Հա

Մշակոյթ

03/03/2022 - 12:40

«Արարատ»-ի «Խաժակ Արզումանեան» ցուցասրահում նոր ցուցադրութիւն կը բացւի. կը ներկայացւեն Լ. Թաշճեանի, Օ. Նազարեանի եւ Մ. Զովէլեանի ստեղծագործութիւնները

Հայրենիք, բնութիւն եւ անսահմանութիւն, հայրենասիրութեան վառ, ընդգծւած դրսեւորումներ, կեանքի ու բնութեան փիլիսոփայական մտորումներ ու ընկալում… ահա, այն զգացողութիւններն, որ կարող են արթնացնել իւրաքանչիւրի մօտ գեղանկարչ Լէոնի (Լալիկ) Թաշճեանի կտաւները, որոնց զգալի մասը հասարակութեանը ներկայացւելու են առաջին անգամ այսօր՝ մարտի 3-ին, Հ. Մ. «Արարատ» Կ.-ի «Խաժակ Արզումանեան» ցուցասրահում՝ Հ. Մ. «Արարատ» կազմակերպութեան Արւեստից միութեան եւ «Արտակ Մանուկեան» թանգարանի համագործակցութեամբ։

Հայրենիք, բնութիւն եւ անսահմանութիւն, հայրենասիրութեան վառ, ընդգծւած դրսեւորումներ, կեանքի ու բնութեան փիլիսոփայական մտորումներ ու ընկալում… ահա, այն զգացողութիւններն, որ կարող են արթնացնել իւրաքանչիւրի մօտ գեղանկարչ Լէոնի (Լալիկ) Թաշճեանի կտաւները, որոնց զգալի մասը հասարակութեանը ներկայացւելու են առաջին անգամ այսօր՝ մարտի 3-ին, Հ. Մ. «Արարատ» Կ.-ի «Խաժակ Արզումանեան» ցուցասրահում՝ Հ. Մ. «Արարատ» կազմակերպութեան Արւեստից միութեան եւ «Արտակ Մանուկեան» թանգարանի համագործակցութեամբ։

Լէոնի Թաշճեանի կտաւներից բացի, ցուցադրութեան ընթացքում արւեստասէր հասարակութեան դատին է ներկայացւելու, նաեւ արւեստագէտներ Օֆիկ Նազարեանի եւ Մարօ Զովէլեանի ձեռքի աշխատանքները, եւ նրանց աւելի վաղ տարիներին արւած որոշ ստեղծագործութիւններ:

Լէոնի Թաշճեանի կտաւները ընդգծում են պատկերւածների անհատականութիւնը, նրանց հասարակական դիրքը. դրանցում արտայայտւել է նկարչի իւրովի գեղանկարչական ձիրքը, դրանք աչքի են ընկնում նաեւ բնութեան նկատմամբ՝ սիրով ու տրամադրութեամբ, կատարւած են պայծառ, վառ գոյներով։

Ինչ վերաբերում է արւեստագէտներ Օֆիկ Նազարեանի եւ Մարօ Զովէլեանի ձեռքի աշխատանքներին, ապա դրանք առանձնանում են դետալների մանրակրկիտ ու նրբագեղ մշակումով։

«Համատեղ ցուցադրութեան նպատակն է արւեստի միջոցով լաւատեսութիւն ներշնչել ապագայի նկատմամբ՝ ցուցադրելով, արժեւորել հայութեան ստեղծած մնայուն արժէքներն՝ Իրանում»,- այս մասին alikonline-ի հետ զրոյցում յայտնեց Հ. Մ. «Արարատ» Կ.-ի Արւեստից միութեան նախագահ Քրիստինէ Արզումանեանն՝ անդրադառնալով ցուցահանդէսի կազմակերպման նպատակներին:

Ցուցահանդէսի ընթացքում ներկայացւած ստեղծագործութիւնները ներկայացնում են ոչ միայն գեղարւեստական արժէք, այլեւ իրանահայութեան համար պատմական արժէք, ընդորում՝ Իրանում ապրող հայ արւեստագէտների հոգեբանական ընկալումները, յուզական վարիվերումներն, որոնց շնորհիւ նոր սերունդը կարող է պատկերացում ստանալ արւեստագէտների ներաշխարհի մասին:

Նշենք, որ ցուցադրութիւնը շարունակւելու է մինչեւ վաղը՝ մարտի 4-ը։

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։