Հա

Մշակոյթ

08/04/2021 - 10:40

«Կարմիր բլուր»-ի յարակից տարածքում ուրարտական շրջանի նոր գտածօներ են յայտնաբերւել

Արդէն մի քանի օր է՝ «Էրեբունի» պատմահնագիտական արգելոց-թանգարանի «Կարմիր բլուր» հնավայրի յարակից տարածքում պեղումներ են սկսւել: Երեւանի արեւմտեան օղակաձեւ ճանապարհի Արգաւանդ-Շիրակ հատւածի շինարարութեան ընթացքում խեցեղէն բեկորները մասնագէտների աչքից չէին վրիպել ու աշխատանքներն անմիջապէս դադարեցւել էին: 

«alikonline.ir» - Արդէն մի քանի օր է՝ «Էրեբունի» պատմահնագիտական արգելոց-թանգարանի «Կարմիր բլուր» հնավայրի յարակից տարածքում պեղումներ են սկսւել: Երեւանի արեւմտեան օղակաձեւ ճանապարհի Արգաւանդ-Շիրակ հատւածի շինարարութեան ընթացքում խեցեղէն բեկորները մասնագէտների աչքից չէին վրիպել ու աշխատանքներն անմիջապէս դադարեցւել էին: ԿԳՄՍ նախարարութիւնը հրատապ պեղումներ սկսելու թոյլտւութիւն տւեց, տեղեկացնում է Երեւանի քաղաքապետարանի մամուլի ծառայութիւնը:

«Սափորի մի բեկոր է՝ հորադիր գծանախշերով եւ փայլանախշերով: Ունենք նաեւ ուրարտական թասի, տեղական սափորների տարբեր բեկորներ: Հիմնականում մեր գտած նիւթը թւագրւում է Ք.ա. 7-րդ դարով, որոշ նմուշներ՝ Ք.ա. 7-6-րդ դարերի են»,-պատմում է «էրեբունի» պատմահնագիտական արգելոց-թանգարանի տնօրէն Միքայէլ Բադալեանը:

«Վերին հատւածում ունենք կառոյցի հետքեր: Դա է յուշում քարերի շարւածքը: Եթէ ուշադիր նայենք՝ տեսնում ենք 3 քար, որոնք շարւած են մի ուղղութեամբ: Սա կարող է լինել դամբարան, պատ կամ այլ կառոյց: Մարդիկ, իհարկէ, կը նայեն ու չեն հասկանայ, բայց դա հնագիտական առումով կարեւոր է շատ»,- ասում է Միքայէլ Բադալեանը:

Ամէն օր խմբին միանում են նոր կամաւորներ: Տարբեր տարիքի ու մասնագիտութեան տէր այս մարդկանց համախմբել է սէրը քաղաքի ու նրա պատմութեան հանդէպ: Հնագէտների ցուցումով կամաւորներն իրենց առաջին պեղումներն են անում:

Սանտիմետր առ սանտիմետր հողաշերտից բացւում են հնագոյն պատմութեան նոր շերտերը:

«Շերտ առ շերտ ստուգում ենք հողի խտութիւնը, կարծրութիւնը: Երբ հողի գոյնը փոխւում է, ապա հնարաւոր է նաեւ իրավիճակի փոփոխութիւն լինի»,- նշում է Միքայէլ Բադալեանը:

Նոր ճանապարհին հարող հատւածում պեղումները կը շարունակւեն: Այս տարի պեղումներ կարւեն նաեւ հնավայրի գլխաւոր մուտքից աջ ընկած հատւածում: Արարատեան թագաւորութեան ժամանակաշրջանի պատն առաջինը նկատել են հնավայրի աշխատակիցները:

«Երեւում է պատի արտաքին հատւածը, որը մօտ 2 մետր լայնութիւն ունի եւ շարունակւում է: Այստեղ, ըստ երեւոյթին, ինչ-որ նոր թաղամաս կամ պարսպաշարեր կան: Եթէ այստեղ բացւեն 1.5 մետրանոց պատեր, ապա հնարաւոր է արտակարգ գտածօներ գտնենք»,- ընդգծում է «էրեբունի» պատմահնագիտական արգելոց-թանգարանի տնօրէնը:

Տարածքում մեր նկարահանող խմբի գտած սեպանախշերով խեցեղէնի բեկորը կը համալրի թանգարանի հաւաքածուն. քիչ հանդիպող բացառիկ նմուշ է: «Կարմիր բլուր» հնավայրն աշխարհին նոր ու հետաքրքիր դեռ շատ բացայայտումներ կարող է անել ու պատմել աւելին, քան այսօր գիտենք, նաեւ դառնալ հնագիտական զբօսաշրջութեան զարգացման կենտրոն:

Յարակից լուրեր

  • Անիի աւերակներում յայտնաբերւել են միջնադարեան խեցեգործական նմուշներ
    Անիի աւերակներում յայտնաբերւել են միջնադարեան խեցեգործական նմուշներ

    «Աշխարհի քաղաք», «Քաղաքակրթութիւնների օրրան», «Հազար ու մի եկեղեցիների քաղաք» եւ «քառասուն դարպասների քաղաք» անւանումներով յայտնի Բագրատունեաց Հայաստանի մայրաքաղաք Անիում վերջին շրջանում մեծ թափ են ստացել պեղումները:

  • Տիգրանակերտեան նոր բացայայտումներ
    Տիգրանակերտեան նոր բացայայտումներ

    Արցախի Տիգրանակերտում այս տարի պեղումները տեւել են 40 օր, աւարտւել են օգոստոսի 26-ին։ Panorama.am-ի հետ զրոյցում Տիգրանակերտի արշաւախմբի ղեկավար Համլետ Պետրոսեանն ասաց, որ որպէս կանոն Տիգրանակերտի պեղումները ֆինանսաւորում է Արցախի իշխանութիւնը, այս տարի Արցախի ԱԺ որոշմամբ յատկացւել է 18 միլիոն դրամ, բաւարար է եղել կատարել հնագիտական պեղումներ 40 օր՝ ներգրաւելով 30 բանւոր, հնագիտական արշաւախումբ, ներառելով նաեւ հնագիտական իրերի վերականգնման, տեղափոխման, լուսանկարման եւ այլ ծախսեր։

  • Հնագէտները գանձարան են գտել Պոմպէյում
    Հնագէտները գանձարան են գտել Պոմպէյում

    Պոմպէյ քաղաքում պեղումներ կատարելիս հնագէտները Հին Հռոմէական կայսրութեան ժամանակներին պատկանող գանձարան են յայտնաբերել՝ լի զարդերով եւ հուռութներով:

  • Անիում կիրականացւեն 6-ամսեայ պեղումներ
    Անիում կիրականացւեն 6-ամսեայ պեղումներ

    Թուրքիայի մշակոյթի եւ տուրիզմի նախարար Մեհմեթ Նուրի Էրսոյն օրեր առաջ Կարսի նահանգ կատարած այցի ժամանակ յայտնել է, որ պատրաստւում են Անիի աւերակներում 6-ամսեայ պեղման ծրագիր իրականացնել: 

  • Ռոստովում պեղումների ժամանակ հայերէն գրութիւններով գաւաթներ են յայտնաբերւել
    Ռոստովում պեղումների ժամանակ հայերէն գրութիւններով գաւաթներ են յայտնաբերւել

    ՌԴ Ռոստովի մարզի Ազով քաղաքում իրականացւող հնագիտական պեղումների ժամանակ յայտնաբերւել է 14-րդ դարի ագարակ, որի տարածքում մասնագէտները գտել են տարատեսակ հետաքրքիր իրեր՝ այդ թւում նաեւ հայերէն գրութիւններով գաւաթներ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։