի առաւօտեան Թեհրանի հայոց թեմի բարեխնամ առաջնորդ՝ Տ. Սեպուհ Ս. արք. Սարգսեանի նախագահութեամբ` Թ.Հ.Թ. Կրօնական խորհուրդը, մասնակցութեամբ քահանայ հայրերի եւ Քրիստոնէական դաստիարակութեան բաժանմունքի պատասխանատու՝ տկն. Շաքէ Եղիայեանի, գումարեց իր հերթական նիստը ազգային առաջնորդարանի դահլիճում։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։