Հա

Մշակոյթ

13/02/2022 - 14:20

Մեկնարկւել է «Ֆաջր» 37-րդ երաժշտական փառատօնը. Ռեբեկա Աշուղեանի «Յիշողութեան պոէմը» կը հնչի «Ռուդաքի»-ի բեմից

Ռեբեկա Աշուղեանի ղեկավարութեամբ՝ «Հայեացք անկիւնից» համոյթի դաշնամուրային ռեսիտալը «Ֆաջր» երաժշտական 37-րդ փառատօնի շրջանակներում «Ռուդաքի» համերգասրահի բեմից ելոյթ է ունենալու երկուշաբթի, փետրւարի 14-ին:

«ԱԼԻՔ» - Ռեբեկա Աշուղեանի ղեկավարութեամբ՝ «Հայեացք անկիւնից» համոյթի դաշնամուրային ռեսիտալը «Ֆաջր» երաժշտական 37-րդ փառատօնի շրջանակներում «Ռուդաքի» համերգասրահի բեմից ելոյթ է ունենալու երկուշաբթի, փետրւարի 14-ին:

 Ռեբեկա Աշուղեանը «ԱԼԻՔ»-ին յայտնելով այս մասին յաւելեց, որ սպասւող իրադարձութիւնը «Յիշողութեան պոէմ» անունը կրող նախագծի 17-րդ համերգն է, որն իրականացւելու է երաժիշտներ՝ Հելիա Սարայդարեանի, Սադրա Մահշիդֆարի, Մորւարիդ Աղափուրի, Մահիա Մահրումիի, Եասմինէ Հոսէյնզադէի, Մոհամմադ Ջաւադ Բահրամիի կատարումներով: Համերգին հնչելու է Բեթհովէնի, Շոպէնի, Ռախմանինովի, Շոստակովիչի, Ազադ Հաքիմ-Ռաբաթի, Ալի Ռադմանի, Նեգին Զոմորդիի, Մոհամմադ-Ռեզա Թաֆազոլիի եւ Քարէն Քէյհանի ստեղծագործութիւնները։

Ռեբեկա Աշուղեանը պատասխանելով «Հայեացք անկիւնից» մասին թերթիս հարցին, յաւելեց, որ խումբն ստեղծւել է շրջանաւարտ եւ տաղանդաշատ երաժիշտներին դէպի մեծ բեմ ուղեկցելու եւ աջակցելու համար: «Այստեղ կատարելագործւում է ուսանողի արւեստի իմացութիւնն ու ոճը՝ անհատական կատարումների պատրաստ լինելու եւ առհասարակ միջազգային ասպարէզներում ելոյթ ունենալու համար»:

Յատկանշական է, որ Ռեբեկա Աշուղեանը 2016 թւականին ստանձնել է Արւեստի ինստիտուտի Երաժշտութեան ֆակուլտետի Համաշխարհային Երաժշտութեան բաժանմունքի դեկանի պարտաւորութիւնները։

«Ֆաջր» 37-րդ երաժշտական ​​փառատօնի մեկնարկը տրւել է փետրւարի 11-ին՝ հինգ օր տեւողութեամբ:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։