Հա

Համայնք

13/01/2022 - 09:10

Քաղաքային պաշտօնենաների այցը՝ «Արարատ» մարզաւան

Թեհրանի երրորդ քաղաքամասի քաղաքապետ դոկտ. Համիդ Ջաւանին, ընկերակցութեամբ նշւած քաղաքամասի առաջին շրջանի քաղաքապետ պրն. Մոզաֆարը եւ թաղային խորհրդի քարտուղար տկն. Մարիամ Շահեդեանը եւ մի շարք բարձրաստիճան պաշտօնեաներ դեկտեմբերի 30-իՆ Նոր տարւայ եւ Ս. Ծննդեան տօների կապակցութեամբ այցելեցին «Արարատ» մարզաւան։

Թեհրանի երրորդ քաղաքամասի քաղաքապետ դոկտ. Համիդ Ջաւանին, ընկերակցութեամբ նշւած քաղաքամասի առաջին շրջանի քաղաքապետ պրն. Մոզաֆարը եւ թաղային խորհրդի քարտուղար տկն. Մարիամ Շահեդեանը եւ մի շարք բարձրաստիճան պաշտօնեաներ դեկտեմբերի 30-իՆ Նոր տարւայ եւ Ս. Ծննդեան տօների կապակցութեամբ այցելեցին «Արարատ» մարզաւան։

Հիւրերին դիմաւորեցին կազմակերպութեան նախագահ ընկ. Հենրիկ Խալոյեանը, փոխնախագահ ընկ. Արա Գալստեանը, Կենտրոնական վարչութեան անդամներ, մարզաւանի վարիչ մարմնի նախագահ ընկ. Նորիկ Նանասէրեանը, թաղային խորհրդի 3 հայ անդամներ՝ Դարւին Աւագեանը, Ասպետ Նազարեանը եւ Արէն Պօղոսեանը, ու մի շարք պատասխանատու ընկերներ։

Այցելութիւնը կատարւեց ջերմ մթնոլորտում, նախ Կազմակերպութեան նախագահը, հակիրճ ներկայացրեց Հ.Մ.Ա.Կ.-ի անցեալը եւ նրա դերը Իրանի հայ համայնքի ու ինչու չէ նաեւ երկրի մարզա-մշակութային եւ հասարակական ոլորտներում, ապա քաղաքապետը ծանօթացաւ մարզաւանի տարբեր բաժինների եւ տարւող աշխատանքների հետ, նրան ներկայացւեցին առկայ դժւարութիւնները մարզաւանի կանաչապատման, անհրաժեշտ նորոգումների, ոռոգման ջրի եւ այլ խնդիրների վերաբերեալ։ Այնուհետեւ տեղի ունեցաւ ճաշ, որի ընթացքին քննարկւեցին փոխադարձ համագործակցութեան եզրերը։

Քաղաքապետը շնորհաւորելով Նոր տարին եւ Ս. Ծննդեան տօները, գոհունակութիւն յայտնեց մարզաւան այցից եւ վստահեցրեց, որ իր ղեկավարած կառոյցը բոլոր հնարաւորութիւններով օգտակար կը հանդիսանայ մարզաւանի դժւարութիւնները հնարաւորինս արագ հարթելու ուղղութեամբ։

Ապա ընկ. Հենրիկ Խալոյեանը իր խօսքերում շնորհակալութիւն յայտնելով Թեհրանի երրորդ շրջանի քաղաքապետի, իր գործընկերների եւ բոլոր սրտցաւ աշխատակիցներից իրենց ամենօրեայ կարեւոր աշխատանքի, ու մարզաւան այցի կապակցութեամբ յոյս յայտնեց, որ երկուստեք յարաբերութիւնները զարգանալով Հ. Մ. «Արարատ» կազմակերպութիւնը հնարաւորութիւն կունենայ էլ աւելի օգտւել քաղաքապետարանի ընձեռնած հնարաւորութիւններից մարզաւանի որոշ դժւարութիւնները հարթելու եւ առաւելագոյնս ծառայելու հասարակութեսնը իր բազմակողմանի ոլորտում։

Վերջում քաղաքապետին յանձնւեց յուշանւէր։

Հ.Մ.Ա.Կ.

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։