Հա

Մշակոյթ

27/06/2020 - 09:40

Թուրքերը պատրաստւում են վերականգնել հայ-թուրքական սահմանին գտնւող պատմական կամուրջը

Թուրքիան պատրաստւում է վերակառուցել աւերւած Անիի պատմական կամուրջը (Մետաքսի ճանապարհի կամուրջ), որը գտնւում է հայ-թուրքական սահմանին՝ Ախուրեան գետի վրայ։ Այս մասին յայտնել է Թուրքիայի տրանսպորտի, ծովագնացութեան ու կապի  նախկին նախարար, այժմ Կարսից ընտրւած խորհրդարանի պատգամաւոր Ահմեթ Արսլանը։

«alikonline.ir» - Թուրքիան պատրաստւում է վերակառուցել աւերւած Անիի պատմական կամուրջը (Մետաքսի ճանապարհի կամուրջ), որը գտնւում է հայ-թուրքական սահմանին՝ Ախուրեան գետի վրայ։ Այս մասին յայտնել է Թուրքիայի տրանսպորտի, ծովագնացութեան ու կապի  նախկին նախարար, այժմ Կարսից ընտրւած խորհրդարանի պատգամաւոր Ահմեթ Արսլանը։ Գրում է Ermenihaber.am-ը:

Նա «Gazete Kars» լրատւամիջոցին տւած հարցազրոյցում նշել է, որ այս պահին միայն հիմքերը մնացած կամուրջի վերանորոգման համար Թուրքիայի ցամաքային ճանապարհների Կարսի 18-րդ վարչութիւնը մրցոյթ է կազմակերպում եւ շուտով կը սկսւեն շինարարական աշխատանքները։

Արսլանը նշել է, որ Անիի աւերակները իրենց համար շատ կարեւոր են, քանի որ 1064 թ․-ին Անին եղել է Ալփարսլան սուլթան 1-ին կանգառը «Անատոլիա»-ում։

«Անիի կարեւոր առանձնայատկութիւններից մէկը Մետաքսի ճանապարհի վրայ գտնւելն է։ Աստծոյ կամքով ցամաքային ճանապարհների գլխաւոր վարչութիւնը Մետաքսի ճանապարհը եզրափակող ու Հայաստանի ու Թուրքիայի սահմանը գծող Ախուրեանի վրայ գտնւող այս պատմական կամուրջը կը վերկառուցի այնպէս, ինչպէս վերաշինել է միւս պատմական կամուրջները։ Աշխատանքները շուտով կը մեկնարկեն» ասել է թուրք պատգամաւորը։

Պատգամաւորը, սակայն, կամուրջի վերականգնման մասին այլ մանրամասներ չի հաղորդել, յատկապէս այն հարցում, թէ արդեօք Հայաստանի հետ որեւէ համաձայնութիւն ձեռք բերւել է այդ հարցում, քանի որ կամուրջի 2 յենարաններից (ոտքերից) մէկը գտնւում է Ախուրեանի՝ հայաստանեան ափին։

Յիշեցնենք, որ թուրքական մամուլում կամուրջը վերականգնելու մասին տեղեկութիւններ են շրջանառւել նաեւ 2010-ին։ Այն ժամանակ հաղորդւում էր նաեւ, որ Թուրքիայից պատւիրակութիւն է գործուղւել Հայաստան, որը տեղում համաձայնութիւն է ձեռք բերել հայկական կողմի հետ այս հարցում։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։