Աշխարհի բոլոր ժողովուրդները ունեն իրենց յատուկ տօնացոյցը եւ տօնացոյցում նշւած տօները: Իրանցի մեր հայրենակիցների մօտ Նոռուզն ազգային եւ ազգագրական մեծ տօն է, որի տօնակատարութեանը ուղղորդւած են բազմաթիւ ընտանեկան, ազգագրական եւ ինչու ոչ նաեւ ազգային սովորոյթներ:
Գարնանաբոյր այս օրերին երբ Իրանի Իսլամական Հանրապետութեան ողջ ժողովուրդը ներառեալ, քրդական համայնքը, պատրաստւում է Նոր տարւան-Նոռուզի տօնակատարութեանը: Մեծ ուրախութիւն է մեզ համար շնորհաւորել մեր իրանցի եղբայրներին եւ քոյրերին ու բոլորին մաղթել Աստծու շնորհով լեցուն տարիներ:
Աշխարհի բոլոր ժողովուրդները ունեն իրենց յատուկ տօնացոյցը եւ տօնացոյցում նշւած տօները: Իրանցի մեր հայրենակիցների մօտ Նոռուզն ազգային եւ ազգագրական մեծ տօն է, որի տօնակատարութեանը ուղղորդւած են բազմաթիւ ընտանեկան, ազգագրական եւ ինչու ոչ նաեւ ազգային սովորոյթներ:
Իրանեան ընտանիքը նախանձախնդիր իր աւանդական սովորութիւններին, յատուկ կերպով նշում է Նոռուզեան տօնակատարութիւնները. միմեանց շնորհաւորում են ու փոխադարձ այցելութիւններով եւ բարեմաղթութիւններով վերանորոգում իրենց ազգային ինքնուրոյնութիւնն ու պատկանելիութիւնը:
Մենք էլ մեր հերթին սրտանց շնորհաւորում ենք մեր իրանցի քոյրերին եւ եղբայրներին, իսկ իրանեան մեր հայրենիքին աւելի բարգաւաճ ու խաղաղ կեանք ենք մաղթում, յատկապէս այս օրերին երբ Իրանը աշխարհի ուշադրութեան կենտրոնում է իր հաստատակամ ու վճռակամ քաղաքականութեամբ:
Վերանորոգ ուժ եւ կենսունակ հաւատքի դրսեւորում ենք մաղթում մեր բոլոր հայրենակիցներին եւ յատկապէս Իրանի հոգեւոր առաջնորդ այաթ. Ալի Խամենէիին, երկրի վսեմաշուք նախագահին եւ պետական բոլոր այրերին ու նրանց գործակիցներին: Կասկածից վեր է, որ հոգեւոր առաջնորդի եւ նրա անմիջական գործակիցների շնորհիւ Իրանը այսօր աշխարհի քաղաքականութեան կերտման եւ ժողովուրդների միջեւ բարեկամութեան ամրացման գործընթացում իր բարերար եւ ազդեցիկ դերն ունի:
Աղօթում ենք, որ այս Նոր տարին Իրանի եւ ընդհանրապէս ողջ աշխարհի համար լինի խաղաղութեան, բարգաւաճման եւ Աստւածային օրհնութեամբ լի մի տարի:
Շնորհաւոր Նոռուզի տօնը:
ԱՂՕԹԱՐԱՐ՝
ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ
Մարտ 2023
Թեհրան
