Հա

Համայնք

30/08/2022 - 14:10

Սրբազան Հօր այցելութիւնը Իրանի Մշակոյթի եւ իսլամական յարաբերութիւնների կազմակերպութեան կենտրոն

Երկուշաբթի, 29 օգոստոսի 2022 թ.-ին, Թեհրանի հայոց թեմի առաջնորդ՝ գերշ․ Տ․ Սեպուհ Ս․ արք․ Սարգսեանը ընկերակցութեամբ հանրային կապի հոգեւոր խորհրդատու՝ արժ․ Տ․ Գրիգորիս քհնյ. Ներսէսեանի այցելեց Իրանի Մշակոյթի եւ իսլամական յարաբերութիւնների կազմակերպութեան նորանշանակ տնօրէն հոջ․ Իմանիփուրին։

Երկուշաբթի, 29 օգոստոսի 2022 թ.-ին, Թեհրանի հայոց թեմի առաջնորդ՝ գերշ․ Տ․ Սեպուհ Ս․ արք․ Սարգսեանը ընկերակցութեամբ հանրային կապի հոգեւոր խորհրդատու՝ արժ․ Տ․ Գրիգորիս քհնյ. Ներսէսեանի այցելեց Իրանի Մշակոյթի եւ իսլամական յարաբերութիւնների կազմակերպութեան նորանշանակ տնօրէն հոջ․ Իմանիփուրին։

Հանդիպմանը նաեւ ներկայ էին, կրօնների եւ մշակոյթների երկխօսութեան բաժնի տնօրէն դոկտ. Զիային եւ բաժնի մասնագէտ տկն․ Ռաշիդ Բէյգին։ Կազմակերպութեան տնօրէնի ջերմ ընդունելութեան եւ բարեգալստեան խօսքից յետոյ Սրբազան Հայրը նաեւ իր հերթին գոհունակութիւն յայտնեց, որ կրկին անգամ գտնւում է բարեկամ եւ հարազատ կազմակերպութեան յարկի ներքոյ, կազմակերպութիւն, որի հետ առաւել քան քսան երեք տարի սիրալիր յարաբերութիւնների մէջ է եւ յատկապէս Մեծի Տանն Կիլիկիոյ կաթողիկոսութիւնը՝ գլխաւորութեամբ Ն.Ս.Օ.Տ.Տ. Արամ Ա Վեհափառ Հայրապետի։

Սրբազան Հայրն իր բարեմաղթանքների ընթացքում կազմակերպութեան պաշտօնէութիւնը, իր անմիջական գործակիցներն եւ սիրելիներն համարեց։ Նա յաւելեց ներքին եւ թէ արտաքին համագումարներում կազմակերպութիւնը յիշում է, որպէս մի բաց պատուհան դէպի արտաքին աշխարհ։

Հոջ․ Իմանիփուրը եւս իր խօսքերի մէջ գնահատելով Սրբազան Հօր կազմակերպութեան հետ ունեցած համագործակցութիւնները յայտնեց, որ կազմակերպութիւնս իր որոշ ձեռքբերումներում պարտական է Ձերդ Սրբազանութեան օգնութեան եւ յոյս յայտնեց, որ Սրբազան Հօր, Վեհափառ Հայրապետի եւ կազմակերպութեան համատեղ համագործակցութեամբ պիտի տեղի ունենայ Իրան-Մեծի Տանն Կիկիկիոյ կաթողիկոսութեան երկխօսութեան ութերորդ նստաշրջանը։

Հանդիպման ընթացքում նաեւ հոջ․ Իմանիփուրը յոյս յայտնեց համատեղ աշխատանքներով, դոկտ. Զիայիի համագործակցութեամբ կը կազմակերպւեն կրօնահիմն կեանքի մասին աշխատանքներ, որոնց միջոցով հնարաւոր կը լինի պայքարել եւրոպայից մեզ, որպէս մարտահրաւէր նետւած նոր աշխարհի համակարգի ապրելակերպի դէմ։ Հանդիպման աւարտին Սրբազան Հայրը կազմակերպութեան տնօրէնին նւիրեց «Մատենադարանի Ղաջարական արւեստի նմուշները», «Իրանահայութիւնը», «Իրանին պարտադրւած ութամեայ պատերազմը եւ իրանահայութիւնը» եւ Վեհափառ Հայրապետի հեղինակած «Հայոց եկեղեցի» անգլատառ գրքերը։ Հոջ․ Իմանիփուրը եւս Սրբազան Հօրը նւիրեց Իսֆահանի ազնիւ քանդակներով սափոր։

 

Ազգային առաջնորդարանի Հանրային կապ

 

Image Gallery

View the embedded image gallery online at:
https://alikonline.ir/news/community/tehran/item/77683-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD#sigProIdb0e36be89f

Յարակից լուրեր

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։