Հա

Մշակոյթ

27/10/2021 - 12:05

Երեւանում կանցկացւի գիտաժողով՝ նւիրւած ֆրանսահայ կինոռեժիսոր Անրի Վեռնոյի 100-ամեակին

Երեւանում՝ հոկտեմբերի 29-31-ը, տեղի կունենայ «Ազգային կինօն՝ համամարդկային ժառանգութիւն. վերանայում, պահպանութիւն, հանրայնացում» թեմայով եռօրեայ գիտաժողովը՝ նւիրւած ֆրանսահայ կինոռեժիսոր Անրի Վեռնոյի 100-ամեակին։ Ֆրանսահայ ականաւոր կինոռեժիսոր եւ սցենարիստ Անրի Վեռնոյ-Աշոտ Մալաքեանի յիշարժան յոբելեանը ներառւած է ԻՒՆԵՍԿՕ-ի նշանաւոր անձանց կարեւոր իրադարձութիւնների օրացոյցում: 

«alikonline.ir» - Երեւանում՝ հոկտեմբերի 29-31-ը, տեղի կունենայ «Ազգային կինօն՝ համամարդկային ժառանգութիւն. վերանայում, պահպանութիւն, հանրայնացում» թեմայով եռօրեայ գիտաժողովը՝ նւիրւած ֆրանսահայ կինոռեժիսոր Անրի Վեռնոյի 100-ամեակին։ Ֆրանսահայ ականաւոր կինոռեժիսոր եւ սցենարիստ Անրի Վեռնոյ-Աշոտ Մալաքեանի յիշարժան յոբելեանը ներառւած է ԻՒՆԵՍԿՕ-ի նշանաւոր անձանց կարեւոր իրադարձութիւնների օրացոյցում: Այս մասին տեղեկանում ենք Kinoashkharh.am կայքից։

Անրի Վեռնոյը հայկական սփիւռքի տիպիկ ներկայացուցիչ է: Նրա ստեղծագործական ուղին ծաւալւել է Ֆրանսիայում։ Նրա շուրջ 40 լիամետրաժ ժապաւէնները քրէական ժանրի նմուշներ են՝ արկածային, ոստիկանական, գանգստերական թրիլերներ։ Վեռնոյը հայկական թեմատիկային դիմել է իր ռեժիսորական կարիերայի մայրամուտին՝ ստեղծելով իր հանրայայտ ինքնակենսագրական մելոդրաման՝ «Մայրիկը» 1991-ին, որը դարձաւ նաեւ սփիւռքահայ կինօ-պատկերագրութեան նշանաւոր գործերից մէկը։ Վեռնոյի ստեղծագործական ուղին նման է այլ սփիւռքահայ կինոգործիչների անցած ճանապարհին, որոնք օտարութեան մէջ կենդանի են պահել հայկական մշակոյթը։

Օգտագործելով Անրի Վեռնոյի ժառանգութիւնը եւ խորհրդային շրջանի ազգային կինոյետագիծը որպէս ելակէտներ, գիտաժողովը նպատակ ունի անդրադառնալու այս երկակի երեւոյթներին՝ որպէս ազգային կինոյի դրսեւորումներ, որոնք այսօր արդիական մօտեցման ու մեկնաբանութեան կարիք ունեն՝ համաշխարհային կինոպատմութեան համտեքստում։

Այս գիտաժողովը, փորձելու է երկխօսութիւն սկսել ազգային կինեմատոգրաֆի առանցքային հարցերի շուրջ՝ ներգրաւելով խորհրդային, սոցիալիստական եւ սփիւռքի կինոժառանգութեան հետ առնչւող շուրջ քսան կինոգետների, կինոքննադատների, հետազօտողների եւ կինոարդիւնաբերութեան մասնագէտների Հայաստանից եւ արտերկրից։

Որպէս ամփոփում՝ գիտաժողովի օրերին ընթերցւած եւ ներկայացւած բոլոր զեկոյցները, Հայաստանի ազգային կինոկենտրոնը կը հրատարակի առանձին գրքով։

Գիտաժողովի ծրագիրը եւ ժամանակացոյցը՝ այստեղ։ 

Գիտաժողովի մասին նիւթն ամբողջութեամբ՝ սկզբնաղբիւր կայքում։ 

 

Յարակից լուրեր

  • ՀՀ Գիտութիւնների ազգային ակադեմիայում արցախեան բարբառին նւիրւած գիտաժողով կը կազմակերպւի
    ՀՀ Գիտութիւնների ազգային ակադեմիայում արցախեան բարբառին նւիրւած գիտաժողով կը կազմակերպւի

    ՀՀ ԳԱԱ Հ. Աճառեանի անւան լեզւի ինստիտուտը սկսում է «Բարբառագիտական ընթերցումներ» խորագրով գիտաժողովների շարք՝ նպատակ ունենալով առանձին-առանձին անդրադառնալու հայերէնի 11 բարբառախմբերից իւրաքանչիւրին․ շարքի առաջին գիտաժողովը «Ղարաբաղ-Շամախիի կամ ծայրհիւսիսարեւելեան միջբարբառախումբ. արդի վիճակ, միտումներ եւ մարտահրաւէրներ» խորագրով է։ Այս մասին «Արցախպրես»-ը տեղեկանում է Արցախի պետական համալսարանից։

  • «Մշակոյթը ինքնապաշտպանութեան հիմնական զէնքն է»․ Մկրտիչ Մկրտիչեան
    «Մշակոյթը ինքնապաշտպանութեան հիմնական զէնքն է»․ Մկրտիչ Մկրտիչեան

    ՀՅԴ Բիւրոյի անդամ, Համազգային հայ կրթական եւ մշակութային միութեան ԿՎ ատենապետ Մկրտիչ Մկրտիչդանի խօսքը ՀՀ ԳԱԱ պատմութեան ինստիտուտում տեղի ունեցած «Կրթամշակութային կեանքն Արցախում» խորագրով գիտաժողովում.

  • Տեղի ունեցաւ «Կրթամշակութային կեանքն Արցախում» խորագրով գիտաժողովը
    Տեղի ունեցաւ «Կրթամշակութային կեանքն Արցախում» խորագրով գիտաժողովը

    Երէկ, մարտի 29-ին Համազգային Հայ կրթական եւ մշակութային միութեան, ՀՀ ԳԱԱ պատմութեան ինստիտուտի եւ Արցախի պետական համալսարանի նախաձեռնութեամբ ՀՀ ԳԱԱ պատմութեան ինստիտուտում մեկնարկեց «Կրթամշակութային կեանքն Արցախում» խորագրով գիտաժողովը: Այն ի սկզբանէ նախատեսւած էր կազմակերպել Արցախում, սակայն ադրբեջանական հերթական ագրեսիայով պայմանաւորւած լարւածութեան խորացման պատճառով անցկացւել է Երեւանում:

  • Նեզամի Գանջաւիին նւիրւած գիտաժողով Երեւանի պետական համալսարանում
    Նեզամի Գանջաւիին նւիրւած գիտաժողով Երեւանի պետական համալսարանում

    ԵՊՀ արեւելագիտութեան ֆակուլտետի իրանագիտութեան ամբիոնում երէկ տեղի է ունեցել «Նեզամի Գանջաւին եւ պարսկախօսութիւնն Առանում ու Շիւանում» խորագրով գիտաժողով, որի յատուկ հիւրն էր ՀՀ-ում ԻԻՀ դեսպանութեան մշակոյթի կենտրոնի խորհրդական Սէյէդ Հոսէյն Թաբաթաբային:

  • «Պահն է նոր թափ ստանան հայ-իրանական տնտեսական, անվտանգային, քաղաքական յարաբերութիւնները». Իսլ. խորհրդարանի պատգամաւոր
    «Պահն է նոր թափ ստանան հայ-իրանական տնտեսական, անվտանգային, քաղաքական յարաբերութիւնները». Իսլ. խորհրդարանի պատգամաւոր

    «Հայ-իրանական յարաբերութիւնների 30-ամեայ յաջողութիւնների մասին շատ է խօսւում, բայց արդէն պահն է բարիդրացիական մակարդակին ամրագրել ոչ միայն մշակութագիտական, այլ աւելի յստակ՝ տնտեսական եւ տնտեսաանվտանգային մեխանիզմները»,- ՀՀ ԳԱԱ-ում ընթացող «Հայաստան-Իրան. պատմական անցեալը եւ ներկան» խորագրով միջազգային գիտաժողովին ասաց Իրանի Իրանի Իսլամական Հանրապետութեան խորհրդարանի պատգամաւոր Ռոբերտ Բեգլարեանը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։