Հա

Մշակոյթ

05/12/2022 - 11:40

Արւեստի աշխարհի հարիւր ամենաազդեցիկ մարդկանց ցուցակում նաեւ Լարի Գագոսեանն է

ArtReview-ն հրապարակել է արւեստի աշխարհի 100 ամենաազդեցիկ մարդկանց ամենամեայ ցուցակը՝ ArtReview Power 100: 

«alikonline.ir» - ArtReview-ն հրապարակել է արւեստի աշխարհի 100 ամենաազդեցիկ մարդկանց ամենամեայ ցուցակը՝ ArtReview Power 100: Այս մասին գրում է Panorama.am-ը:

Artguide.com-ի հաղորդմամբ, խմբագրութիւնը նշում է, որ երկու տարւայ կորոնավիրուսից, գլոբալ կարանտինից, ճանապարհորդութիւնների սահմանափակումներից, յետաձգւած կամ չեղարկւած ցուցահանդէսներից, տօնավաճառներից եւ բիենալէներից յետոյ, «իրական կեանքը» յաղթականօրէն վերադարձել է 2022 թւականին։

Նոր ցանկն արտացոլում է արւեստը գնահատելու տարբեր ձեւեր, տարբեր պատկերացումներ դրա նպատակի եւ այն մասին, թէ ինչ կարող է կամ պէտք է անի արւեստը:

Ցուցակում առաջին անգամ առաջատարը ոչ թէ «Գլոբալ հիւսիսի» ներկայացուցիչն է կամ որեւէ անվիճելի գործիչ, այլ ինդոնեզական արւեստի կոլեկտիւ ruangrupa-ն՝ documenta-ի համադրողներ։

Երկրորդ տեղը զբաղեցրել է Վենետիկի 59-րդ բիենալէի համադրող Չեչիլիա Ալեմանին։ 2021 թւականին ցուցակի առաջին տեղը զբաղեցրած NFT-ը չի յայտնւել նոր «ամենաազդեցիկ» ցուցակում՝ կրիպտոարժոյթների փլուզումից յետոյ:

ArtReview Power 100-ի լաւագույն հնգեակը 2022 թւականին ունի հետեւեալ տեսքը.

1. Ruangrupa-ն գեղարւեստական կոլեկտիւ է Ջակարտայից, documenta 15-ի գեղարւեստական ղեկավար

2. Չեչիլիա Ալեմանի - Վենետիկի 59-րդ բիենալէի գեղարւեստական ղեկավա

3. Unions - նկարիչների եւ թանգարանների աշխատողների արհմիութիւն

4. Հիտօ Շտայերլ - նկարիչ, քաղաքական յայտարարութիւնների եւ ֆորմալ փորձերի հեղինակ

5. Ֆրեդ Մոտէն - ամերիկացի բանաստեղծ, քննադատ եւ արւեստի տեսաբան է։

Ցուցակի 20-րդ հորիզոնականում է ամերիկահայ արտ-դիլեր եւ գալերիստ Լարի Գագոսեանը։ Նրան պատկանող Գագոսեան պատկերասրահների ցանցը ժամանակակից արւեստի պատկերասրահների շարքում ամենամեծն է։ Լ. Գագոսեանը համարւում է աշխարհի «N 1 արտ դիլերը»։

ArtReview Power 100-ի ամբողջական ցանկը կարելի է գտնել ArtReview կայքում:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։