Հա

Մշակոյթ

21/10/2019 - 14:10

«Թաւրիզից ստալինեան գուլագ. ընդհատւած պատմութիւն» խորագրով գիրքն արդէն ընթերցողի սեղանին է

ՀՀ ԳԱԱ հնագիտութեան եւ ազգագրութեան ինստիտուտի Բանաւոր պատմութեան կենտրոնը լոյս է ընծայել Ռուբինա Փիրումեան Մինասեանի եւ Բաղդիկ Մինասեանի հեղինակած «Յիշողութեան ազգագրութիւն» շարքի 8-րդ գիրքը:

«alikonline.ir» - ՀՀ ԳԱԱ հնագիտութեան եւ ազգագրութեան ինստիտուտի Բանաւոր պատմութեան կենտրոնը լոյս է ընծայել Ռուբինա Փիրումեան Մինասեանի եւ Բաղդիկ Մինասեանի հեղինակած «Յիշողութեան ազգագրութիւն» շարքի 8-րդ գիրքը: Տեղեկացնում է Yerkir.am-ը:

«Թաւրիզից ստալինեան գուլագ. ընդհատւած պատմութիւն» խորագիրը կրող գիրքը հայերէնի վերածւած եւ որոշ չափով ընդլայնւած տարբերակն է Ռուբինա Փիրումեանի 2017 թ. լոյս ընծայած My father, A man of Courage and Perseferance, A Survivor of Stalin's GULAG աշխատութեան:

Հեղինակը նկարագրում է հօր՝ Բաղդիկ Մինասեանի կեանքը՝ մանկութիւնից մինչեւ Չեկայի կողմից նրա առեւանգումը Թաւրիզից, աքսորը, ներումը եւ վերադարձը Իրան: Գրքի երկու գլուխներում բերւած են համահեղինակ Բաղդիկ Մինասեանի անաւարտ յուշերը, որոնք անգլերէնի վերածւած ընդգրկւած էին անգլերւն բնագրում: Փիրումեանը շարունակում է պատումը՝ փորձելով լրացնել հօր անաւարտ յուշերը, ապա՝ ներկայացնում է երկու տասնամեակի հօր ճիգն ու ջանքը, ի հեճուկս մեծ դժւարութիւնների, իր երբեմնի տեղն ու դիրքը հաստատելու ընտանիքում, համայնքում եւ հայ քաղաքական ասպարէզում: Աշխատութիւնը յուշագրութիւնից աւելի, իւրայատուկ հայացքով դիտւած, հետազօտութիւն է՝ Երկրորդ Համաշխարհային պատերազմի նախօրեակի եւ հետագայ դէպքերի ու երեւոյթների եւ մանաւանդ՝ ստալինեան պատժամիջոցների համակարգի մասին բանաւոր պատմութիւն է՝ ընդհատւած պատմութեան վերակազմութեան փորձ:

Գիրքը նախատեսւում է ստալինեան բռնաճնշումների ժամանակաշրջանով, բանաւոր պատմութեամբ ու յիշողութեան ուսումնասիրութիւններով զբաղւող սոցիալական տարբեր գիտաճիւղերի մասնագէտների, ինչպէս նաեւ այդ հարցերով հետաքրքրւողների լայն շրջանակի համար:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։