«Աւրորայի լուսաբացը» ֆիլմի ամերիկեան պրեմիերան կը կայանայ Լոս Անջելէսի կինոփառատօնի մրցութային ծրագրում

Մշակոյթ

10/10/2022 - 13:10

«Աւրորայի լուսաբացը» ֆիլմի ամերիկեան պրեմիերան կը կայանայ Լոս Անջելէսի կինոփառատօնի մրցութային ծրագրում

Հայաստանից ամերիկեան կինոակադեմիայի «Оսկար» 95-րդ մրցանակաբաշխութեանը ներկայացւող վաւերագրական անիմացիոն «Աւրորայի լուսաբացը» ֆիլմի ամերիկեան պրեմիերան կը կայանայ Լոս Անջելէսի «Animation Is Film» կինոփառատօնի մրցութային ծրագրում։

«alikonline.ir» - Հայաստանից ամերիկեան կինոակադեմիայի «Оսկար» 95-րդ մրցանակաբաշխութեանը ներկայացւող վաւերագրական անիմացիոն «Աւրորայի լուսաբացը» ֆիլմի ամերիկեան պրեմիերան կը կայանայ Լոս Անջելէսի «Animation Is Film» կինոփառատօնի մրցութային ծրագրում։

Ըստ Panorama.am-ի՝ ԿԳՄՍ նախարարութեան հաղորդմամբ, ցուցադրութիւնը տեղի կունենայ հոկտեմբերի 23-ին՝ ժամը 18:30-ին, Հոլիվուդի պատմական TCL չինական թատրոնում, որին կը յաջորդի հարց ու պատասխան ռեժիսոր Իննա Սահակեանի հետ:

Ֆիլմը ներկայացնում է Աւրորա Մարդիգանեանի՝ Հայոց Ցեղասպանութիւնը վերապրելուց մինչեւ հոլիվուդեան աստղ դառնալու ոդիսականը։ Հոլիվուդեան համր ֆիլմում վերամարմնաւորելով ինքն իրեն՝ դեռատի աղջիկը կրկին վերապրում է Ցեղասպանութեան սարսափները՝ նպատակ ունենալով աշխարհին պատմել Մեծ Եղեռնի մասին։ Ֆիլմը ստեղծւել է «Զօրեան» ինստիտուտի գիտական աջակցութեամբ եւ ինստիտուտի՝ Հայոց Ցեղասպանութեան բանաւոր պատմութեան արխիւի հիման վրայ։
Ֆիլմը հայ-գերմանա-լիտւական համատեղ արտադրութեան կինոնախագիծ է (արտադրող ընկերութիւններ՝ «Բարս մեդիա», «Gebrueder Beetz Filmproduktion», «Artbox Laisvalaikio Klubas»): Ռեժիսոր եւ սցենարիստ՝ Իննա Սահակեան, պրոդիւսերներ՝ Վարդան Յովհաննիսեան, Քրիստիան Բից, Իւստէ Միխայլինայտէ։

Յիշեցնենք՝ ՀՀ ԿԳՄՍ նախարարութեան Հայաստանի ազգային կինոկենտրոնի կողմից ֆիլմը ստացել է մասնակի պետական ֆինանսական աջակցութիւն:

Յարակից լուրեր

«Աւրորայի լուսաբացը» անիմացիոն ֆիլմն արժանացել է MiradasDoc գլխաւոր մրցանակի

Հայաստանի կողմից «Օսկար»-ին ներկայացւած «Աւրորայի լուսաբացը» անիմացիոն ֆիլմն արժանացել է ժիւրիի բարձրագոյն մրցանակին՝ Իսպանիայի վաւերագրական ֆիլմերի գլխաւոր փառատօնում՝ MiradasDoc-ում, լաւագոյն վաւերագրական ֆիլմի համար։
Արգելափակւեց մուտքը դէպի Ադրբեջանական հիւպատոսութիւն եւ երթեւեկութիւն կանգ առաւ Ուիլշըր պողոտայում

Ի պատասխան Բերձորի միջանցքի անմարդկային շրջափակման, ամերիկահայ համայնքի հարիւրաւոր անդամներ եւ նրանց համախոհները Լոս Անջելէսում ԱՄՆ Դաշնային շէնքից երթով շարժւեցին դէպի Ադրբեջանի հիւպատոսութիւն եւ արգելափակեցին Ուիլշըր պողոտան։ Ժամանելով Ադրբեջանի հիւպատոսութիւն՝ ամբոխը շարունակել է ամբողջութեամբ փակել Սեփուլուեդայի մօտ գտնւող Ուիլշըր փողոտան՝ խորհրդանշական կերպով արգելափակելով մուտքը դէպի ադրբեջանական հիւպատոսութիւն, ճիշտ այնպէս, ինչպէս Ադրբեջանը շուրջ 50 օր շրջափակում է Արցախն արտաքին աշխարհին կապող միակ ճանապարհը։
Շերը ներկայ է գտնւել Հայաստանի կողմից «Օսկարի»-ն ներկայացւած «Արշալոյսի լուսաբացը» ֆիլմի յատուկ ցուցադրութեանը

«Օսկար»-ի, «Գրեմմի»-ի, «Ոսկէ գլոբուս»-ի մրցանակակիր, ամերիկահայ փոփ-երգչուհի, դերասանուհի, ռեժիսոր եւ երաժշտական պրոդիւսեր Շերը (Շերլին Սարգսեան) դեկտեմբերի 7-ին Լոս Անջելէսի IPic Westwood թատրոնում ներկայ է գտնւել անիմացիոն-վաւերագրական՝ «Աւրորայի լուսաբացը» ֆիլմի յատուկ ցուցադրութեանը: Ըստ 168.am-ի՝ ինչպէս տեղեկացնում է Հայաստանի ազգային կինոկենտրոնի տարածած հաղորդագրութիւնը, համաշխարհային աստղը յաջողութիւն է մաղթել ֆիլմի ընթացքին:
«Աւրորայի լուսաբացը»՝ լաւագոյն անիմացիոն ֆիլմ

Օրեր առաջ «Աւրորայի լուսաբացը» ֆիլմն արժանացաւ «Լաւագոյն անիմացիոն ֆիլմ» մրցանակին Asia Pacific Screen Awards-ում («Ասիա-խաղաղովկիանոսեան էկրանաւորման» մրցանակաբաշխութիւն):
«Արշալոյսի լուսաբացը» վաւերագրական-անիմացիոն ֆիլմը Երեւանում կը բարձրանայ կինոէկրան

ՀՀ Կրթութեան, գիտութեան, մշակույթի եւ սպորտի նախարարութեան եւ Հայաստանի ազգային կինոկենտրոնի աջակցութեամբ նկարահանւած «Արշալոյսի լուսաբացը» վաւերագրական-անիմացիոն ֆիլմը Հայաստանի, Գերմանիայի եւ Լիտւայի համատեղ արտադրութիւն է (արտադրող ընկերութիւններ՝ «Բարս մեդիա», «Gebrueder Beetz Filmproduktion», «Artbox Laisvalaikio Klubas»): Ռեժիսորը եւ սցենարի հեղինակը Իննա Սահակեանն է, պրոդիւսերներ` Վարդան Յովհաննիսեան, Քրիստիան Բից, Իւստէ Միխայլինայտէ: