Ուրբաթ, դեկտ. 16-ին, ՀՅԴ Բիւրոյի ներկայացուցիչ Յակոբ Տէր-Խաչատուրեանը ընկերակցութեամբ «ԱԼԻՔ» հաստատութեան ներկայացուցչի, այցելելով Զէյթուն եւ Սասուն քաղաքամասերում գործող Հ. Մ. Մ. «Նայիրի» եւ Հ. Մ. «Սիփան» միութիւններ, ծանօթացել է միութիւնների աշխատանքներին եւ գործող բաժանմունքների գործունէութեանը:
«ԱԼԻՔ» - Ուրբաթ, դեկտ. 16-ին, ՀՅԴ Բիւրոյի ներկայացուցիչ Յակոբ Տէր-Խաչատուրեանը ընկերակցութեամբ «ԱԼԻՔ» հաստատութեան ներկայացուցչի, այցելելով Զէյթուն եւ Սասուն քաղաքամասերում գործող Հ. Մ. Մ. «Նայիրի» եւ Հ. Մ. «Սիփան» միութիւններ, ծանօթացել է միութիւնների աշխատանքներին եւ գործող բաժանմունքների գործունէութեանը:
Երկու միութիւնների պատասխանատուներից տեղեկացել ենք, որ ՀՅԴ Բիւրոյի ներկայացուցչին աւանդական աղ ու հացով են դիմաւորել Սկաուտական բաժանմունքի կրտսեր անդամները, պատկան միութիւնների վարչականների եւ բաժանմունքների ղեկավարութեան հետ միասին:
Յակոբ Տէր-Խաչատուրեանը շրջայց կատարելով միութիւնների տարբեր բաժիններ, հետաքրքրւել է նրանցում կատարւող աշխատանքներին, ինչպէս նաեւ հայաբնակ երկու քաղաքամասերի պատմութեան եւ իրավիճակի մասին:
Մտերմիկ հանդիպման ընթացքում ներկաները կիսւել են Հայաստանի ներկայ իրավիճակի հետ կապւած մտահոգութիւններով:
Նշելի է, որ Հ. Մ. Մ. «Նայիրի» միութեան այցելութեանը ներկայ է եղել նաեւ Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը:
