Հա

Մշակոյթ

12/06/2019 - 11:40

«Միայն Թուրքիայի խնդիրը չէ. հէնց Հայաստանում քանդւում է Ամբերդը». ի՞նչ կարող է անել Երեւանը

Փորձագէտներն ահազանգում են. հայկական ժառանգութիւնը Թուրքիայում վերացման սպառնալիքի տակ է։

Կիլիկիայի հայկական թագաւորութեան ժամանակ կառուցւած 12-րդ դարի եզակի Սինափի ամրոցը, որը գտնւում է Թուրքիայի Մերսին նահանգում, վերացման եզրին է։

«alikonline.ir» - Փորձագէտներն ահազանգում են. հայկական ժառանգութիւնը Թուրքիայում վերացման սպառնալիքի տակ է։

Կիլիկիայի հայկական թագաւորութեան ժամանակ կառուցւած 12-րդ դարի եզակի Սինափի ամրոցը, որը գտնւում է Թուրքիայի Մերսին նահանգում, վերացման եզրին է։

Չորս աշտարակներով ուղղանկիւն ամրոցն իր ճարտարապետութեամբ դարեր շարունակ զարմացրել է հազարաւոր այցելուների։

«Սիանփի երկու ամրոց կայ` 15-ը 20-ի վրայ ու 20-ը 30-ի վրայ։ Դրանք գտնւում են Մերսին նահանգի արեւմուտքում` լեռներում։ Դրանցից ոչ մէկը հիմա հնարաւոր չէ քարտէզի վրայ տեսնել»,- « Sputnik» Արմենիայի հետ զրոյցում ասաց պատմական գիտութիւնների դոկտոր Ազատ Բոզոյեանը։

Նա նշեց, որ այդ ամրոցները կառուցել են սահմանները պաշտպանելու նպատակով։ Ընդհանուր առմամբ Թուրքիայի տարածքում Կիլիկիայի շրջանի 150 ամրոց ու դղեակ կայ, որոնք հայկական մշակոյթի ու պատմութեան համար մեծ նշանակութիւն ունեն։ Ցաւօք, ժամանակակից Հայաստանի տարածքում նման ամրոցներ չկան։

Յուշարձանագէտ Սամուէլ Կարապետեանին ամրոցի վերացման մասին նորութիւնը չի զարմացրել։ «Sputnik» Արմենիայի թղթակցի հետ զրոյցում նա նշեց, որ սա միայն Թուրքիայի խնդիրը չէ։ Նոյն Հայաստանում քանդւում է Ամբերդը։

«Այդ ամրոցը կառուցւել է Օշին իշխանական տոհմի օրօք։ Այսօր բոլոր բերդերն ու դղեակները կիսաքանդ վիճակում են»,- ասաց Կարապետեանը։

Սակայն թուրքագէտ Տիրան Լոքմագեօզեանը կարծում է, որ ամրոցի անտեսւած վիճակը երկրում հայկական ժառանգութեան վերացմանն ուղղւած թուրքական իշխանութեան քաղաքականութեան հետեւանք է։

Նա յիշեցրեց, որ 1915 թւականի Ցեղասպանութիւնից յետոյ Արեւմտեան Հայաստանի տարածքում աւելի քան երկու հազար հայկական եկեղեցի է եղել. դրանք լաւագոյն դէպքում մզկիթների են վերածւել, վատագոյն դէպքում` վերացւել են։

«Հայկական համայնքը ոչինչ չի կարող անել, քանի որ այդ ամրոցներն ու եկեղեցիները պետական հաշւեկշռում են ու չեն պատկանում պատրիարքարանին։ Այն եկեղեցիները, որոնցում ժամերգութիւններ չեն անցկացւում, պետութեան սեփականութիւնն են դառնում»,- «Sputnik» Արմենիայի հետ զրոյցում ասաց Լոքմագեօզեանը։

Նա ընդգծեց, որ նման պայմաններում Հայաստանն այդ հարցում անզօր է։ Միակ բանը, որը կարող է անել պաշտօնական Երեւանը` միջազգային ատեաններին բողոք ներկայացնելն է։

Յիշեցնենք` հայկական համայնքը հիմնականում կենտրոնացած է Ստամբուլում։ 20-րդ դարի 50-ականներին մէկուկէսմիլիոնանոց քաղաքում մօտ 150 հազար հայ էր բնակւում։ Այսօր 20 միլիոն բնակչութիւն ունեցող Ստամբուլում մօտ հազար յոյն, 20 հազար հրեայ ու 40 հազար հայ է մնացել։

Ստամբուլից բացի, 100-150 հայ բնակւում է Մուսալեռան մօտակայքում. ընդ որում` հիմնականում տարեց մարդիկ են։ Այնտեղ չկան երիտասարդներ, հետեւաբար` չկայ ապագայ։

Յարակից լուրեր

  • Կոնգրեսականների յստակ ուղերձը՝ Բաքւին
    Կոնգրեսականների յստակ ուղերձը՝ Բաքւին

    Փելոունի ուղղման ընդունումը ամերիկեան Կոնգրեսի Ներկայացուցիչների պալատի յստակ ուղերձն է Հայաստանի դէմ ագրեսիա իրականացնող Ադրբեջանին: «Արմէնպրես»-ի հետ զրոյցում այսպիսի կարծիք յայտնեց ՀՅԴ Բիւրոյի անդամ, ՀՅԴ Բիւրոյի Հայ Դատի եւ քաղաքական հարցերի գրասենեակի պատասխանատու Կիրօ Մանոյեանը՝ տեղեկացնելով, որ Հայ Դատի յանձնախումբն այժմ աշխատում է գործընթացն աւարտին հասցնելու եւ Ադրբեջանին յատկացւող ամերիկեան ռազմական օգնութեան ամբողջական արգելափակմանը հասնելու համար: 

  • «Հայաստանի ղեկավարութիւնը նաեւ ՀՀ-ի անվտանգութեան երաշխաւորը լինելուց է հրաժարւում». քաղտեխնոլոգ
    «Հայաստանի ղեկավարութիւնը նաեւ ՀՀ-ի անվտանգութեան երաշխաւորը լինելուց է հրաժարւում». քաղտեխնոլոգ

    Ընդհանուր առմամբ, բանակցութիւններ ասւածը տարբեր խողովակներով ընթանում էին ու ընթանում են, այդ թւում՝ ոչ միայն պաշտպանութեան, այլ գուցէեւ արտաքին գործերի նախարարութիւնների, երկրի ղեկավարների ադմինիստրացիաների խողովակներով: «Փաստ»-ի հետ զրոյցում նման կարծիք յայտնեց քաղտեխնոլոգ Վիգէն Յակոբեանն՝ անդրադառնալով սահմանային լարւածութեան ֆոնին ՀՀ ՊՆ-ի կողմից յայտարարվւծ սպասւելիք բանակցութիւնների մասին, ինչն անակնկալ էր հանրութեան համար: Ըստ քաղտեխնոլոգի, իրականում ոչ մի արտառոց բան չկայ:

  • Սադրիչ յարձակումներ, անըմբռնելի լռութիւն
    Սադրիչ յարձակումներ, անըմբռնելի լռութիւն

    Անհասկնալի եւ անըմբռնելի կացութեան մէջ ենք ի Հայաստան: Հազիւ մէկ շաբթուան ժամանակամիջոցին, Ատրպէյճանի բանակը գրեթէ ամենօրեայ հետեւողականութեամբ եւ օր աւուր սաստկացումով կը կրկնէ սահմանամերձ շրջաններու վրայ յարձակումները: Ասոր դիմաց, եւ մինչ հայրենի բանակը կը փորձէ ամէն գնով դիմադրել եւ կասեցնել թշնամիին յառաջխաղաղքը՝ Սոթքի, Վերին Շորժայի թէ Երասխի մէջ, քաղաքական բեմահարթակին վրայ ազդեցիկ… լռութիւն մը կը պահէ Երեւանը:

  • «Եթէ հայ-իրանական շահերի համընկնում տեղի ունենայ, Իրանը կը գործադրի դիւանագիտական, նաեւ քաղաքական հնարաւորութիւնները». իրանագէտ
    «Եթէ հայ-իրանական շահերի համընկնում տեղի ունենայ, Իրանը կը գործադրի դիւանագիտական, նաեւ քաղաքական հնարաւորութիւնները». իրանագէտ

    Իրանը պատրաստ է միջնորդել հայ-ադրբեջանական բանակցութիւնների համար: Նման յայտարարութիւն է արել Իրանի ԱԳՆ պաշտօնական ներկայացուցիչ Սայիդ Խաթիբզադէն:

  • Փաշինեանի հերթական հեքիաթը. չիմացութի՞ւն, թէ՞ սովորական խաբէութիւն
    Փաշինեանի հերթական հեքիաթը. չիմացութի՞ւն, թէ՞ սովորական խաբէութիւն

    Մօտ 10 օր առաջ Ադրբեջանի նախագահ Իլհամ Ալիեւը յայտարարել էր, որ հաղորդակցութիւնների բացումը հնարաւորութիւն կը տայ Ադրբեջանին Հայաստանի տարածքով մուտք ունենալ դէպի Նախիջեւանի Ինքնավար Հանրապետութիւն:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։