Հա

Մշակոյթ

12/02/2020 - 11:17

Յայտնի են 38-րդ Ֆաջր կինոփառատօնի մրցանակակիրները

Թեհրանի «Միլադ» աշտարակի համերգասրահում երէկ՝ փետրւարի 11-ին կայացաւ Իրանի «Ֆաջր» կինոփառատօնի մրցանակաբաշխութիւնը:

«alikonline.ir»- Թեհրանի «Միլադ» աշտարակի համերգասրահում երէկ՝ փետրւարի 11-ին կայացաւ Իրանի «Ֆաջր» կինոփառատօնի մրցանակաբաշխութիւնը:

38-րդ ֆաջրի ֆաւորիտները ` «Զրոյի օր» եւ  «Թիթեռնիկի լողալը» ֆիլմերն էին, որոնց իւրաքանչիւրին յաջողւեց նւաճել 5 բիւրեղապակեայ փիւնիկ:

«Լաւագոյն ֆիլմ» անւանակարգում յաղթեց Մաջիդ Մաջիդիի եւ Ամիր Բոնանի «Արեւ» ֆիլմը:

«Լաւագոյն դերասանուհի» ճանաչւեց Նազանին Ահմադին՝ «Ամպը անձրեւել է ցանկանում»  (ابر بارانش گرفته) ֆիլմում մարմնաւորած կերպարի համար:

«Լաւագոյն դերասան» անւանակարգում յաղթեց «Ընկուզենի» (درخت گردو) ֆիլմի գլխաւոր դերակատար Փէյման Մոադին:

«Լաւագոյն ռեժիսոր» անւանակարգում սպասւած արձանիկին արժանացաւ «Ընկուզենի» (درخت گردو) ֆիլմի ռեժիսոր Մոհամմադ Հոսէյն Մահդաւիանը:

Երկրորդ պլանի լաւագոյն դերասան ճանաչւեց Ամիր Աղային «Թիթեռնիկի լողալը» (شنای پروانه) ֆիլմի համար, երկրորդ պլանի լաւագոյն դերաանուհին Թանազ Թաբաթաբային էր «Թիթեռնիկի լողալը» ֆիլմի համար:

«Լաւագոյն վիզուալ էֆեկտներ» անւանակարգում  լաւագոյնը՝ «Ելք» ֆիլմն էր:

Լաւագոյն սցենար անւանակարգում յաղթեց Նիմա Ջաւիդիի եւ Մաջիդ Մաջիդիի «Արեւ» Ֆիլմը:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։