Հա

Համայնք

22/11/2022 - 10:00

Հանդիսաւոր ս. պատարագ «Ս. Աստւածածին երից Ամաց ի տաճարն ընծայման» եւ համանուն եկեղեցու անւանակոչութեան տօնի առիթով

Նոյեմբերի 21-ը տօնն է «Ընծայման Ս. Աստւածածնի երից ամաց ի տաճարն» եւ տօնն է նաեւ համանուն եկեղեցւոյ անւանակոչութեան:

Այդ առիթով կիրակի, 20 նոյեմբերի 2022 թ.-ի առաւօտեան, Ս. Աստւածածին եկեղեցում նախագահութեամբ Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանի եւ ձեռամբ Մեծի Տանն Կիլիկիոյ կաթողիկոսութեան Ն.Ս.Օ.Տ.Տ. Արամ Ա Վեհափառ Հայրապետի արտօնութեամբ եւ առաջնորդ Սրբազան Հօր հրաւէրով Թեհրան ժամանած Տ. Վաղինակ ծ. վրդ. Մելոյեանի մատուցւեց սուրբ եւ անմահ պատարագ:

Նոյեմբերի 21-ը տօնն է «Ընծայման Ս. Աստւածածնի երից ամաց ի տաճարն» եւ տօնն է նաեւ համանուն եկեղեցւոյ անւանակոչութեան:

Այդ առիթով կիրակի, 20 նոյեմբերի 2022 թ.-ի առաւօտեան, Ս. Աստւածածին եկեղեցում նախագահութեամբ Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանի եւ ձեռամբ Մեծի Տանն Կիլիկիոյ կաթողիկոսութեան Ն.Ս.Օ.Տ.Տ. Արամ Ա Վեհափառ Հայրապետի արտօնութեամբ եւ առաջնորդ Սրբազան Հօր հրաւէրով Թեհրան ժամանած Տ. Վաղինակ ծ. վրդ. Մելոյեանի մատուցւեց սուրբ եւ անմահ պատարագ:

Յընթացս քարոզի Հայր Սուրբը Ս. Աստւածածնին նւիրւած տօներին անդրադառնալով ներկայացրեց Երից ամաց ընծայման տօնի խորհուրդը։

Նա իր քարոզի ընթացքում տօնի պատմականը ներկայացնելուց յետոյ յաւելեց, որ Սուրբ Կոյս Մարիամ Աստւածածինը երբ Գաբրիէլ հրեշտակից լսեց աւետիսը, մի նշանաւոր խօսք ասաց. «Ահա ես Աստծու աղախինն եմ, թող Աստծու կամքը լինի»։ Հայր Սուրբը լուսաբանելով յաւելեց, որ Սուրբ Կոյս Մարիամ Աստւածածինը ամբողջովին ենթարկւել էր Աստծու կամքին մերժելով իր սեփական կամքը եւ մի այլ խօսքով իր սեփական կամքը Աստծու կամքի առաջ զոհել էր։ Նա յայտնեց, որ նրա կեանքի նպատակը իր Տիրոջ կամքի կատարելն էր։

Հայր Սուրբը իր քարոզի միւս բաժնում իր խօսքը ուղղելով եկեղեցում ներկայ մայրերին եւ քոյրերին ասաց, որ այսօր Աստւածամայրը նրանց հրաւիրում է, որ նրանք իրենց սեփական կամքը Քրիստոսին ընծայեն։ Նա յաւելեց, որ հայ ժողովուրդը Սուրբ կոյսի անձի մէջ տեսել է հայ մայրը եւ հայ կնոջ մէջ Սուրբ Կոյսը տեսնել։ Նա յորդորելով հաւատացեալներին ասաց, որ այսօր ժամանակն է բոլորս միասնաբար Տիրոջ առջեւ կանգնած ասենք թող քո կամքը լինի եւ ոչ իմ կեանքը։ Նա յաւելեց, որ մենք պատրաստակամութիւն պիտի յայտնենք կատարելու Նրա կամքը։

Նա ասաց, որ Սուրբ կոյսի ծնողները իրենց մանկան ընծայաբերեցին տաճարին, յետագային Մարիամ եւ Յովսէփն եւս իրենց ծնողներին հետեւելով եւ Աստծու խօսքը կատարելու համար Յիսուս Մանուկին ընծայեցին տաճարին։

Նա նաեւ ասաց, որ Աստւածածինը հայ մայրերին կոչ է ուղղում եւ հրաւիրում, որ իրենց մանուկներին եկեղեցու ճամբան սովորեցնեն ու այսպիսով Աստծու տաճարը ընծայեն եւ նրանց մէջ քաջալերեն Աստւածասիրութիւնն ու եկեղեցասիրութիւնը եւ այսպիսով հաւատքի եւ աղօթքի կեանք ապրեն ու Աստւածաշունչի համեմատ կեանք վարեն։ Հայր Սուրբը առաւել լուսաբանելով իր խօսքը ասաց, որ տաճար ընծայումը Քրիստոսին վստահել ու յանձնւել է նշանակում, մի առաքինութիւն, որ պիտի հայ մայրը սովորեցնի իր երեխային։

Նա իր խօսքը եզրակացնելով յորդորեց հայ մայրերին, որ իրենց երեխաներին սովորեցնեն այս անապահով աշխարհին վստահեն եւ ապաւինեն Քրիստոսին: Նա յաւելեց, որ իւրաքանչիւր մայր իր մանկան փրկութեան համար Աստծու առաջ պատասխանատու է եւ պարտաւոր է իր զաւակին մասնակից դարձնել եկեղեցու աղօթական կեանքին․ քանի որ ըստ Յովհան Օձնեցի Հայրապետի մայրը տան առաջին քահանան է եւ այս խօսքով ուզում է ասել, որ ծնողների պարտականութիւնն է երեխաներին եկեղեցասիրութիւն սովորեցնեն։ Վերջում հայցելով Աստւածածնի բարեխօութեանը խնդրեց նրանց, որ նա իր քաղցրութեամբ եւ օրհնութեամբ լցնի իւրաքանչիւրիս սիրտը եւ կեանքը։

Արարողութեանը ներկայ էին, Թ.Հ.Թ. Թեմական խորհրդի անդամ Հայկազ Շիրւանեանը, Քահանայից դասը, Եկեղեցական խորհուրդների ներկայացուցիչները եւ հաւատացեալներ։

 

Ազգային առաջնորդարանի Հանրային կապ

 

Յարակից լուրեր

  • Այցելութիւն ազգային առաջնորդարան
    Այցելութիւն ազգային առաջնորդարան

    Հինգշաբթի, 1 դեկտեմբերի 2022 թ.-ին, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանը ազգային առաջնորդարանի դահլիճում ընդունեց Թիֆլիսի հայագիտութեան ֆակուլտետի դասախօս եւ միեւնոյն ժամանակ վրաց կրօնների երկխօսութեան կենտրոնի տնօրէն՝ տկն. Լէյլա Ջիջիլաւային, պրն. Ալի Ալիեւ վրաց սիւնի եւ շիա համայնքների առաջնորդին, հոջ. Մոհամադ Ջաւադ Ադաբիին եւ Սէյեդէ Նարգես Ղասեմիին։

  • Սրբազան Հայրն իր գրասենեակում ընդունեց «Իրանահայ ջրանկարիչներ» գրքի հեղինակ՝ պրն. Ամիր Դաւուդիփուրին
    Սրբազան Հայրն իր գրասենեակում ընդունեց «Իրանահայ ջրանկարիչներ» գրքի հեղինակ՝ պրն. Ամիր Դաւուդիփուրին

    Հինգշաբթի, 1 դեկտեմբերի 2022 թ.-ին, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանն իր գրասենեակում ընդունեց «Իրանահայ ջրանկարիչներ» գրքի հեղինակ Ամիր Դաւուդիփուրին եւ «Արտակ Մանուկեան» թանգարանի տնօրէնուհի Ալիս Շահմուրադեանին:

  • Աստւածաշնչեան սերտողութեան դասընթացներ՝ Թեհրանի հայոց եկեղեցիներում
    Աստւածաշնչեան սերտողութեան դասընթացներ՝ Թեհրանի հայոց եկեղեցիներում

    Թեհրանի Հայոց թեմի Կրօնական խորհուրդը իր տարածած հաղորդագրութեան մէջ մասնաւորապէս ասում է. «Մեծ ուրախութեամբ տեղեկացնում ենք մեր ժողովրդի զաւակներին, որ մեր համայնքում արդէն սկսւել են Աստւածաշնչեան սերտողութեան դասընթացները:

    Սերտողութիւնները վարում է գերպ. Տ. Վաղինակ ծ. վրդ. Մելոյեանը, ով Թեհրան է եկել Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանի հրաւէրով, եւ Վեհափառ Հայրապետ՝ Ն.Ս.Օ.Տ.Տ. Արամ Ա կաթողիկոսի տնօրինումով»:

  • Թեհրանի հայոց թեմի առաջնորդ՝ Գերշ. Տ. Սեպուհ Ս. արք. Սարգսեանի հարցազրոյցը «Ալ-Մայադին» հեռուստաընկերութեան հետ
    Թեհրանի հայոց թեմի առաջնորդ՝ Գերշ. Տ. Սեպուհ Ս. արք. Սարգսեանի հարցազրոյցը «Ալ-Մայադին» հեռուստաընկերութեան հետ

    Չորեքշաբթի, 2002-ի նոյեմբերի 23-ի երեկոյեան Թեհրանի ժամանակով «Ալ-Մայադին» հեռուստաընկերութիւնը յատուկ հարցազրոյց ունեցաւ Թեհրանի հայոց թեմի առաջնորդ Գերշ. Տ. Սեպուհ Ս. արք. Սարգսեանի հետ, փոքրամասնութիւնների եւ յատկապէս իրանահայութեան մասին։ Թղթակցի հարցերին ի պատասխան Սրբազան Հայրը կարեւորութեամբ շեշտեց իրանեան հասարակայնութեան բազմազանութիւնն ու կրօնական ազատութիւնները։

  • Այցելութիւն ազգային առաջնորդարան
    Այցելութիւն ազգային առաջնորդարան

    Շաբաթ, 19 նոյեմբերի 2022 թ.-ի երեկոյեան ժամը 5-ին, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանը, իր գրասենեակում ընդունեց Հայաստանի «Հայրենիք» կուսակցութեան նախագահ եւ ՀՀ Ազգային անվտանգութեան ծառայութեան նախկին տնօրէն Արթուր Վանեցեանին եւ ԵՊՀ Իրանագիտութեան ամբիոնի վարիչ Վարդան Ոսկանեանին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։