Հա

Համայնք

02/01/2022 - 14:20

Ամանորի առիթով ս. պատարագ մատուցւեց Թեհրանի հինգ եկեղեցիներում

Ամանորի առիթով դեկտեմբերի 31-ի կէսգիշերւան, նաեւ յունւարի 1-ի առաւօտեան, Թեհրանի հինգ եկեղեցիներ՝ Ս. Սարգիս առաջնորդանիստ, Ս. Աստւածածին, Սրբոց Վարդանանաց, Սրբոց Թարգմանչաց եւ Ս. Գրիգոր Լուսաւորիչ եկեղեցիներում մատուցւեց ս.պատարագ:

Թեմակալ առաջնորդ.

«Դժւարութիւնները պէտք է մեր մէջ դիմադրողականութիւնը հզօրացնեն»

 

«ԱԼԻՔ», Կ.Դ.- Ամանորի առիթով դեկտեմբերի 31-ի կէսգիշերւան, նաեւ յունւարի 1-ի առաւօտեան, Թեհրանի հինգ եկեղեցիներ՝ Ս. Սարգիս առաջնորդանիստ, Ս. Աստւածածին, Սրբոց Վարդանանաց, Սրբոց Թարգմանչաց եւ Ս. Գրիգոր Լուսաւորիչ եկեղեցիներում մատուցւեց ս.պատարագ:

Ս. Սարգիս եկեղեցում, որտեղ ս. պատարագը սկսւեց կէս գիշերւայ ժամը 12-ին՝ եկեղեցու զանգերի ղօղանջով, եւ տեւեց մինչեւ լուսաբացի ժամի 2-ը, եպիսկոպոսական հանդիսաւոր պատարագ մատուցեց Թեհրանի հայոց թեմի առաջնորդ Տ. Սեպուհ արք. Սարգսեանը: Թեմակալ առաջնորդը ս. պատարագի ընթացքում իր քարոզի ժամանակ շնորհաւորելով տարեմուտը մաղթեց, որ 2022-ը բոլորի համար դառնայ աստւածային օրհնութիւններով ու բարիքներով լի տարի եւ նշեց, որ ժամանակը, իր անակնկալ եւ աննախատեսելի իրադարձութիւններով մեզ ստիպում է արթուն մնալ եւ Նոր տարւայ խորհուրդով կերպարանափոխւած ապրել կեանքը՝ հաւատարիմ մեր կոչումին: Թեմակալ առաջնորդը իր քարոզի այլ բաժնում նշեց, որ Նոր տարին մեզ վերանորոգւելու մարտահրաւէրի դիմաց է կանգնեցնում եւ անդրադառնալով Արցախի տխուր կարգավիճակին ու Հայաստանի ինքնիշխան տարածքների անմխիթար վիճակին, նաեւ թշնամու կողմից հնչող ամենօրեայ սպառնալիքներին ընդգծեց, որ այս ճակատագրական եւ վճռորոշ ժամանակահատւածի դժւարութիւնները ոչ թէ պէտք է մեզ ընկճեն, այլ պէտք է մեր մէջ դիմադրողականութիւնը հզօրացնեն եւ ամրապնդեն մեր կամքը, մեր հաւատքը, մեր կոչումը եւ մեր առաքելութիւնը:

Յաւարտ ս. պատարագի եկեղեցում ներկայ փոքրիկներին նւիրւում էր Եկեղեցական խորհրդի կողմից պատրաստւած նւէրներ:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։