«Թեհրանում Ադրբեջանի Հանրապետութեան դեսպանատան այսօրւայ (յունւարի 27-ի, Խմբ.) գործողութիւնը ահաբեկչական չի եղել, եւ յարձակւողի շարժառիթը զուտ անձնական է։ Այս մասին լրագրողների հետ զրոյցում նշել է, մեր երկրի արտաքին գործերի նախարար Հոսէյն Ամիր Աբդօլլահեանն, Իրանում Ադրբեջանի դեսպանատան միջադէպի հետեւանքով տուժածներին այցից յետոյ:

ԱՄՆ Կոնգրեսի հայկական խմբի համանախագահներ Ֆրենք Փալոնը, Գուս Բիլիրակիսը, Ադամ Շիֆը, Դաւիթ Վալադաոն եւ ԱՄՆ Ներկայացուցիչների պալատի արտաքին յարաբերութիւնների յանձնաժողովի աւագ անդամ Բրեդ Շերմանը շրջանառութեան մէջ են դրել երկկուսակցական բանաձեւի նախագիծ՝ նպատակ ունենալով վերջ տալ Ադրբեջանի կողմից Արցախի շրջափակմանը։

ՄԱԿ-ի գլխաւոր քարտուղար Անտոնիօ Գուտերէշը կառավարութիւններին, ընկերութիւններին եւ կարգաւորող մարմիններին կոչ է արել սահմաններ դնել՝ համացանցում ատելութեան եւ ստի տարածումը կանխելու համար։

Space Exploration Technologies Corporation-ը (SpaceX) նոր ռեկորդ է սահմանել՝ Falcon 9 հրթիռով տիեզերք ուղարկելով պատմութեան մէջ ամենածանր օգտակար բեռը:

Առհասարակ այս իշխանութիւնների կադրային քաղաքականութիւնը, ինչպէս եւ իրենց կողմից վարւող ներքին եւ արտաքին քաղաքականութիւնը մէկ նպատակի է ծառայում․ պետական իստիտուտների կազմաքանդում, պետութեան հեղինակազրկում, քաոս, պետութեան հիմքերի քայքայում։ Չափանիշներ չեն մնացել, կարմիր գծեր չեն մնացել։ Սրանք դիտաւորեալ եւ ծրագրաւորւած կազմաքանդում են պետականութիւնը։ Այս մասին Yerkir.am-ի հետ զրոյցում ասաց ՀՅԴ Հայաստանի ԳՄ անդամ, ՀՀ ԱԺ «Հայաստան» խմբակցութեան պատգամաւոր Լիլիթ Գալստեանը՝ անդրադառնալով Վահան Կոստանեանի՝ ԱԳ փոխնախարար նշանակւելուն։

Արցախի Հանրապետութեան պետական նախարար, Օպերատիւ շտաբի պետ Ռուբէն Վարդանեանը շարունակել է համայնքային այցերը եւ երէկ՝ յունւարի 27-ին հանդիպումներ է ունեցել Մարտունու շրջանի Սպիտակաշէն, Հաղորտի եւ Մուշկապատ համայնքներում: Պետնախարարին ուղեկցել են ԱՀ տարածքային կառավարման եւ ենթակառուցւածքների նախարար Սուրէն Գալստեանը, ԱՀ Ազգային ժողովի «Ազատ Հայրենիք - ՔՄԴ» խմբակցութեան ղեկավար Արթուր Յարութիւնեանը, Մարտունու շրջանի վարչակազմի ղեկավար Էդիկ Աւանէսեանը, Օպերատիւ շտաբի անդամ, ՆԳՆ ԱԻՊԾ ներկայացուցիչ Կարէն Աւետիսեանը:

Ստեփանակերտում, «Մենք ենք, մեր սարերը» յուշակոթողի տարածքում, յունւարի 27-ին դիմաւորել են Երեւանից Կարմիր խաչի միջնորդութեամբ եւ ուղեկցութեամբ վերադարձած 15 երեխաներին եւ նրանց ուղեկցող մանկավարժներին, ովքեր Արցախի շրջափակման հետեւանքով շուրջ 47 օր բաժանւած էին ընտանիքներից:

Ռուսաստանը ներկայացնող հայազգի թենիսիստ Կարէն Խաչանովը Աւստրալիայի բաց առաջնութիւնում (Australian Open) իր ելոյթի համար վաստակել է աւելի քան 500 հազար աւստրալական դոլար։