Հա

Մշակոյթ

08/04/2021 - 12:30

«Հայաստանն իրանական մշակոյթի համար ունի թանգարանի նշանակութիւն»․ գիտաժողով ԵՊՀ-ում

Երեւանի պետական համալսարանի արեւելագիտութեան ֆակուլտետում ապրիլի 6-ին տեղի է ունեցել «Նաւասարդից մինչեւ Նովրուզ» խորագրով գիտաժողով։ 

«alikonline.ir» - Երեւանի պետական համալսարանի արեւելագիտութեան ֆակուլտետում ապրիլի 6-ին տեղի է ունեցել «Նաւասարդից մինչեւ Նովրուզ» խորագրով գիտաժողով։ Այս մասին տեղեկանում ենք համալսարանի պաշտօնական կայքից:

Գիտաժողովին ներկայ էին ՀՀ-ում Իրանի Իսլամական Հանրապետութեան արտակարգ եւ լիազօր դեսպան Աբբաս Բադախշան Զոհուրին, ՀՀ-ում Իրանի դեսպանութեան մշակոյթի խորհրդական Սէյէդ Հոսէյն Թաբաթաբային, ԵՊՀ արեւելագիտութեան ֆակուլտետի պրոֆեսոր Գուրգէն Մելիքեանը, ֆակուլտետի դեկան Ռուբէն Մելքոնեանը, Իրանագիտութեան ամբիոնի վարիչ Վարդան Ոսկանեանը, պրոֆեսորադասախօսական կազմի ներկայացուցիչներ, հայ եւ իրանցի մտաւորականներ ու ուսանողներ։

Միջոցառման սկզբում ներկաներին ողջունեց ԵՊՀ իրանագիտութեան ամբիոնի վարիչ Վարդան Ոսկանեանը։ Նա շնորհակալութիւն յայտնեց ներկաներին ու հիւրերին մասնակցութեան համար եւ նշեց, որ միջոցառումը նւիրւած է հայ-իրանական մշակութային սերտ կապերին, որոնք իրենց արտացոլումն են գտնում նաեւ տօնացոյցում, Նաւասարդից մինչեւ Նովրուզ ընկած փոխառնչութիւններում։

«Ըստ էութեան հայերս եւ Հին Հայաստանը պահպանել ենք հին իրանական տօնացոյցի կարեւորագոյն մի տարրը, որն այնտեղ մոռացութեան է մատնւել կամ վերաձեւակերպւել է Նովրուզի տեսքով։ Ըստ այդմ՝ Հայաստանը շատ պարագաներում իրանական մշակոյթի համար ունի թանգարանի նշանակութիւն»,- ասաց Վ. Ոսկանեանը։

 

Գիտաժողովի մասնակիցներին ողջունեց եւ ներկայութեան համար շնորհակալութիւն յայտնեց նաեւ Արեւելագիտութեան ֆակուլտետի դեկան Ռուբէն Մելքոնեանը. «Առաջին հերթին ուզում եմ ողջունել այս ուշագրաւ միջոցառումը, որն Իրանագիտութեան ամբիոնի հերթական գիտական ձեռնարկումն է»։

Նա նշեց, որ չնայած համաճարակային բարդ պայմաններին՝ Իրանագիտութեան ամբիոնը շարունակում է իր գիտական եւ կրթական երթը, ապա շնորհակալութիւն յայտնեց ամբիոնի վարիչին գիտական նշաձողը բարձր պահելու համար։

 

«Իրանագիտութեան ամբիոնը եւ ԵՊՀ-ն ՀՀ-ի ամենակարեւոր ու գիտական բոլոր չափորոշիչներին համապատասխանող արեւելագիտական օջախներն են»,- յաւելեց Ռ․ Մելքոնեանը։

«Նաւասարդից մինչեւ Նովրուզ» խորագրով գիտաժողի մասնակիցներին ողջունեց նաեւ ՀՀ-ում Իրանի Իսլամական Հանրապետութեան դեսպան Աբբաս Զոհուրին։ Նա շնորհաւորեց անցած տօները եւ շնորհակալութիւն յայտնեց նմանօրինակ միջոցառում կազմակերպելու համար։

 

«Տօները լաւ առիթ են միմեանց ողջունելու, շնորհաւորելու եւ մշակութային աւանդոյթներով կիսւելու համար»,- ասաց դեսպանը։

 

Ողջոյնի խօսքերից յետոյ 12 զեկուցողներ հանդէս եկան Նովրուզի եւ Նաւասարդի մասին ելոյթներով՝ ներկայացնելով Նաւասարդը հայկական իրականութեան մէջ ու Նովրուզը՝ որպէս իրանական ինքնութեան բաղադրիչների մի հատւածի կերտող։

Յարակից լուրեր

  • «Անորոշութիւնը Հայաստանի եւ Ադրբեջանի միջեւ մի շարք կարեւոր ուղղութիւններով դեռ կը շարունակւի»․ Տարասով
    «Անորոշութիւնը Հայաստանի եւ Ադրբեջանի միջեւ մի շարք կարեւոր ուղղութիւններով դեռ կը շարունակւի»․ Տարասով

    «ՀՀ-ում կարեւոր պաշտօններում նոր մարդիկ են նշանակւել, նրանք պէտք է յարմարւեն աշխատանքին, ինչպէս նաեւ բոլոր խաղացողները պէտք է վերջնականապէս դիրքաւորւեն անընդհատ փոփոխւող իրավիճակում»,- այս մասին 168․am-ի հետ զրոյցում ասաց ռուս քաղաքական վերլուծաբան Ստանիսլաւ Տարասովը՝ անդրադառնալով հայ-ադրբեջանական սահմանին ստեղծւած իրավիճակին եւ այն լուծելու ուղղութեամբ արւող առաջարկներին։

  • Իրանում քննարկւել է ՀՀ-ում դեղագործութեան ոլորտում ներդրումային ծրագրեր իրականացնելու հարցը
    Իրանում քննարկւել է ՀՀ-ում դեղագործութեան ոլորտում ներդրումային ծրագրեր իրականացնելու հարցը

    Իրանի Իսլամական Հանրապետութեան սոցիալական ապահովութեան ներդրումների ընկերութեան հրաւէրով յուլիսի 27-ից 29-ը Թեհրանում էր գտնւում ՀՀ էկոնոմիկայի փոխնախարար Նարեկ Տէրեանի գլխաւորած պատւիրակութիւնը:

  • Կոնգրեսականների յստակ ուղերձը՝ Բաքւին
    Կոնգրեսականների յստակ ուղերձը՝ Բաքւին

    Փելոունի ուղղման ընդունումը ամերիկեան Կոնգրեսի Ներկայացուցիչների պալատի յստակ ուղերձն է Հայաստանի դէմ ագրեսիա իրականացնող Ադրբեջանին: «Արմէնպրես»-ի հետ զրոյցում այսպիսի կարծիք յայտնեց ՀՅԴ Բիւրոյի անդամ, ՀՅԴ Բիւրոյի Հայ Դատի եւ քաղաքական հարցերի գրասենեակի պատասխանատու Կիրօ Մանոյեանը՝ տեղեկացնելով, որ Հայ Դատի յանձնախումբն այժմ աշխատում է գործընթացն աւարտին հասցնելու եւ Ադրբեջանին յատկացւող ամերիկեան ռազմական օգնութեան ամբողջական արգելափակմանը հասնելու համար: 

  • «Հայաստանի ղեկավարութիւնը նաեւ ՀՀ-ի անվտանգութեան երաշխաւորը լինելուց է հրաժարւում». քաղտեխնոլոգ
    «Հայաստանի ղեկավարութիւնը նաեւ ՀՀ-ի անվտանգութեան երաշխաւորը լինելուց է հրաժարւում». քաղտեխնոլոգ

    Ընդհանուր առմամբ, բանակցութիւններ ասւածը տարբեր խողովակներով ընթանում էին ու ընթանում են, այդ թւում՝ ոչ միայն պաշտպանութեան, այլ գուցէեւ արտաքին գործերի նախարարութիւնների, երկրի ղեկավարների ադմինիստրացիաների խողովակներով: «Փաստ»-ի հետ զրոյցում նման կարծիք յայտնեց քաղտեխնոլոգ Վիգէն Յակոբեանն՝ անդրադառնալով սահմանային լարւածութեան ֆոնին ՀՀ ՊՆ-ի կողմից յայտարարվւծ սպասւելիք բանակցութիւնների մասին, ինչն անակնկալ էր հանրութեան համար: Ըստ քաղտեխնոլոգի, իրականում ոչ մի արտառոց բան չկայ:

  • Սադրիչ յարձակումներ, անըմբռնելի լռութիւն
    Սադրիչ յարձակումներ, անըմբռնելի լռութիւն

    Անհասկնալի եւ անըմբռնելի կացութեան մէջ ենք ի Հայաստան: Հազիւ մէկ շաբթուան ժամանակամիջոցին, Ատրպէյճանի բանակը գրեթէ ամենօրեայ հետեւողականութեամբ եւ օր աւուր սաստկացումով կը կրկնէ սահմանամերձ շրջաններու վրայ յարձակումները: Ասոր դիմաց, եւ մինչ հայրենի բանակը կը փորձէ ամէն գնով դիմադրել եւ կասեցնել թշնամիին յառաջխաղաղքը՝ Սոթքի, Վերին Շորժայի թէ Երասխի մէջ, քաղաքական բեմահարթակին վրայ ազդեցիկ… լռութիւն մը կը պահէ Երեւանը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։