Հա

Համայնք

You are here:Գլխաւոր էջ»Լուրեր»Համայնք»Թեհրան»Թեհրանի հայոց թեմի եկեղեցիներում նշւեցին Ճրագալոյցը եւ Ս. Ծննդեան տօնը
بانک صادرات ایران
10/01/2023 - 13:00

Թեհրանի հայոց թեմի եկեղեցիներում նշւեցին Ճրագալոյցը եւ Ս. Ծննդեան տօնը

Թեհրանի հայոց թեմի եկեղեցիներում նշւեցին Ճրագալոյցը եւ Ս. Ծննդեան տօնը

Սուրբ Ծննդեան տօնական օրերին Թեհրանի բոլոր եկեղեցիներում տեղի ունեցաւ Ճրագալոյցի, Սուրբ Ծննդեան եւ Աստւածայայտնութեան ժամերգութիւն, սուրբ եւ անմահ պատարագ նաեւ Քրիստոսի Մկրտութեան խորհրդաւոր արարողութիւն:

Սուրբ Ծննդեան տօնական օրերին Թեհրանի բոլոր եկեղեցիներում տեղի ունեցաւ Ճրագալոյցի, Սուրբ Ծննդեան եւ Աստւածայայտնութեան ժամերգութիւն, սուրբ եւ անմահ պատարագ նաեւ Քրիստոսի Մկրտութեան խորհրդաւոր արարողութիւն:

Հին Բուրաստանի Սուրբ Յովհաննէս Մկրտիչ եւ Նոր Բուրաստանի Սուրբ Ստեփանոս մատուռներում եւս մեռելոցի առիթով մատուցւեց սուրբ եւ անմահ պատարագ:

Թեհրանի հայոց թեմի առաջնորդ՝ գերշ. Տ. Սեպուհ արք. Սարգսեանը հինգշաբթի, թւականիս յունւարի 5-ին, Ս. Ծննդեան եւ Աստւածայայտնութեան Ճրագալոյցի առիթով պատարագեց եւ իր հայրական պատգամը փոխանցեց Զէյթուն քաղաքամասի Ս. Գրիգոր Լուսաւորիչ եկեղեցում։ Իսկ ուրբաթ, յունւարի 6-ին, Մեր Փրկչի՝ Յիսուս Քրիստոսի Ս. Ծննդեան եւ Աստւածայայտնութեան տօնի առիթով, Ս. Սարգիս եկեղեցում մատուցեց սուրբ եւ անմահ պատարագ եւ նախագահեց ու կատարեց Ջրօրհնէքի արարողութիւնը: Այս տարի արարողութեան կնքահայր էր կանգնել Նժդեհ Մարգարեանը:

Արարողութեանը ներկայ էին Մեծի Տանն Կիլիկիոյ կաթողիկոսութեան Ազգային Կենտրոնական Վարչութեան Քաղաքական ժողովի անդամ՝ պրն. Յովսէփ Աւետեանը, Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը, Թեմական խորհրդի ատենապետ ճրտ. Նորայր Արամեանը եւ նոյն խորհրդի ներկայացուցիչները, «Ալիք» հաստատութեան ներկայացուցիչը, Իրանի Իսլ. Հարապետութիւնում ՀՀ դեսպանութեան դիւանագէտ Գարիկ Գրիգորեանն ու խորհրդական դիւանագէտ Արամ Մանուկեանը, եւ հոծ թւով հաւատացեալ ժողովուրդ:

Սրբազան Հայրը յընթացս քարոզի՝ արարողութեանը ներկայ բարեպաշտ եւ հաւատացեալ ժողովրդին ուղղեց իր շնորհաւորական ուղերձը եւ անդրադառնալով տօնական առիթին յայտնեց․- «Քրիստոնէական եկեղեցու մեծագոյն տօներից մէկը Յիսուս Քրիստոսի Սուրբ Ծնունդ եւ Աստւածայայտնութիւնն է, որը մեզ համար յատուկ իմաստ եւ նշանակութիւն ունի, որովհետեւ Քրիստոսի ծնունդը խորհրդանիշ է Աստծու կողմից մարդուն խոստացւած փրկութեան գաղափարին, հետեւաբար Քրիստոսը աշխարհ եկաւ մեզ փրկելու մեր մեղքերից»։ Նա շարունակեց,- «Բազմիցս Աւետարանում կարդում ենք՝ Նա ով հաւատում է Քրիստոսին փրկւում եւ յաւիտենական կեանք է ունենում: Յովհաննէս Աւետարանիչը մի այլ տեղ ասում է, որ Աստւած Իր Միածին Որդին ուղարկեց աշխարհ, որպէսզի ով Նրան հաւատայ փրկւի եւ յաւիտենական կեանք ունենայ։ Հետեւաբար Ս․ Ծննդեան խորհուրդը մարդկութեան համար փրկութեան խորհրդի մարմնացումն է»: Սրբազան Հայրը Միածնի մարդեղութեան մասին ակնարկելով ասաց․- «Սուրբ Աթանաս Հայրապետը, ասել է Աստւած մարդացաւ, որպէսզի մարդը աստւածանայ: Այսինքն որպէսզի մարդը փրկւի եւ յաւիտենական կեանք ունենայ»: Նա յաւելեց, որ Պօղոս առաքեալը եփեսացիներին գրած նամակում հաւատացեալներին յորդորում է ունենան Աստծու նմանութիւնը: Սրբազան Հայրն ապա լուսաբանելով աստւածանմանութիւնը յայտնեց, որ աստւածանմանութիւնը նշանակում է վերստին ծնւել եւ վանել մեղքերը։

Սրբազան Հայրը նաեւ անդրադառնալով Բեթղեհէմեան լուսաւոր աստղին յաւելեց, որ դա լուսաւոր ճանապարհ ցոյց տւեց մոգերին, որոնք արեւելքից ելան եւ իրենց ընծաները մատուցեցին մանուկ Յիսուս Քրիստոսին, բայց դժբախտաբար այս օրերում այդ աստղի լոյսը մշուշոտ է, քանի որ այն վայրը ուր Յիսուս Քրիստոսը գործեց տխուր վիճակի մէջ է, քանի որ սիոնիստական պետութիւնը ամէն չարիք գործում է, որպէսզի կարողանայ Բեթղեհէմն ու Երուսաղէմը իր լուսաւոր կեանքի միջավայրից դուրս բերել։ Ապա նա անդրադառնալով մերօրեայ Հայաստանի եւ Արցախի իրավիճակին յայտնեց.- «Այսօր Հայոց աշխարհի երինակամարի լուսաւոր աստղը եւս մշուշոտ է, որովհետեւ անօրէն թշնամին մեր հաւատակից քոյրերին ու եղբայրներին պաշարման է ենթարկել, այլ խօսքով նոր ցեղասպանութիւն է ուզում գործել արար աշխարհի աչքի առաջ եւ մենք, որպէս ժողովուրդ ապաւինած Քրիստոսի Ծննդեան խորհրդին պիտի կարողանանք այս չար փորձանքը եւս հեռացնել մեզանից»։ Նա ապա ասաց․- «Այսօր մեր ժողովուրդը գտնւում է իր պատմութեան ամենաճակատագրական՝ անորոշ եւ անբաղձալի մի հանգրւանում։ Հայաստանը տխուր պատկեր է ներկայացնում եւ զուրկ է իրեն պահպանող զօրուժից եւ Արցախը շրջապատւած է եւ չկայ մէկը ձեռք մեկնի օգնութեան եւ վերացնի այդ շրջափակումը։ Առաւել քան քսան օր է, որ ժողովուրդը գոյամարտ է մղում բայց ցաւօք աշխարհը գոհանում է յայտարարութիւններով»։ Նա յաւելեց, որ մեր ժողովուրդը բոլոր ժամանակներից աւելի կոչւած է լինել միասիրտ, միախորհուրդ եւ միակամ, որպէսզի մենք մեր միասնականութեամբ կարողանանք այս փորձանքից դուրս գալ եւ շաունակել մեր կեանքը։ Նա նաեւ կոչ ուղղեց ամբողջ հայորդիներին, որ սթափւեն իրենց թմբիրից եւ միասիրտ ու միակամ ուխտեն պայքարելու անօրէն թշնամու դէմ։

Սրբազան Հայրը եզրակացնելով իր խօսքը ասաց․- «Քրիստոսով նորոգւած ու նոր արարած դառնալով պիտի կարողանանք յաղթել մեր դէմ ելած բոլոր դժւարութիւններին»։

Սրբոց Վարդանանց եկեղեցում հինգշաբթի, թւականիս յունւարի 5-ին, Ս. Ծննդեան եւ Աստւածայայտնութեան Ճրագալոյցի առիթով պատարագեց գերպ. Տ. Վաղինակ ծ. վրդ. Մելոյեանը։ Իսկ ուրբաթ, յունւարի 6-ին, Մեր Փրկչի՝ Յիսուս Քրիստոսի Ս. Ծննդեան եւ Աստւածայայտնութեան տօնի առիթով, պատարագեց եւ քարոզեց ու կատարեց Ջրօրհնէքի արարողութիւնը Սասուն քաղաքամասի Սրբոց Թարգմանչաց եկեղեցում։

 

Ազգային առաջնորդարանի Հանրային կապ

 

Image Gallery

View the embedded image gallery online at:
https://alikonline.ir/news/community/tehran/item/80551-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD#sigProIde6bc01bc27

Յարակից լուրեր

  • Հանրապետական մաղթանք՝ Թեհրանի հայոց եկեղեցիներում
    Հանրապետական մաղթանք՝ Թեհրանի հայոց եկեղեցիներում

    Հայաստանի Առաջին Հանրապետութեան 105-րդ տարեդարձի առիթով, Մայիսի 28-ի առաւօտեան, Թեհրանի բոլոր եկեղեցիներում ս. պատարագի ընթացքում տեղի ունեցաւ Հանրապետական մաղթանք:

  • Այցելութիւններ ազգային առաջնորդարան
    Այցելութիւններ ազգային առաջնորդարան

    Շաբաթ, 20 մայիսի 2023 թւականին, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանն իր գրասենեակում ընդունեց Իրանում հաւատարմագրւած Էստոնիայի Հանրապետութեան պատւոյ հիւպատոս՝ Արմէն Մութաֆեանին եւ իր եղբօր՝ Ալբերտ Մութաֆեանին, ովքեր քաղաքավարական այցելութեամբ հանդիպեցին Սրբազան Հօր հետ:

  • Կասեցնել ՀՀ գործող իշխանութիւնների ոչ հայանպաստ եւ ազգակործան գործողութիւնների ընթացքը
    Կասեցնել ՀՀ գործող իշխանութիւնների ոչ հայանպաստ եւ ազգակործան գործողութիւնների ընթացքը

    Նիկոլ Փաշինեանի՝ մայիսի 22-ի ծայրայեղ վտանգաւոր մամլոյ ասուլիսից յետոյ, յայտարարում ենք, որ Արցախն Ադրբեջանի մաս ճանաչելու մասին հակազգային յայտարարութիւնները ոչ միայն անընդունելի են, այլեւ՝ դրանք հակասում են ՀՀ Անկախութեան հռչակագրին եւ Սահմանադրութեամբ ամրագրւած Արցախի մասին յօդւածին՝ հատելով համայն հայութեան ազգային-պետական բոլոր կարմիր գծերը։

  • Այցելութիւն ազգային առաջնորդարան
    Այցելութիւն ազգային առաջնորդարան

    Չորեքշաբթի, 17 մայիսի 2023 թւականին, Թեհրանի հայոգ թեմի առաջնորդ՝ գերշ. Տ. Սեպուհ Ս. արք. Սարգսեանն իր գրասենեակում ընդունեց՝ «Համազգային» Հայ կրթական եւ մշակութային միութեան ատենապետ Զաքար Քեշիշեանին, որը քաղաքվարական այցելութեամբ հանդիպեց Սրբազան Հօր հետ:

  • Լուսանկարիչ՝ Հրայր Բազէ Խաչերեանի այցն ազգային առաջնորդարան
    Լուսանկարիչ՝ Հրայր Բազէ Խաչերեանի այցն ազգային առաջնորդարան

    Չորեքշաբթի, 17 մայիսի 2023 թւականին, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանն իր գրասենեակում ընդունեց Լուսանկարիչ Հրայր Բազէ Խաչերեանին, ընկերակցութեամբ Իրանի Պատմական Եկեղեցիների կենտրոնի տնօրէնուհի ճրտ. դոկտ. Շերլի Աւետեանի:

back to top

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։
Ալիք Օրաթերթ