Հա

Մշակոյթ

01/10/2020 - 10:43

«Խորապէս վիրաւորւած եմ, քաղաքական որոշում էր». Ջիւան Աւետիսեանը՝ Մոսկւայի միջագային կինոփառատօնում ԼՂ պատերազմի թեմայով իր ֆիլմի ցուցադրութեան չեղարկման մասին

Լեռնային Ղարաբաղում հակամարտութեան սրումից անմիջապէս յետոյ Մոսկւայի միջագային կինոփառատօնի յանձնաժողովը հրաժարւել է ցուցադրել յայտնի ռեժիսոր Ջիւան Աւետիսեանի ֆիլմը, որը 1990-ական թւականներին Արցախում տեղի ունեցած պատերազմական գործողութիւնների մասին է. rbc.ru կայքին ֆիլմի ցուցադրութեան չեղարկման մասին իր կարծիքն է յայտնել հէնց ռեժիսորը:

«alikonline.ir» - Լեռնային Ղարաբաղում հակամարտութեան սրումից անմիջապէս յետոյ Մոսկւայի միջագային կինոփառատօնի յանձնաժողովը հրաժարւել է ցուցադրել յայտնի ռեժիսոր Ջիւան Աւետիսեանի ֆիլմը, որը 1990-ական թւականներին Արցախում տեղի ունեցած պատերազմական գործողութիւնների մասին է. rbc.ru կայքին ֆիլմի ցուցադրութեան չեղարկման մասին իր կարծիքն է յայտնել հէնց ռեժիսորը. հաղորդում է Tert.am-ը:

«Դրախտի դարպասը» («Gate to Heaven») ֆիլմի հեղինակի խօսքով՝ ցուցադրութիւնը չեղարկւել է մարտական գործողութիւնների վերսկսման լուրը յայտնի դառնալուն պէս: 

«Անկեղծ կը լինեմ՝ դա խորապէս վիրաւորել է ինձ որպէս մարդ եւ որպէս ֆիլմի հեղինակ: Իմ կարծիքով՝ որքան էլ մեծ լինի քաղաքական ազդեցութիւնը, փառատօնները երբեք չպէտք է ենթարկւեն դրան: Հակառակ դէպքում կինոփառատօները կը դադարեն արւեստը հասարակութեանը ներկայացնելու լաւագոյն օղակը լինել: Խորապէս ցաւում եմ նման որոշման համար»,- յայտարարել է ռեժիսորը: 

Նշւում է, որ ֆիլմի ցուցադրութիւնը չեղարկւել է՝ անվտանգութեան նկատառումներից ելնելով: 

«Ռազմական գործողութիւնների սրման ֆոնին որոշւեց Մոսկւայում Արցախի շուրջ հայերի եւ ադրբեջանցիների բախումներից խուսափելու համար հրաժարւել ֆիլմի ցուցադրութիւնից՝ չնայած որ կինոնկարը լաւն էր»,- նշել է փառատօնի ծրագրային տնօրէն Կիրիլ Ռազլոգովը:

Աւետիսեանի խօսքով՝ ցուցադրութեան չեղարկումը քաղաքական որոշում է.

«Բնականաբար, սա միայն պարոն Ռազլոգովի որոշումը չէ, իհարկէ, այն ընդունւել է ամենաբարձր մակարդակով: Սա շատ տխուր ու ցաւալի է ինչպէս ինձ համար որպէս կինոգործչի, այնպէս էլ արտասահմանեան արտադրողների ու միջազգային թիմի համար»,- նշել է ֆիլմի ստեղծողը:

Նրա խօսքով՝ ընտրող յանձնաժողովը հետաքրքրւած է եղել ֆիլմով, եւ սկզբում հէնց այս կինոնկարն է ընտրւել արտամրցութային պաշտօնական ծրագրում ցուցադրւելու համար (ինչի մասին նշւած է եղել պաշտօնական հրաւէրի մէջ): Աւետիսեանը նշել է, որ «Դրախտի դարպասը» ֆիլմի ցուցադրումը չեղեալ յայտարարելու մասին նամակը ստացել է Լեռնային Ղարաբաղում հակամարտութեան սրման առաջին իսկ օրը` սեպտեմբերի 27-ին:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։