Հա

Մշակոյթ

10/01/2022 - 10:10

Ուիլ Սմիթը՝ լաւագոյն դերասան, Նիկոլ Քիդմանը՝ լաւագոյն դերասանուհի. յայտնի են դարձել «Ոսկէ գլոբուս»-ի մրցանակակիրները

Յայտարարւել են «Ոսկէ գլոբուս» 79-րդ մրցանակաբաշխութեան դափնեկիրները: Այս տարի յաղթողներին յայտարարում են առանց արարողութեան. ցուցակները հրապարակւում են սոցցանցերում:

«alikonline.ir» - Յայտարարւել են «Ոսկէ գլոբուս» 79-րդ մրցանակաբաշխութեան դափնեկիրները: Այս տարի յաղթողներին յայտարարում են առանց արարողութեան. ցուցակները հրապարակւում են սոցցանցերում:

Ինչպէս փոխանցում է «Կոմերսանտ»-ը, «Շան իշխանութիւն» ֆիլմը մրցանակի է արժանացել որպէս լաւագոյն դրամատիկ ֆիլմ, իսկ կինոնկարի ռեժիսոր Ջէյն Քեմփիոնը «Ոսկէ գլոբուս» է ստացել որպէս լաւագոյն ռեժիսոր:

«Վեսթսայդեան պատմութիւն» ժապաւէնն արժանացել է մրցանակի՝ լաւագոյն ֆիլմ-կատակերգութիւն կամ միւզիքլ անւանակարգում:

Դերասան Ուիլ Սմիթը մրցանակի է արժանացել լաւագոյն դրամատիկ դերի համար «Ռիչարդ արքա» ֆիլմում:

Նիկոլ Քիդմանը յայտարարւել է լաւագոյն դերասանուհի «Ռիկարդոյի դերում» ֆիլմում իր դերակատարութեան համար:

Լաւագոյն անիմացիոն ֆիլմ է ճանաչւել «Էնկանտօ» մուլտֆիլմը:

Լաւագոյն հեռուստադրամա է դարձել «Ժառանգները» սերիալը:

«Ոսկէ գլոբուս»-ը շնորհւում է Արտասահմանեան մամուլի հոլիվուդեան ասոցիացիայի կողմից 1944 թւականից ի վեր: Յաղթողներին ընտրում են Հոլիվուդում ապրող 90 միջազգային լրագրողի քւէարկութեան միջոցով:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։