Հա

Մշակոյթ

14/08/2019 - 11:30

«Հայաստանը ռազմավարական դիրք է զբաղեցնում մեր օրերի համաշխարհային քարտէզի վրայ». KCW Today-ի անդրադարձը

Պատմական գեղեցկութիւն եւ կարեւորութիւն, հնագոյն մշակոյթ ունեցող Հայաստանը մեր օրերի համաշխարհային քարտէզի վրայ ռազմավարական դիրք է զբաղեցնում։

«Արմէնպրես»-ի փոխանցմամբ՝ այս մասին գրում է բրիտանական յայտնի «Kensington, Chelsea & Westminster Today» ամսագիրը, որի օգոստոսեան համարը լոյս է տեսել հայոց թռչնատառ այբուբէնի նկարը պատկերող շապիկով։

«alikonline.ir» - Պատմական գեղեցկութիւն եւ կարեւորութիւն, հնագոյն մշակոյթ ունեցող Հայաստանը մեր օրերի համաշխարհային քարտէզի վրայ ռազմավարական դիրք է զբաղեցնում։

«Արմէնպրես»-ի փոխանցմամբ՝ այս մասին գրում է բրիտանական յայտնի «Kensington, Chelsea & Westminster Today» ամսագիրը, որի օգոստոսեան համարը լոյս է տեսել հայոց թռչնատառ այբուբէնի նկարը պատկերող շապիկով։ Ամսագիրը ստւարածաւալ յօդւածներ է նւիրել Հայաստանին՝ անդրադառնալով մեր երկրի պատմութեանը, հաւատքին, զբօսաշրջութեանն ու մշակոյթին։

Յօդւածների հեղինակներն այս տարի յունիսին այցելել էին Հայաստան՝ մասնակցելու առաջին անգամ մեր երկրում կազմակերպւած «Մտքերի հայկական գագաթնաժողով»-ին, որը կազմակերպւել էր Հայաստանի Հանրապետութեան նախագահ Արմէն Սարգսեանի բարձր հովանու ներքոյ։

«Ծառայել Հայաստանին, նշանակում է ծառայել մեր քաղաքակրթութեանը». 1895 թւականին Օսմանեան կայսրութիւնում հայերի դէմ իրականացւող բռնութիւնների դէմ հանդէս եկած Բրիտանիայի վարչապետ Վիլիամ Գլադսթոնի այս խօսքերով էլ հեղինակները սկսել են Հայաստանին նւիրւած յօդւածաշարը՝ նշելով, որ մէջբերւած խօսքերն այսօր էլ շարունակում են մեծ իմաստ պարունակել, քանի որ Հայաստանը շարունակում է իր նշանակալի նպաստը բերել տարբեր ոլորտներում, ինչպիսիք են համաշխարհային գիտութիւնը, դասական երաժշտութիւնը, շախմատը եւ այլն։ «Հայ ժողովուրդը յայտնի է իր տեսակով, որը միշտ գրկաբաց է ընդունում այցելուներին ու հարեւաններին»,- նշում են հեղինակները։

Անդրադառնալով հայոց պատմութեանը` KCW Today-ը նշում է, որ Հայաստանն առաջինն էր, որ 301 թւականին ընդունեց քրիստոնէութիւնը որպէս պետական կրօն։ «Ունենալով նման հարուստ կրօնական եւ մշակութային պատմութիւն՝ պատահական չէ, որ ողջ աշխարհի հայերն այսօր էլ շարունակում են քրիստոնէական աւանդոյթներն ու ամուր են պահում իրենց հաւատը»,- նշում է ամսագիրը։

Հեղինակները յատուկ անդրադարձ են կատարել Հայոց Ցեղասպանութեանը՝ նշելով, որ 1915-1922 թւականներին շուրջ 1.5 մլն. հայեր Օսմանեան կայսրութիւնում սիստեմատիկ կերպով կոտորածի ենթարկւեցին իշխանութիւնների կողմից։ «Այդուհանդերձ, քաղաքական ճնշումների պատճառով այս սարսափելի ոճրագործութիւնը երբեք արդարացի ճանաչում չի գտել միջազգային հանրութեան կողմից։ Թուրքական կառավարութիւնը մշտապէս հրաժարւել է պատասխանատւութիւն ստանձնել կատարւածի համար, Միացեալ Նահանգները եւ Միացեալ Թագաւորութիւնը եւս դեռեւս պաշտօնապէս չեն ընդունել կատարւածը՝ վախենալով դիւանագիտական սկանդալ յարուցել Թուրքիայի հետ»,- նշում են հեղինակները՝ պատմելով նաեւ Հայոց Ցեղասպանութեան թանգարան-ինստիտուտի եւ այն կարեւոր դերի մասին, որ կատարում է կառոյցը Ցեղասպանութեան մասին իրազեկման մակարդակի բարձրացման ուղղութեամբ։

«Դիմանալով ժամանակի փորձութեանը՝ Հայաստանն այսօր ծաղկում է նոր թափ հաւաքող զբօսաշրջութեամբ եւ ծառայութիւնների ոլորտով։ Ամէն տարի միլիոնաւոր մարդիկ են այցելում Հայաստան, որը յայտնի է իր գեղեցիկ բնապատկերներով եւ դաշտերով»,- շարունակում են հեղինակները՝ պատմելով մեր երկրի գեղատեսիլ վայրերի մասին։ Նրանք յատկապէս ուշադրութիւն են հրաւիրում այն փաստի վրայ, որ Հայաստանը յայտնի է որպէս ձմեռային սպորտաձեւերի սիրահարների վայր։ Հեղինակները նշում են, որ մեր երկրում այցելուներին սպասում են իւրայատուկ հայկական ուտեստները, ինչպիսիք են խորովածն ու դոլման։

KCW Today-ի օգոստոսեան համարում յատուկ անդրադարձ է կատարւել Մատենադարանին՝ սկսած հայոց ձեռագրերի ստեղծման պատմութիւնից մինչեւ հնագոյն ձեռագրերի ստեղծումն ու մեր օրերում դրանց պահպանումը։ Հեղինակները նշում են, որ հնագոյն ձեռագրերի ինստիտուտը ոչ միայն հայկական ձեռագրերի ամենամեծ հաւաքածուն ունի, այլեւ այստեղ են պահպանւում օտարալեզու հնագոյն ձեռագրեր եւս, ինչպէս նաեւ արժէքաւոր շատ տեքստեր, որոնց բնօրինակները, ցաւօք, վաղուց ոչնչացւել են, եւ այսօր պահպանւում են միայն դրանց հայերէն թարգմանութիւնները։

Յարակից լուրեր

  • Հայաստանը կորցնում է իր գրաւչութիւնը. ՄԱԿ-ի ահազանգը
    Հայաստանը կորցնում է իր գրաւչութիւնը. ՄԱԿ-ի ահազանգը

    ՄԱԿ-ը Հայաստանի ներդրումների միջավայրի վերաբերեալ հրապարակել է զեկոյց՝ արձանագրելով բաւական հակասական պատկեր: Չնայած ՄԱԿ-ի Առեւտրի եւ զարգացման համաժողովի (UNCTAD/ՄԱԿԱԶՀ) կողմից  հրապարակւած զեկոյցը դժւար է միանշանակօրէն նեգատիւ գնահատել, սակայն դրանում տեղ գտած մի շարք կարեւոր շեշտադրումներ ստիպում են խորապէս վերագնահատել իշխանութիւնների կողմից պարբերաբար արւող ամպագոռգոռ յայտարարութիւնները՝ կապւած տնտեսական յեղափոխութեան անխուսափելիութեան հետ:

  • Ակնարկ. 21-րդ դարու կայկական կրթակարգ. Բովանդակային քննարկումի անհրաժեշտութիւնը
    Ակնարկ. 21-րդ դարու կայկական կրթակարգ. Բովանդակային քննարկումի անհրաժեշտութիւնը

    Հայաստանի մէջ «Հայոց լեզու», «Հայ գրականութիւն», «Հայոց պատմութիւն» դասանիւթերը բարձրագոյն ուսման հաստատութիւններու մէջ ոչ պարտադիր դարձնելու նախաձեռնութիւնը տեղի տուած է  թէժ եւ լարուած իրավիճակներու: Դասադուլներ, նստացոյցեր, բանավէճեր, բողոքի գործողութիւններ` հասնելու համար նախարարի հրաժարականի պահանջ` խնդիրը կրթականէն մղուած է  հասարակական-քաղաքական հարթութիւն եւ ստացած սուր հնչեղութիւն:

  • «Մի՞թէ Փաշինեանն է այն «փայլատակող միտքը», որը վերջապէս գտել է խաղաղ կարգաւորման բանաձեւը». Արտակ Զաքարեան
    «Մի՞թէ Փաշինեանն է այն «փայլատակող միտքը», որը վերջապէս գտել է խաղաղ կարգաւորման բանաձեւը». Արտակ Զաքարեան

    Տարիներ շարունակ հայատեացութիւնը Ադրբեջանում դարձել է պետական քաղաքականութեան հիմնարար եւ բաղկացուցիչ մաս. այն խորապէս արմատաւորւել է դպրոցական դասագրքերում եւ թունաւորում է այդ երկրի երիտասարդ սերնդի մտածողութիւնը: Այս մասին Facebook-ի իր էջում գրել է ՀՀ պաշտպանութեան նախկին փոխնախարար Արտակ Զաքարեանը:

  • «Մել»-ի հակաբարոյական, հակազգային եւ հակապետական շարժապատկերը
    «Մել»-ի հակաբարոյական, հակազգային եւ հակապետական շարժապատկերը

    Սեռափոխւած ծանրամարտիկ Մելինէ Դալուզեանի (Մել) մասին պատմող ֆիլմի մասին բաւականին գրւեց եւ խօսւեց: «Մելը» 2019 թւականին Հայաստանի ազգային կինոկենտրոն ներկայացւած 65 յայտերից երկրորդ փուլ անցած լիամետրաժ նախագծերի թւում է: Պետութիւնը (ՀՀ ԿԳՄՍ նախարարութիւնը) ֆիլմի ֆինանսաւորման համար յատկացրել է 20 միլիոն դրամ:

  • «Ռուսաստանը պատրաստ է նպաստել Հայաստանի եւ Թուրքիայի միջեւ յարաբերութիւնների բարելաւմանը». Լաւրով
    «Ռուսաստանը պատրաստ է նպաստել Հայաստանի եւ Թուրքիայի միջեւ յարաբերութիւնների բարելաւմանը». Լաւրով

    Ռուսաստանը պատրաստ է նպաստել Հայաստանի եւ Թուրքիայի միջեւ յարաբերութիւնների բարելաւմանը: Այդ մասին ՀՀ արտգործնախարար Զոհրաբ Մնացականեանի հետ հանդիպումից յետոյ կայացած համատեղ մամուլի ասուլիսի ժամանակ յայտնել է ՌԴ արտգործնախարար Սերգէյ Լաւրովը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։