Ռեժիսոր Միքայէլ Ա. Գուրջեանի «Ամերիկացի» ֆիլմը Woodstock կինոփառատօնում ճանաչւել է յաղթող «Lաւագոյն գեղարւեստական ֆիլմ» անւանակարգում։ Միաժամանակ ֆիլմի օպերատոր Ղասեմ Էբրահիմեանը նոյն կինոփառատօնում ստացել է «Lաւագոյն օպերատորական աշխատանք» անւանակարգը։
«alikonline.ir» - Ռեժիսոր Միքայէլ Ա. Գուրջեանի «Ամերիկացի» ֆիլմը Woodstock կինոփառատօնում ճանաչւել է յաղթող «Lաւագոյն գեղարւեստական ֆիլմ» անւանակարգում։ Միաժամանակ ֆիլմի օպերատոր Ղասեմ Էբրահիմեանը նոյն կինոփառատօնում ստացել է «Lաւագոյն օպերատորական աշխատանք» անւանակարգը։ Այս մասին ըստ Panorama.am-ի՝ յայտնում են Հայաստանի Ազգային կինոկենտրոնից։
Օրեր առաջ Համբուրգի կինոփառատօնում, որտեղ ներկայացւած էին 100-ից աւելի ֆիլմեր, «Ամերիկացի» ֆիլմը ստացել է «Հանդիսատեսի համակրանք» մրցանակը։
Ֆիլմը պատմում է Ցեղասպանութիւնից հրաշքով ողջ մնացած եւ Միացեալ Նահանգներ գաղթած հայ երիտասարդի՝ Չարլիի մասին, ում ընտանիքը, ցաւօք, այդ ոճրագործութեան զոհ էր դարձել: Պատմութիւնը սկսւում է 1947թ., երբ Չարլին վերադառնում է Հայաստան եւ բախւում խորհրդային կոմունիզմ կոչւող դաժան իրականութեանը:
Ռեժիսոր եւ սցենարիստ՝ Միքայէլ Ա. Գուրջեան, օպերատոր՝ Ղասեմ Էբրահիմեան, դերասաններ՝ Յովիկ Քէուչկերեան, Միխայիլ Տրուխին, Նելլի Ուվարովա, Ժան-Պիէր Նշանեան, պրոդիւսերներ՝ Արման Նշանեան, Սոլ Տրիոն, Պատրիկ Մալխասեան, Անի Որսկանեան, արտադրող ընկերութիւն՝ People Of Ar Productions:
Ֆիլմը ստացել է պետական ֆինանսական մասնակի աջակցություն ՀՀ ԿԳՄՍՆ ենթակայութեամբ գործող «Հայաստանի ազգային կինոկենտրոն»-ի կողմից:
