Հա

Մշակոյթ

12/10/2021 - 12:05

«Մենք կը վերադառնանք. փրկւած պատառիկներ». ցուցահանդէս Ստեփանակերտում

«Եւրոպա» հիւրանոցի նախասրահում տեղի է ունեցել «Մենք կը վերադառնանք. փրկւած պատառիկներ» ցուցահանդէսի բացմումը, որտեղ հոկտեմբերի 11-ից մինչեւ նոյեմբերի 11-ի ներկայացւած են լինելու 44-օրեայ պատերազմի ընթացքում Ադրբեջանի կողմից Արցախի բռնազաւթւած տարածքներից փրկւած հոգեւոր եւ մշակութային արժէքներ:

«alikonline.ir» - «Եւրոպա» հիւրանոցի նախասրահում տեղի է ունեցել «Մենք կը վերադառնանք. փրկւած պատառիկներ» ցուցահանդէսի բացմումը, որտեղ հոկտեմբերի 11-ից մինչեւ նոյեմբերի 11-ի ներկայացւած են լինելու 44-օրեայ պատերազմի ընթացքում Ադրբեջանի կողմից Արցախի բռնազաւթւած տարածքներից փրկւած հոգեւոր եւ մշակութային արժէքներ: Տեղեկացնում է «Ապառաժ»-ը:

Ցուցահանդէսը կազմակերպւել է «Մշակութային ժառանգութեան հանրային խորհրդի», «Պատմական միջավայրի պահպանութեան պետական ծառայութիւն» ՊՈԱԿ-ի եւ «Եւրոպա» հիւրանոցի համատեղ ջանքերով:

Ցուցահանդէսին ներկայ էին ԱՀ ԿԳՄՍ նախարար Լուսինէ Ղարախանեանը, Մշակութային ժառանգութեան հանրային խորհրդի նախագահ Սերգէյ Շահվերդեանը, խորհրդի անդամներ՝ Լեռնիկ Յովհաննիսեանը, Յովիկ Աւանէսովը, Շուշիի Սուրբ Ամենափրկիչ Ղազանչեցոց եկեղեցու հոգեւոր հովիւ, Արցախի թեմի հոգեւոր սպասաւոր Տէր Անդրէաս քահանայ Թաւադեանը, մշակոյթի ոլորտի ներկայացուցիչներ, հիւրեր:

«Պատմական միջավայրի պահպանութեան պետական ծառայութիւն» ՊՈԱԿ-ի տնօրէն Արմինէ Հայրապետեանը նշեց, որ փրկւած պատառիկներից իւրաքանչիւրն ունի իր հետաքրքիր ճակատագիրը:

«Ես ուզում եմ հաւատալ, որ մի գեղեցիկ օր, այս պատառիկներից իւրաքանչիւրը կը վերադառնա իր տեղը»,- ասել է նա:

ԱՀ ԿԳՄՍ նախարար Լուսինէ Ղարախանեանը նշեց, որ իւրաքանչիւր ցուցանմուշի մէջ կայ մեծ լռութիւն, որի մէջ սոսկալի աղաղակ կայ ու այդ աղաղակը մեզ աւելի թշւառ է դարձնում:

«Մենք թշւառ չէինք, բայց թշւառ է դարձնում ու այդ էպիզոդիկ թշւառութիւնն իրականում մեզ դարձնում է վրէժխնդիր, լցնում ատելութեամբ, մղում խիզախման եւ չնայած այս հակասական զգացողութիւններին՝ պարուրում յետ վերադառնալու զգացումով»,- ասել է նա:

Մշակութային ժառանգութեան հանրային խորհրդի նախագահ Սերգէյ Շահվերդեանն ասաց, որ իրենց նախաձեռնութեանը միանգամից արձագանգեցին պետական մարմիններն ու բազմաթիւ անհատ անձինք:

«Ցուցահանդէսի նախապատրաստական աշխատանքների ժամանակ մենք հասկացանք, որ փրկւած պատառիկները միայն մեր ձեռքի տակ եղածը չէին, որովհետեւ բազմաթիւ մարդիկ սիրով տրամադրեցին իրենց կողմից փրկւած նմուշները»,- նշել է նա:

Սերգէյ Շահվերդեանը յոյս յայտնեց, որ դեռեւս կը գտնւեն այլ «փրկւած պատառիկներ», որոնք տեղ կը գտնեն ներկայացւած ցուցանմուշների կողքին:

 

Վահագն Խաչատրեան

 

Յարակից լուրեր

  • «Հայկական տարազների ցուցահանդէս» «Սաադ Աբադ» թանգարանային համալիրում
    «Հայկական տարազների ցուցահանդէս» «Սաադ Աբադ» թանգարանային համալիրում

    Թեհրանի «Սաադ Աբադ» թանգարանային համալիրի տարազների բաժնում մեկնարկել է հայկական աւելի քան 25 պատմական տարազների ցուցահանդէսը, որոնք ներկայացնում են թէ՛ պատմական Հայաստանի կանանց, եւ թէ՛ իրանահայ կանանց ժամանակի տարազները: Մայիսի 19-ի առաւօտեան բացումը կատարւեց ցուցահանդէսի, որը նախաձեռնութիւնն է «Արտակ Մանուկեան» ազգ. թանգարանի եւ «Թագաւորական զգեստների թանգարանի»: 

  • Շուշին Վլադիմիր Գէորգեանի լուսանկարներում
    Շուշին Վլադիմիր Գէորգեանի լուսանկարներում

    Շուշեցի, մասնագիտութեամբ ռեժիսոր Վլադիմիր Գէորգեանի համար լուսանկարելը հոբբի է: Ապրելով Շուշիում՝ նա լուսանկարչական ապարատով անմահացնում էր հայկական բերդաքաղաքի առօրեան՝ իր բնակիչներով, պատմական ու ժամանակակից կառոյցներով: Մայիսի 18-ին Ստեփանակերտի «Փօլ Էլիւարի տուն» ֆրանկոֆոնիայի կենտրոնում բացւած «Իմ Շուշի» լուսանկարների անհատական ցուցահանդէսում ներկայացւած են եղել տարբեր ժամանակներում Շուշիում արած նրա լուսանկարները:

  • Հադրութի բռնազաւթւած յուշարձաններին նւիրւած ցուցադրութիւն Ստեփանակերտում
    Հադրութի բռնազաւթւած յուշարձաններին նւիրւած ցուցադրութիւն Ստեփանակերտում

    Մայիսի 18-ը նշւում է որպէս թանգարանների միջազգային օր, որի առթիւ Արցախում գործող թանգարաններում կազմակերպւել են տարատեսակ ցուցադրութիւններ: Հերթականը Ստեփանակերտի մշակոյթի եւ երիտասարդութեան պալատում «Հադրութ. Բռնազաւթւած յուշարձաններ» խորագիրը կրող ցուցադրութիւնն էր, որտեղ լուսանկարներով ցուցադրւել են Հադրութի տարածքում գտնւող յուշարձանները:

  • Լռեցւած ձայնը շարունակելու է հնչել. Երեւանում կը բացւի «Հրանտ Դինք․ հոս եւ հիմա» խորագրով ցուցահանդէսը
    Լռեցւած ձայնը շարունակելու է հնչել. Երեւանում կը բացւի «Հրանտ Դինք․ հոս եւ հիմա» խորագրով ցուցահանդէսը

    «Հրանտ Դինք» հիմնարկի «Հայաստան-Թուրքիա» ծրագրի համակարգող Թալին Սիւզմէն «Արմէնպրես»-ի հետ զրոյցում նշեց, որ ցուցահանդէսը Ստամբուլում «Ակօս» թերթի նախկին խմբագրատան՝ նրա սպանութեան վայրում հիմնւած Հրանտ Դինքի «23,5» յուշավայրի քաղւածքն է եւ շարունակութիւնը։ Յուշավայրը, որն իր դռները բացեց այցելուների առաջ 2019 թւականի ապրիլի 23-24-ին, իր անւանումը ստացել է Հրանտ Դինքի հեղինակած «Ապրիլի 23 ու կէս» յօդւածից՝ հրատարակւած 1996 թւականի ապրիլի 23-ին «Ակօս» թերթում։

  • Իր աշխատանքն ամփոփեց Հայոց Ցեղասպանութեան մասին պատմող թուրք լուսանկարչի ցուցահանդէսը
    Իր աշխատանքն ամփոփեց Հայոց Ցեղասպանութեան մասին պատմող թուրք լուսանկարչի ցուցահանդէսը

    Ուրբաթ, ապրիլի 29-ի երեկոյեան, Հ.Մ.Ա.Կ.-ի «Խաժակ Արզումանեան» ցուցասրահում 10 օր ցուցադրութիւնից յետոյ իր աշխատանքն ամփոփեց՝ հայերը՝ Ցեղասպանութիւնից յետոյ թեման ներկայացնող «ԿԱՅԱՆ» ցուցահանդէսը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։