Հա
03/02/2018 - 10:40

Նորա Արիսեան. «Հայաստանի դիրքորոշումը Սիրիայի հարցում բաւականին հաւասարակշռւած է, ինչը շատ է օգնել սիրիահայերին»

Սիրիայում հայազգի պատգամաւոր Նորա Արիսեանի խօսքով՝ Սոչիում կազմակերպւած՝ «Սիրիայի ազգային երկխօսութեան համագումար»-ին իրենք ներկայացնում էին ոչ թէ հայ համայնքը, այլ սիրիական կազմակերպութիւնները: 

«alikonline.ir» - Սիրիայում հայազգի պատգամաւոր Նորա Արիսեանի խօսքով՝ Սոչիում կազմակերպւած՝ «Սիրիայի ազգային երկխօսութեան համագումար»-ին իրենք ներկայացնում էին ոչ թէ հայ համայնքը, այլ սիրիական կազմակերպութիւնները:

«tert.am»-ի հետ զրոյցում նա նշեց՝ ինքն անձամբ հրաւիրւել է կոնգրեսին մասնակցելու որպէս Սիրիա-Հայաստան խորհրդարանական բարեկամական խմբի նախագահ:

«Պէտք է շնորհակալութիւն յայտնել Ռուսաստանի Դաշնութեանը, քանի որ համաժողովը շատ բարձր մակարդակով էր կազմակերպւած: Իսկ ժողովի աւարտին հնչած յայտարարութիւնը ներկայացրեց ամենախօսուն տւեալները՝ սիրիացիները ջախջախիչ մեծամասնութեամբ պէտք է մնան իրենց սկզբունքներին եւ պահեն Սիրիայի ինքնիշխանութիւնը եւ տարածքային ամբողջականութիւնը»,- նշեց նա՝ յաւելելով, որ կարծում է՝ կոնգրեսը հիմք է տալիս առաջ տանելու Սիրիայի հակամարտութեան կարգաւորման գործընթացը:

Նորա Արիսեանի խօսքով՝ Սիրիայի ժողովրդի պայքարը ահաբեկչութեան դէմ է: «Սիրիացիները՝ սիրիական բանակի օժանդակութեամբ, պայքարում են ահաբեկչութեան դէմ: Այնքան ժամանակ, մինչ այլ երկրներ չեն ցանկանում, որ այս գործընթացն աւարտւի, մենք պէտք է աշխատենք երկխօսութեան միջոցով»,- ասաց նա:

Նա յիշատակեց՝ նախկինում էլ Սիրիայի հարցով համաժողովներ են եղել, սակայն վերջինը՝ Սոչիինը, իւրայատուկ էր նրանով, որ համախմբել էր հակամարտութեան բոլոր կողմերին՝ ե՛ւ ընդդիմութեան, ե՛ւ կառավարական ուժերին: Ներկայ էին նաեւ սիրիայի հասարակութեան բոլոր շերտերը»,- նշեց նա:

Սիրիահայ պատգամաւորի ներկայացմամբ՝ Սոչիում ստեղծւեց յանձնաժողով, որը պէտք է քննի Սահմանադրութիւնը, յանձնաժողովում ներգրաււած են ե՛ւ իշխանական թեւի ներկայացուցիչները, ե՛ւ ընդդիմութիւնը, ինքը եւս այդ յանձնաժողովի անդամ է:

«Այդ յանձնաժողովն արդէն պէտք է աշխատանքի անցնի մօտ օրերս, որպէսզի քննարկի ներկայ Սահմանադրութիւնը»,- նշեց նա:

Խօսելով արդէն սիրիահայութեան ցանկութիւնների, սիրիական հակամարտութեան վերաբերեալ՝ նա նշեց, որ սիրիահայութիւնը ցանկանում է արդէն վերադառնալ եւ համայնքը վերականգնել, ներկայիս գաղութը վերաաշխուժացնել: «Երկրորդ նպատակն այն է, որ բոլոր ուժերը լարւեն, նաեւ Հայաստանի կառավարութեան, Սիրիայի կառավարութեան օժանդակութեամբ վերականգնել համայնքում տարբեր օջախներ՝ե՛ւ դպրոցները, ե՛ւ եկեղեցիները, ե՛ւ մշակութային օջախները»,- նշեց նա։

Հարցին, թէ արդեօք իրեն բաւարարո՞ւմ է ընդհանրապէս Հայաստանի կեցւածքը սիրիական հակամարտութեան վերաբերեալ, Նորա Արիսեանը պատասխանեց՝ Հայաստանը չէզոք դիրքորոշում ունի:

«Հայաստանի դիրքորոշումը, իմ կարծիքով, բաւականին հաւասարակշռւած է, ինչը շատ օգնեց սիրիահայերին: Ես՝ որպէս Սիրիա-Հայաստան բարեկամական խմբի նախագահ, ասեմ՝ հպարտութեամբ փոխանցել եմ իմ հայ գործընկերներին, որ Հայաստանի Հանրապետութեան խորհրդարանում սիրիահայութեան խնդիրների մասին մշտապէս բարձրաձայնւել է: Չպէտք է մոռանալ նաեւ Սփիւռքի նախարարութեան կատարած աշխատանքների մասին: Այդ ամէնը գնահատելի է. Սփիւռքի նախարարութիւնը, խորհրդարանն իր դրական դիրքորոշումը յայտնել է Սիրիայի հարցով»,- ասաց նա:

Յարակից լուրեր

  • «Ատոմակայանը հնարաւոր է այլեւս չաշխատի՞». «Հրապարակ»
    «Ատոմակայանը հնարաւոր է այլեւս չաշխատի՞». «Հրապարակ»

    «Ռուսաստան-Հայաստան յարաբերութիւնների, ատոմակայանի շուրջ տեղի ունեցող զարգացումների, ռուսական վարկի երկրորդ մասի մերժման ֆոնին հայաստանեան իշխանութիւններն անչափ «զգայուն» են դարձել ատոմակայանին վերաբերող հարցադրումների նկատմամբ:

  • Համահայկական տեսլականի տագնապը
    Համահայկական տեսլականի տագնապը

    Հայաստանի վերանկախացումէն ի վեր բազմիցս հրապարակ իջած է Հայաստան-Սփիւռք կապերու բարելաւման եւ համակարգման խնդիրը։ Տակաւին Հայաստան պաշտօնապէս չէր անկախացած՝ 1991-ի ամռան, երբ Վազգէն Մանուկեանի կառավարութեան նախաձեռնութեամբ կայացաւ հայ գործարարներու առաջին համագումարը։ Սկզբնական խանդավառութիւնը, շատ վառ երազներով, պիտի յանգէր սահմանափակ տարողութեամբ մի քանի իրագործումներու։

  • Անդրադարձ. Զգուշաւորութիւն եւ անվճռականութիւն
    Անդրադարձ. Զգուշաւորութիւն եւ անվճռականութիւն

    Ժողովրդավարական վարչակարգի տէր պետութեան մը մէջ գոյութիւն ունին մտածողութեան եւ մանաւանդ գործունէութեան անշրջանցելի արժեհամակարգ ու մշակոյթ, որոնք կը բացառեն կամայականութիւնը: Այդ արժեհամակարգէն ու մշակոյթէն որեւէ շեղում, կամայական որեւէ քայլ առնել կը նշանակէ մուտք գործել Լութովիկոս ԺԴ.-ի «Ես եմ պետութիւնը» մտածելակերպի աշխարհ:

  • Հայաստանը միացել է ՈՒԵՖԱ-ի PlayMakers ծրագրին
    Հայաստանը միացել է ՈՒԵՖԱ-ի PlayMakers ծրագրին

    Հայաստանը միացել է  ՈՒԵՖԱ-ի PlayMakers ծրագրին, որը ՈՒԵՖԱ-ի եւ «Դիսնէյ» աշխարհահռչակ ընկերութեան համագործակցութիւնն է, հիմքում ընկած է «Դիսնէյ»-ի հերոսների շնորհիւ նպաստել 5-8 տարեկան աղջիկների շրջանում ֆուտբոլի տարածմանն ու խթանմանը:

  • Ռուսաստանն ու Չինաստանը վետօ են դրել ՄԱԿ-ի Անվտանգութեան խորհրդի՝ Սիրիայի վերաբերեալ բանաձեւի վրայ
    Ռուսաստանն ու Չինաստանը վետօ են դրել ՄԱԿ-ի Անվտանգութեան խորհրդի՝ Սիրիայի վերաբերեալ բանաձեւի վրայ

    Ռուսաստանն ու Չինաստանը ՄԱԿ-ի Անվտանգութեան խորհրդում վետօ են դրել Սիրիայի վերաբերեալ Գերմանիայի եւ Բելգիայի բանաձեւի վրայ, որով առաջարկւում էր միջսահմանային հումանիտար օգնութիւն տրամադրելու նպատակով երկարաձգել Թուրքիայի եւ Սիրիայի սահմանին առկայ սահմանային երկու անցակէտերի աշխատանքը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։