Հա

Համայնք

03/11/2021 - 15:30

Քաղխորհրդի ներկայացուցիչների եւ Թեհրանի 3-րդ շրջանի քաղաքապետի այցը՝ «Արարատ» մարզաւան

Երէկ՝ նոյեմբերի 2-ին, Հ.Մ. «Արարատ» կազմակերպութիւն են այցելել քաղաքային բարձրաստիճան մի շարք ղեկավար պաշտօնեաներ, այդ թւում՝ քաղխորհրդի բիւջէի եւ ծրագրերի յանձնաժողովի տնօրէն Մոհամմադ Ախունդին, նոյն յանձնաժողովի փոխնախագահ Մէյսամ Մոզաֆարին, այդ յանձնաժողովի անդամ Ահմադ Սադեղին, եւ Թեհրանի 3-րդ շրջանի թաղային խորհրդի ղեկավարութեան կապ Արաշ Սամարիէ Նիքը, ինչպէս նաեւ՝ Թեհրան քաղաքի 3-րդ շրջանի քաղաքապետ Համիդ Ջաւանին:

«alikonline.ir» - Երէկ՝ նոյեմբերի 2-ին, Հ.Մ. «Արարատ» կազմակերպութիւն են այցելել քաղաքային բարձրաստիճան մի շարք ղեկավար պաշտօնեաներ, այդ թւում՝ քաղխորհրդի բիւջէի եւ ծրագրերի յանձնաժողովի տնօրէն Մոհամմադ Ախունդին, նոյն յանձնաժողովի փոխնախագահ Մէյսամ Մոզաֆարին, այդ յանձնաժողովի անդամ Ահմադ Սադեղին, եւ Թեհրանի 3-րդ շրջանի թաղային խորհրդի ղեկավարութեան կապ Արաշ Սամարիէ Նիքը, ինչպէս նաեւ՝ Թեհրան քաղաքի 3-րդ շրջանի քաղաքապետ Համիդ Ջաւանին:

Բարձրաստիճան պաշտօնեաներին դիմաւորել են Հ. Մ. «Արարատ» կազմակերպութեան կենտրոնական վարչութեան նախագահ Հենրիկ Խալոյեանը, փոխնախագահ Արա Գալստեանը, նոյն կազմի անդամներ Հարմիկ Սարգսեանը եւ Արմանդ Դրորը:

Կենտրոնական վարչութեան նախագահ Հենրիկ Խալոյեանը ողջունելով պաշտօնեաների այցն «Արարատ» մարզաւան, տեղեկութիւն է ներկայացրել կազմապերպութեան գործունէութեան եւ ծրագրերի, առկայ խոչընդոտների եւ մարտահրաւէրների, այդ թւում՝ ոռոգման ջրի հետ կապւած խնդիրների վերաբերեալ:

Հ.Մ. «Արարատ» Կ.-ի նախագահ Հենրիկ Խալոյեանն իր ելոյթի ընթացքում անդրադարձել է Իրանում հայերի ներկայութեան բազմադարեայ պատմութեանը, մշակութային, մարզական, եւ հասարակական կեանքի գործունէութեանը՝ յաւելելով, որ այն փաստում է մեր երկրում տարբեր կրօնների եւ ժողովուրդների խաղաղ գոյակցութեան մասին:

«Արարատ» կազմակերպութեան նախագահն իր խօսքերի ընթացքում նաեւ նշել է, որ «Արարատ»-ը իր տարբեր առաքելութիւններին զուգահեռ, նաեւ իրականացնում է շրջակայ միջավայրի բնապահպանական անվտանգութեան ապահովման առումով իր կարեւոր դերակատարութիւնը:

Քաղխորհրդի բիւջէի եւ ծրագրերի յանձնաժողովի տնօրէն Մոհամմադ Ախունդին իր հերթին շնորհակալութիւն է յայտնել ընդունելութեան համար եւ կարեւորել է «Արարատ» կազմակերպութեան գործունէութիւնը՝ յիշելով համահայկական խաղերին իր ներկայութեան փորձը, եւ երկրի մարզամշակութային տարբեր ոլորտների ակտիւացմանը միտւած քայլերի իրականացումը:

Հանդիպման աւարտին քաղաքային ղեկավարութեան պատւիրակութիւններին է յանձնւել Հ.Մ. «Արարատ» կազմակերպութեան կողմից յուշանւէրներ:

Նշենք, որ հանդիպմանը ներկայ են եղել նաեւ Հ. Մ. «Արարատ» Կ.-ի վարիչ մարմնի ներկայացուցիչները, Թեհրանի քաղխորհուրդներին աջակցող մարմնի իրանահայ անդամներ՝ Դարւին Աւագեանը, Ասպետ Նազարեանը եւ Արէն Պօղոսեանը:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։