Հա

Համայնք

27/10/2021 - 14:20

Տեղի ունեցաւ «Մուսուլմանի եւ ոչ-մուսուլմանի ժառանգութիւնը» խորագրով գրքի շնորհանդէսը

Երէկ երեկոյեան, հոկտեմբերի 27-ին՝ «Նայիրի» հրատարակչութեան յարկի տակ կազմակերպւել էր «Մուսուլմանի եւ ոչ-մուսուլմանի ժառանգութիւնը» խորագրով գրքի շնորհանդէսը, որի հրատարակիչն է «Նայիրի» հրատարակչութիւնը: Գրքի հեղինակն է դատախազութեան առաջին կարգի փաստաբան, դոկտ. Յովիկ Բեհբուն:

«ԱԼԻՔ», Կ.Դ. - Երէկ երեկոյեան, հոկտեմբերի 27-ին՝ «Նայիրի» հրատարակչութեան յարկի տակ կազմակերպւել էր «Մուսուլմանի եւ ոչ-մուսուլմանի ժառանգութիւնը» խորագրով գրքի շնորհանդէսը, որի հրատարակիչն է «Նայիրի» հրատարակչութիւնը: Գրքի հեղինակն է դատախազութեան առաջին կարգի փաստաբան, դոկտ. Յովիկ Բեհբուն:

Գրքի նախաբանում հեղինակը նշել է, որ իւրաքանչիւր գրագէտ փաստաբանի ցանկութիւնն է վերացնել իրաւաբանական այն դժւարութիւնները, որոնք հետեւանքն են որոշ օրէնքների թիւրընբռնման եւ այս դժւարութիւնների վերացմամբ է, որը հասանելի է դառնալու արդարութիւնը: Շնորհանդէսի սկզբում ներկաներին ողջոյնի խօսք ասելով հրատարակչութեան տնօրէն Արտոյտ Զոհրաբեանը անդրադարձաւ նման օրէնսդրական գրքերի հրատարակման անհրաժեշտութեանը, որոնք մանրամասն անդրադառնում են երկրում կրօնական փոքրամասնութիւնների իրաւունքներին, ի մասնաւորի՝ ժառանգութեան բնագաւառում:

Միջոցառմանը, հեղինակը հակիրճ բացատրութիւններ ներկայացրեց գիրքը հեղինակելու իր մտադրութեան մասին եւ անդրադարձաւ այն հանգամանքին, որ գրքի մէջ ներառւած են ժառանգութիւններին առնչւող իր դատական բազմամեայ փորձառութիւնները, եւ ընդգծեց, որ կրօնական ու օրէնսդրական դաշտի զանազան աղբիւրներին վկայակոչելով, փորձել է ընթերցողին իրազեկ դարձնել ժառանգութեանը առնչւող հարցերին, որպէսզի հայցւորը անտեղեակ լինելու պատճառով չարաշահողների զոհը չդառնայ:

Իսլ. խորհրդարանում Սպահանի եւ հարաւային իրանահայութեան պատգամաւոր Ռոբերտ Բեգլարեանը, անդրադարձաւ դոկտ. Յովիկ Բեհբուհի տարիների աշխատանքային հետամուտ եւ համարձակ աշխատանքային անցեալին, շեշտելով «Դիէ»-ի հարցով, դատարաններում նրա գործունէութիւնը: Թեհրանի եւ հիւսիսային իրանահայութեան պատգամաւոր Արա Շահվերդեանը իր գնահատանքը յայտնեց նմանօրինակ գրքերի հրատարակման կապակցութեամբ, որոնք կարող են լաւագոյնս իրազեկել ընթերցողին դատական օրէնքների մասին: Գրքի լիտոգրաֆիայի, տպագրութեան եւ կազմարարութեան աշխատանքները իրականացւել է «ԱԼԻՔ»-ում, իսկ գրքի նկարազարդողն է Արագած Սիմոնեանը:

Միջոցառմանը ներկայ էին՝ Իսլ. Մշակոյթի եւ առաջնորդութեան նախարարութեան կրօնական փոքրամասնութիւնների գրասենեակի հարցով պատասխանատուներից տկն. Մոբարհանը, Թ.Հ.Թ. Թեմական խորհրդի անդամ Հայրիկ Աղանեանը, Տ. Արիստակէս քհնյ. Շամիրեանը, հայ եւ ոչ-հայ երիտասարդ իրաւաբաններ:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։