Հա

Մշակոյթ

31/10/2019 - 08:20

Լոյս է տեսել «Երուսաղէմի հայկական թաղամասի գաղտնիքները» գիրքը

Լոյս է տեսել Երուսաղէմի Հայոց պատրիարքարանի դիւանապետ Հայր Կորիւն վարդապետ Բաղդասարեանի առաջին` «Երուսաղէմի հայկական թաղամասի գաղտնիքները» գիրքը: Մէկ տարւայ ընթացքում գրւած գիրքը կարդալիս մարդիկ կը ծանօթանան հետաքրքիր եւ ուշագրաւ պատմութիւնների` նւիրւած Հայկական Երուսաղէմին եւ հայերի հետքերին այնտեղ:

«alikonline.ir» - Լոյս է տեսել Երուսաղէմի Հայոց պատրիարքարանի դիւանապետ Հայր Կորիւն վարդապետ Բաղդասարեանի առաջին` «Երուսաղէմի հայկական թաղամասի գաղտնիքները» գիրքը: Մէկ տարւայ ընթացքում գրւած գիրքը կարդալիս մարդիկ կը ծանօթանան հետաքրքիր եւ ուշագրաւ պատմութիւնների` նւիրւած Հայկական Երուսաղէմին եւ հայերի հետքերին այնտեղ:

Անդրադառնալով գրքի պատմութեանը` Հայր Կորիւն վարդապետ Բաղդասարեանն ասաց, որ գրեթէ 17 դար հայ եկեղեցին Սուրբ Երկրում` հիմնականում Երուսաղէմում եւ միւս կարեւոր քաղաքներում, ներկայութիւն ունի, որի ընթացքում այնտեղ շատ կարեւոր առաքելութիւն է իրականացնում: Գիրքը նախ այդ առաքելութեանն է անդրադառնում: Երկարուձիգ դարերի ընթացքում հայ եկեղեցին Սուրբ Երկրում ստեղծել է պատմամշակութային եւ հոգեւոր հարուստ ժառանգութիւն, որը յաւուր պատշաճի չի ներկայացւել հասարակութեանը: Դիւանապետն այս գրքով փորձել է անդրադառնալ հայկական այդ ժառանգութեանը` դրանք հասանելի դարձնելով հայ ժողովրդին եւ օտարներին:

«Երուսաղէմի Սրբոց Յակոբեանց միաբանութիւնն իր կարեւոր առաքելութիւնն է համարում վերոնշեալ ժառանգութեան պահպանումը, եւ մենք իբրեւ զինւորեալ միաբաններ` հաւատարիմ ենք մնում մեր կոչմանը եւ առաւելագոյն կերպով ամբողջ ներուժը կենտրոնացնում այդ գործին: Կարծում եմ` Երուսաղէմում մեր ժառանգութեան պահպանման առումով վտանգ չկայ»,- «Արմէնպրես»-ի հաղորդմամբ՝ նշեց Հայր Կորիւն վարդապետ Բաղդասարեանը` յաւելելով, որ իրականում որեւէ գաղտնիք չի բացայայտւում գրքում, հիմնականում այն երեւոյթների մասին է արծարծւում, որոնք յայտնի են միայն իրենց շատ նեղ շրջանակներին: Իհարկէ, այնպիսի գաղտնիքներ զետեղւած չեն գրքում, որոնց մասին չեն կարող չկիսւել ընթերցողի հետ:

Հայր սուրբը Երուսաղէմի հայկական թաղամասի գաղտնիքները» գիրքը նւիրել է Հայ Դատի նւիրեալ առաջամարտիկ լուսահոգի Ժորժետ Աւագեանի անմար յիշատակին, որի յորդորներով եւ քաջալերանքով սկսել էր գրել գիրքը:

«Սա իմ լուռ խոնարհումն է Երուսաղէմի Հայ Դատի գրասենեակի երկարամեայ ղեկավարին: Գիրքը գրեթէ պատրաստ էր, երբ նա անակնկալ մահացաւ: Այս բացառիկ հայուհու յիշատակը մշտավառ մնալու է բոլորիս հոգիներում»,- նշեց Հայր Կորիւնը:

Գիրքը թարգմանւում է անգլերէն եւ եբրայերէն: Յաջորդ տարի նախատեսւում է երկրորդ եւ երրորդ գլուխների հրատարակումը` ներառելով, ընդհանուր առմամբ, 60 պատմութիւն: Ընթերցասէր հասարակութիւնը գիրքը կարող է ձեռք բերել Երեւանի գրախանութներում:

Անդրադառնալով Երուսաղէմի հայ համայնքին` Հայր Կորիւն վարդապետ Բաղդասարեանը կարեւորեց, որ համայնքում բոլորն այսօր ապրում են զբաղւած կեանքով, գրեթէ գործազրկութիւն չի նկատւում տեղի հայերի շրջանակներում: Նրանց մեծ մասը հիմնականում զբաղւում է առեւտրով, ինչպէս նաեւ կան տաղանդաշատ արւեստագէտներ, արհեստաւորներ եւ գրասենեակային աշխատողներ:

 

Գէորգ Չիչեան

Յարակից լուրեր

  • «Ինչպէս է իմ ընտանիքը ստեղծել աշխարհի ամենավտանգաւոր մարդուն». The Guardian-ն ուշագրաւ հատւածներ է ներկայացրել Թրամփի զարմուհու աղմկայարոյց գրքից
    «Ինչպէս է իմ ընտանիքը ստեղծել աշխարհի ամենավտանգաւոր մարդուն». The Guardian-ն ուշագրաւ հատւածներ է ներկայացրել Թրամփի զարմուհու աղմկայարոյց գրքից

    ԱՄՆ նախագահ Դոնալդ Թրամփի եղբօր դուստրը՝ Մերի Թրամփը, իր նոր՝ «Չափից շատ եւ երբեք բաւարար չէ. Ինչպէս է իմ ընտանիքը ստեղծել աշխարհի ամենավտանգաւոր մարդուն» գրքում պնդում է, որ ԱՄՆ նախագահի բնաւորութիւնն ու վրդովեցուցիչ պահւածքը «սպառնալիք են աշխարհի խաղաղութեանը, տնտեսական անվտանգութեանը եւ սոցիալական կառուցւածքին»:

  • Դատարանը թոյլատրել է Ջան Բոլթոնի գրքի հրատարակումը
    Դատարանը թոյլատրել է Ջան Բոլթոնի գրքի հրատարակումը

    Դատարանը մերժել է ԱՄՆ արդարադատութեան նախարարութեան բողոքը եւ թոյլ է տւել ազգային անվտանգութեան հարցերով ԱՄՆ նախագահ Դոնալդ Թրամփի նախկին խորհրդական Ջոն Բոլթոնի գրքի հրատարակումը, յայտարարել է դատաւոր Ռոյս Լամբերտը, նրա որոշումը տեղադրւած է դատական ​​փաստաթղթերի բազայում:

  • Օսմանեան կայսրութեան ցեղասպան քաղաքականութեան մի վկայարան
    Օսմանեան կայսրութեան ցեղասպան քաղաքականութեան մի վկայարան

    Երուսաղէմի Հայոց պատրիարքութեան Հայոց Ցեղասպանութեան արխիւում է պահւում իր ծաւալով ամենամեծ հաւաքածուն։ Այն ստեղծւել է 1919 թ. Կ. Պոլսում՝ Զաւէն արք. Եղիայեան պատրիարքի անմիջական ջանքերով եւ վերահսկողութեամբ։ 1938-ից ի վեր այդ բացառիկ արխիւը պահւում է Երուսաղէմի Հայոց պատրիարքարանում։ 2017-ից սկսած թուրքագէտ Լուսինէե Սահակեանը եւ օսմանագէտ Անի Սարգսեանը չորս այցելութիւն են կատարել Երուսաղէմի Հայոց պատրիարքութիւն, որի ընթացքում մաքրել եւ դասակարգել են 11 տուփ կազմող վաւերագրերը եւ լուսապատճէնել շուրջ 25 հազար էջ։

  • Հայրապետին “The Armenian Church” գիրքը լոյս տեսաւ արաբերէն թարգմանութեամբ
    Հայրապետին “The Armenian Church” գիրքը լոյս տեսաւ արաբերէն թարգմանութեամբ

    Վերջին տարիներուն, հանրութեան տարամադրութեան տակ կը գտնուի դիւրին ընթեռնելի, պարզ լեզուով ու ամփոփ, եւ յատկապէս երիտասարդութեան դիւրամատչելի, սակայն միաժամանակ համապարփակ կերպով գրուած Հայ Եկեղեցւոյ պատմութիւնը՝ շնորհիւ Ն.Ս.Օ.Տ.Տ. Արամ Ա Վեհափառ Հայրապետին, զոր գրուած է անգլերէն լեզուով՝ “The Armenian Church” եւ ցարդ թարգմանուած է երեք լեզուներու՝ ֆրանսերէնի, ռուսերէնի եւ պարսկերէնի։

  • Երուսաղէմի Հայոց Ցեղասպանութեան արխիւը Օսմանեան կայսրութեան ցեղասպան քաղաքականութեան մի վկայարան է
    Երուսաղէմի Հայոց Ցեղասպանութեան արխիւը Օսմանեան կայսրութեան ցեղասպան քաղաքականութեան մի վկայարան է

    «Երուսաղէմի Հայոց պատրիարքութեան Հայոց Ցեղասպանութեան արխիւում պահւում է իր ծաւալով թերեւս ամենամեծ հաւաքածուն։ Շուրջ ութ տասնամեակ այս արխիւը փակ է եղել, եւ միայն սակաւաթիւ մասնագէտներ են կարողացել մասնակի ուսումնասիրութիւններ անել այնտեղ». արխիւում գիտահետազօտական աշխատանքներ իրականացրած, թուրքագէտ Լուսինէ Սահակեանը բացառիկ մանրամասներ է ներկայացնում «Ասպարէզ»-ին տրուած հարցազրոյցում:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։