Հա

Համայնք

28/09/2022 - 11:30

Ս. Գէորգ Զօրավարի տօնի առիթով հանդիսաւոր սուրբ եւ անմահ պատարագ՝ Թեհրանի Ս. Գէորգ եկեղեցում

Շաբաթ, 24 սեպտեմբերի 2022 թ.-ին, Թեհրանի Սուրբ Գէորգ եկեղեցում տօնակատարւեց Ս. Գէորգ Զօրավարի տօնը եւ տեղի ունեցաւ սուրբ եւ անմահ պատարագ։ Պատարագիչն էր Թեհրանի հայոց թեմի բարեխնամ առաջնորդ՝ գերշ. Տ. Սեպուհ Ս. արք. Սարգսեանը։ Պատարագի ընթացքում Սրբազան Հօրն սպասարկում էին արժ. Տ. Սահակ քհնյ. Խոսրովեանը եւ արժ. Տ. Վրթանէս քհնյ. Բաբախանեանը։

Շաբաթ, 24 սեպտեմբերի 2022 թ.-ին, Թեհրանի Սուրբ Գէորգ եկեղեցում տօնակատարւեց Ս. Գէորգ Զօրավարի տօնը եւ տեղի ունեցաւ սուրբ եւ անմահ պատարագ։ Պատարագիչն էր Թեհրանի հայոց թեմի բարեխնամ առաջնորդ՝ գերշ. Տ. Սեպուհ Ս. արք. Սարգսեանը։ Պատարագի ընթացքում Սրբազան Հօրն սպասարկում էին արժ. Տ. Սահակ քհնյ. Խոսրովեանը եւ արժ. Տ. Վրթանէս քհնյ. Բաբախանեանը։

Արարողութեանը ներկայ էին, թեմում ծառայող քահանայ հայրերն, սարկաւագաց դասը, Իրանի Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը, Թեմական խորհրդի ներկայացուցիչ՝ պրն. Հայկազ Շիրւանեանը եւ նկատառելի թւով հաւատացեալներ։

Սրբազան Հայրը գոհութիւն եւ փառք տալով Երկնաւոր Հօր, իր երախտագիտութիւնը յայտնեց, որ այս տարի մեզ բոլորիս առիթ ընծայեց, որպէսզի Սուրբ Գէորգ Զօրավարի բարեխօսութեամբ՝ համանուն եկեղեցում ի մի հաւաքւելով բարձնացնենք մեր աղօթքները։ Սրբազան Հայրը յընթացս քարոզի ասաց.- «Ս. Գէորգ Զօրավարին ընդունում են, որպէս իրենց հովանաւոր սուրբը՝ ինչպէս Հայոց Եկեղեցին Ս. Գրիգոր Լուսաւորչին ընդունում է, որպէս իր հաւատքի Հայրը»։ Ապա բնութագրելով Ս. Գէորգ Զօրավարին՝ ասաց.- «Սուրբը եղաւ Քրիստոնէական եկեղեցու նւիրական սուրբ եւ հաւատքի ախոյեան, որովհետեւ ամենայն քաջութեամբ կանգնեց Դիոկղետիանոս կայսրի դիմաց պաշտպանելով քրիստոնէութիւնը եւ քրիստոնեաները եւ ջարդեց կուռքերը եւ դարձաւ հաւատքի ախոյեան»: Նա յաւելեց, որ հաւատքը մարդու մէջ այն զգացումն է, որ իրեն տալիս է զօրութիւն, տալիս է ուժի եւ ինչու չէ նաեւ երջանկութեան այն զգացումը, որ նրա կեանքի մէջ կը վերացւի կեանքի եւ զօրութեան ու նւիրումի մի այնպիսի զգացումի, որ ոչ ոք չի կարող յաղթանակել. այդ իսկ պատճառով էլ Պօղոս առաքեալը հռոմէացիներին գրւած նամակում ասում է, որ քրիստոնէական հաւատքը մեր կեանքի ուժ եւ իմաստ տւող իրականութիւնն է եւ հետեւաբար ոչ ոք չի կարող այդ խորտակել։ Հաւատքը այն ուժն է, որ մեզ մի կողմից կապում է մեր կոչումին եւ միւս կողմից էլ մեզ ուսուցանում։

Սրբազան Հայրն իր քարոզի յաջորդ բաժնում ասաց.- «մեր ժողովուրդն այսօր իր կեանքի ամենից անորոշ եւ ճակատագրական պահերն է անցկացնում, հետեւաբար մենք բոլորս կարիք ունենք աղօթքի, որովհետեւ աղօթքը, մեզ բոլորիս կապում է իրարու եւ այդպէս զօրանում ենք»։ Նա ասաց, որ աղօթքը մարդկային կեանքի մէջ այն ուժն է, որ նրան կապում է իր կենդանարարին։ Նա իր խօսքը շարունակելով ասաց.- «երբ մեր հայրենիքում ոչ բաղձալի դէպքեր են տեղի ունենում, մենք կոչւած ենք առաւել եւս աղօթելու, որ Աստւած մեր ժողովրդին իմաստութիւն, ուժ եւ կարողութիւն պարգեւի, որպէսզի այս փորձանքներից անդին նայել կեանքին։ Կեանք, որ կիրագործւի երբ մենք բոլորս համատեղ եւ միասնաբար կը լինենք եւ կը յաղթահարենք ամէն տեսակ դժւարութիւն։

Մեր ժողովուրդը իր կեանքի ընթացքին ահաւոր դժւարութիւններ է ունեցել, ահաւոր նեղութիւնների եւ հալածանքների է ենթարկւել, բայց երբեք անկախութեան եւ ազատութեան զգացումը չի կորցրել եւ դրանով նա կարողացել է շարունակել իր կեանքը։ Այսօր էլ մեր ժողովուրդը դժւարին պայմանների մէջ է եւ դժբախտաբար երկրի գոյութիւնը վտանգւած է։ Մենք եթէ աղօթքի զօրութեամբ շարունակենք մեր կեանքը, վստահաբար Սրբերի բարեխօսութեամբ պիտի յաղթահարենք թշնամուն»։

Սրբազան Հայրը շնորհաւորեց Գէորգ անունը կրող հայորդիներին եւ մաղթեց առ բարձրեալն Աստւած, որ տեսնենք մեր իրաւական եւ ամբողջական հայրենիքը։

Յաւարտ սուրբ եւ անմահ պատարագի տեղի ունեցաւ Ջրօրհնէքի արարողութիւն։

 

Ազգային առաջնորդարանի Հանրային կապ

Լուսանկարները՝ Ժուաննա եւ Ժենիա Աւետեաններ

 

Image Gallery

Յարակից լուրեր

  • Այցելութիւն ազգային առաջնորդարան
    Այցելութիւն ազգային առաջնորդարան

    Հինգշաբթի, 1 դեկտեմբերի 2022 թ.-ին, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանը ազգային առաջնորդարանի դահլիճում ընդունեց Թիֆլիսի հայագիտութեան ֆակուլտետի դասախօս եւ միեւնոյն ժամանակ վրաց կրօնների երկխօսութեան կենտրոնի տնօրէն՝ տկն. Լէյլա Ջիջիլաւային, պրն. Ալի Ալիեւ վրաց սիւնի եւ շիա համայնքների առաջնորդին, հոջ. Մոհամադ Ջաւադ Ադաբիին եւ Սէյեդէ Նարգես Ղասեմիին։

  • Սրբազան Հայրն իր գրասենեակում ընդունեց «Իրանահայ ջրանկարիչներ» գրքի հեղինակ՝ պրն. Ամիր Դաւուդիփուրին
    Սրբազան Հայրն իր գրասենեակում ընդունեց «Իրանահայ ջրանկարիչներ» գրքի հեղինակ՝ պրն. Ամիր Դաւուդիփուրին

    Հինգշաբթի, 1 դեկտեմբերի 2022 թ.-ին, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանն իր գրասենեակում ընդունեց «Իրանահայ ջրանկարիչներ» գրքի հեղինակ Ամիր Դաւուդիփուրին եւ «Արտակ Մանուկեան» թանգարանի տնօրէնուհի Ալիս Շահմուրադեանին:

  • Թեհրանի հայոց թեմի առաջնորդ՝ Գերշ. Տ. Սեպուհ Ս. արք. Սարգսեանի հարցազրոյցը «Ալ-Մայադին» հեռուստաընկերութեան հետ
    Թեհրանի հայոց թեմի առաջնորդ՝ Գերշ. Տ. Սեպուհ Ս. արք. Սարգսեանի հարցազրոյցը «Ալ-Մայադին» հեռուստաընկերութեան հետ

    Չորեքշաբթի, 2002-ի նոյեմբերի 23-ի երեկոյեան Թեհրանի ժամանակով «Ալ-Մայադին» հեռուստաընկերութիւնը յատուկ հարցազրոյց ունեցաւ Թեհրանի հայոց թեմի առաջնորդ Գերշ. Տ. Սեպուհ Ս. արք. Սարգսեանի հետ, փոքրամասնութիւնների եւ յատկապէս իրանահայութեան մասին։ Թղթակցի հարցերին ի պատասխան Սրբազան Հայրը կարեւորութեամբ շեշտեց իրանեան հասարակայնութեան բազմազանութիւնն ու կրօնական ազատութիւնները։

  • Հանդիսաւոր ս. պատարագ «Ս. Աստւածածին երից Ամաց ի տաճարն ընծայման» եւ համանուն եկեղեցու անւանակոչութեան տօնի առիթով
    Հանդիսաւոր ս. պատարագ «Ս. Աստւածածին երից Ամաց ի տաճարն ընծայման» եւ համանուն եկեղեցու անւանակոչութեան տօնի առիթով

    Նոյեմբերի 21-ը տօնն է «Ընծայման Ս. Աստւածածնի երից ամաց ի տաճարն» եւ տօնն է նաեւ համանուն եկեղեցւոյ անւանակոչութեան:

    Այդ առիթով կիրակի, 20 նոյեմբերի 2022 թ.-ի առաւօտեան, Ս. Աստւածածին եկեղեցում նախագահութեամբ Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանի եւ ձեռամբ Մեծի Տանն Կիլիկիոյ կաթողիկոսութեան Ն.Ս.Օ.Տ.Տ. Արամ Ա Վեհափառ Հայրապետի արտօնութեամբ եւ առաջնորդ Սրբազան Հօր հրաւէրով Թեհրան ժամանած Տ. Վաղինակ ծ. վրդ. Մելոյեանի մատուցւեց սուրբ եւ անմահ պատարագ:

  • Այցելութիւն ազգային առաջնորդարան
    Այցելութիւն ազգային առաջնորդարան

    Շաբաթ, 19 նոյեմբերի 2022 թ.-ի երեկոյեան ժամը 5-ին, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանը, իր գրասենեակում ընդունեց Հայաստանի «Հայրենիք» կուսակցութեան նախագահ եւ ՀՀ Ազգային անվտանգութեան ծառայութեան նախկին տնօրէն Արթուր Վանեցեանին եւ ԵՊՀ Իրանագիտութեան ամբիոնի վարիչ Վարդան Ոսկանեանին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։