Յեղափոխութեան յաղթանակի ամեակներին նւիրւած «Ֆաջր» ամէնամեայ միջազգային փառատօնը, երկարատեւ դադարից յետոյ, վերջապէս ճանաչեց «Զարդեղէնի եւ հագուստի մոդելաւորման առաջին մրցոյթի» յաղթողներին: Նոյն կապակցութեամբ տեղեկացանք, որ զարդեղէնի մոդելաւորման մրցոյթի յաղթող է ճանաչւել Մեղեդի Միքայէլեանը:
«ԱԼԻՔ» - Յեղափոխութեան յաղթանակի ամեակներին նւիրւած «Ֆաջր» ամէնամեայ միջազգային փառատօնը, երկարատեւ դադարից յետոյ, վերջապէս ճանաչեց «Զարդեղէնի եւ հագուստի մոդելաւորման առաջին մրցոյթի» յաղթողներին: Նոյն կապակցութեամբ տեղեկացանք, որ զարդեղէնի մոդելաւորման մրցոյթի յաղթող է ճանաչւել Մեղեդի Միքայէլեանը:
«Ալիք»-ի հետ զրոյցում Մեղեդին պատմելով մրցոյթի հետաձգման պատճառների մասին, նշեց, որ փառատօնի ժամանակացոյցի համաձայն արդիւնքները պէտք է յայտարարւէին մարտ ամսւայ երկրորդ կէսին, սակայն համաճարակի բերումով այն անորոշ ժամանակ յետաձգւեց, ինչը վերջապէս չորեքշաբթի երեկոյեան (16 սեպտեմբերի) ինքը տեղեկացւել է այդ մասին: Նա յաւելեց, որ մրցանակաբախշութիւնը տեղի է ունեցել օնլայն կարգով:
Մեղեդին «Ֆաջր»-ի գլխաւոր մրցանակի է արժանացել զարդեղէնի ձեւաւորման անւանակարգում: Նա «Ալիք»-ին յայտնեց, որ նորաձեւութեան այս մրցոյթ-փառատօնում զարդեղէնի ձեւաւորման մրցոյթը կրում էր «ՄԷ՛ՐԱՋ» անունը եւ նւիրւած էր ուկրայինական կործանւած ուղղաթիռի զոհերի յիշատակկին: «Կարելի է պատկերացնել, որ ներկայացրած նախագիծը թեմային համահունչ ձեւաւորման կողքին պէտք է, որ ունենար համապատասխան պատկերագրութիւն: Երկինք ճախրող թիթեռնիկի պատկերը յուշող ներկայացրած մատանու հետ միասին ընտրել էի Սէյէդ Ալի Սալէհիի քերթւածքը, որի համար շնորհակալ եմ հեղինակին»,- նշում է նա:
Մեղեդի Միքայէլեանը 21 տարեկան է, սովորում է «Փարս» արւեստի եւ ճարտարապետական համալսարանում: Նախնական կրթութիւնն ստացել է հայոց ազգ. «Արաքս» դպրոցում:
