Հա
04/05/2019 - 13:50

Հայաստանն իր պոտենցիալը չի իրացրել. փորձագէտը՝ Իրանի շուկայի վերաբերեալ

Հայաստանի համար առաջնահերթ պէտք է լինի ոչ միայն ԵԱՏՄ երկրներից ապրանքների տարանցման համար տարածքի տրամադրումը, այլեւ սեփական արտադրանքի արտահանումը։

«alikonline.ir» - Հայաստանի համար առաջնահերթ պէտք է լինի ոչ միայն ԵԱՏՄ երկրներից ապրանքների տարանցման համար տարածքի տրամադրումը, այլեւ սեփական արտադրանքի արտահանումը։

Հայկական բիզնեսը պէտք է ջանք գործադրի ապրանքների իրանական շուկայում իր տեղը զբաղեցնելու համար, «Sputnik» Արմենիայի հետ զրոյցում, մեկնաբանելով առաջիկայում ԵԱՏՄ-Իրան ազատ առեւտրի գօտու մասին համաձայնագրի ուժի մէջ մտնելը, ասաց ԵՊՀ Տնտեսագիտութեան ֆակուլտետի Կառավարման եւ գործարարութեան ամբիոնի վարիչ Կառլեն Խաչատրեանը։

Նրա խօսքով` Արեւմուտքի եւ Իրանի միջեւ լարւած յարաբերութիւնները կարող են Հայաստանի համար որոշակի հնարաւորութիւններ ստեղծել։

«Արեւմուտքում մի շարք ապրանքների դէպի Իրան արտահանման հարցում սահմանափակումներ են գործում։ Բնականաբար, իրանական շուկայում այդ բացը պէտք է լրացւի։ Պահանջարկի մի մասը կարող են ապահովել հայկական ապրանքները։ Բացի այդ, Հայաստանը կարող է տրանզիտային երկիր դառնալ ԵԱՏՄ-ից Իրան ապրանքներ մատակարարելու համար»,- ասաց Խաչատրեանը։

Նա ուշադրութիւն դարձրեց այն հանգամանքին, որ Արեւմուտքի եւ Իրանի յարաբերութիւններում լարւածութիւնը վաղուց է նկատւում, ժամանակ առ ժամանակ նոր պատժամիջոցներ են մտցւում Թեհրանի դէմ, սակայն այդ հանգամանքով ստեղծւող ներուժը Հայաստանի կողմից մինչ օրս չի իրացւել։

Փորձագէտի կարծիքով` դրա համար եւ՛ օբիեկտիւ, եւ՛ սուբիեկտիւ պատճառներ են եղել։ Մի կողմից` Հայաստանի տնտեսվարող սուբիեկտները բաւարար ներուժ չունեն իրանական շուկայում ինչ-որ տեղ զբաղեցնելու համար։

Նոյն իրավիճակն էր Ռուսաստանի շուկայի հետ։ Պաշտօնական Մոսկւայի դէմ կիրառւած պատժամիջոցների պայմաններում, հայկական ապրանքները ռուսական շուկայում չկարողացան փոխարինել եւրոպականին։ Պատճառը Հայաստանում գիւղատնտեսութեան ցածր արտադրողականութիւնն է եւ կոոպերացիայի բացակայութիւնը։

«Հայաստանը միանշանակ կարող է կամուրջ դառնալ Իրանի եւ ԵԱՏՄ-ի միջեւ։ Ամէն դէպքում տրամաբանական է, որ ապրանքները Հայաստանի միջոցով իրանական շուկայ հասնեն։ Սակայն տարանցումից բացի անհրաժեշտ է ուշադրութիւնը կենտրոնացնել հէնց հայկական ապրանքների իրացմանը իրանական շուկայում»,- ասաց Խաչատրեանը։

Դրա համար, նրա խօսքով, պէտք է զարգացնել սեփական տնտեսութիւնը, ընդլայնել արտադրութիւնն ու բարձրացնել ապրանքների մրցունակութեան մակարդակը։

Իշխանութեան ներկայացուցիչները ժամանակ առ ժամանակ հնչեցնում են այդ հարցը տարբեր հարթակներում։ Նշւում է, որ երկու կողմից շրջափակումը հաշւի առնելով, Հայաստանի համար լաւագոյն տարբերակը Վրաստանի եւ Իրանի հետ տնտեսական յարաբերութիւնների խորացումն է։

«Սակայն կոնկրետ քայլեր մենք դեռ չենք տեսնում։ Մեղրիում ազատ տնտեսական գօտի էր ստեղծւել երկրների միջեւ յարաբերութիւնները խորացնելու համար, սակայն առկայ ներուժը այդպէս էլ չէր իրացւել»,- ասաց Խաչատրեանը։

Աւելի վաղ ԵՏՀ նախագահ Տիգրան Սարգսեանը յայտարարել էր, որ Իրանի հետ առեւտրի պարզեցման մասին ԵԱՏՄ համաձայնագիրը շատ շուտով կը սկսի գործել։ Այն ժամանակաւոր կը լինի, 3 տարւայ հաշւարկով։ Այս փորձաշրջանից յետոյ կողմերը կը քննարկեն, արդեօ՞ք կնքել արդէն ազատ առեւտրի մասին լիաֆորմատ համաձայնագիր, թէ՞ ոչ։ Ժամանակաւոր համաձայնագիրն արդէն վաւերացւած է ԵԱՏՄ բոլոր երկրներում, այդ թւում Ղազախստանում։

Յարակից լուրեր

  • Մտահոգութեան մասին յայտարարութենէ աւելին
    Մտահոգութեան մասին յայտարարութենէ աւելին

    Միացեալ Նահանգներու արտաքին գործոց նախարարութեան բանբեր Նետ Փրայս 28 յուլիսին Հայաստան-Ազրպէյճան սահմանին վրայ ազրպէյճանական կողմին շղթայազերծած յարձակումին պատճառով ժամեր առաջ արձանագրուած բախումներու հարցով հրապարակեց հետեւեալ յայտարարութիւնը. «Միացեալ Նահանգներ կը դատապարտեն Հայաստանի եւ Ազրպէյճանի միջեւ միջազգային սահմանի երկայնքով բռնութեան վերջին մագլցումը: Մենք Հայաստանին եւ Ազրպէյճանին կոչ կ՛ուղղենք կատարելու զինադադարի վերաբերեալ իրենց պարտաւորութիւնները` անյապաղ քայլեր ձեռնարկելով կացութեան լարուածութեան մեղմացման համար:

  • «Անորոշութիւնը Հայաստանի եւ Ադրբեջանի միջեւ մի շարք կարեւոր ուղղութիւններով դեռ կը շարունակւի»․ Տարասով
    «Անորոշութիւնը Հայաստանի եւ Ադրբեջանի միջեւ մի շարք կարեւոր ուղղութիւններով դեռ կը շարունակւի»․ Տարասով

    «ՀՀ-ում կարեւոր պաշտօններում նոր մարդիկ են նշանակւել, նրանք պէտք է յարմարւեն աշխատանքին, ինչպէս նաեւ բոլոր խաղացողները պէտք է վերջնականապէս դիրքաւորւեն անընդհատ փոփոխւող իրավիճակում»,- այս մասին 168․am-ի հետ զրոյցում ասաց ռուս քաղաքական վերլուծաբան Ստանիսլաւ Տարասովը՝ անդրադառնալով հայ-ադրբեջանական սահմանին ստեղծւած իրավիճակին եւ այն լուծելու ուղղութեամբ արւող առաջարկներին։

  • Իրանում քննարկւել է ՀՀ-ում դեղագործութեան ոլորտում ներդրումային ծրագրեր իրականացնելու հարցը
    Իրանում քննարկւել է ՀՀ-ում դեղագործութեան ոլորտում ներդրումային ծրագրեր իրականացնելու հարցը

    Իրանի Իսլամական Հանրապետութեան սոցիալական ապահովութեան ներդրումների ընկերութեան հրաւէրով յուլիսի 27-ից 29-ը Թեհրանում էր գտնւում ՀՀ էկոնոմիկայի փոխնախարար Նարեկ Տէրեանի գլխաւորած պատւիրակութիւնը:

  • Կոնգրեսականների յստակ ուղերձը՝ Բաքւին
    Կոնգրեսականների յստակ ուղերձը՝ Բաքւին

    Փելոունի ուղղման ընդունումը ամերիկեան Կոնգրեսի Ներկայացուցիչների պալատի յստակ ուղերձն է Հայաստանի դէմ ագրեսիա իրականացնող Ադրբեջանին: «Արմէնպրես»-ի հետ զրոյցում այսպիսի կարծիք յայտնեց ՀՅԴ Բիւրոյի անդամ, ՀՅԴ Բիւրոյի Հայ Դատի եւ քաղաքական հարցերի գրասենեակի պատասխանատու Կիրօ Մանոյեանը՝ տեղեկացնելով, որ Հայ Դատի յանձնախումբն այժմ աշխատում է գործընթացն աւարտին հասցնելու եւ Ադրբեջանին յատկացւող ամերիկեան ռազմական օգնութեան ամբողջական արգելափակմանը հասնելու համար: 

  • «Հայաստանի ղեկավարութիւնը նաեւ ՀՀ-ի անվտանգութեան երաշխաւորը լինելուց է հրաժարւում». քաղտեխնոլոգ
    «Հայաստանի ղեկավարութիւնը նաեւ ՀՀ-ի անվտանգութեան երաշխաւորը լինելուց է հրաժարւում». քաղտեխնոլոգ

    Ընդհանուր առմամբ, բանակցութիւններ ասւածը տարբեր խողովակներով ընթանում էին ու ընթանում են, այդ թւում՝ ոչ միայն պաշտպանութեան, այլ գուցէեւ արտաքին գործերի նախարարութիւնների, երկրի ղեկավարների ադմինիստրացիաների խողովակներով: «Փաստ»-ի հետ զրոյցում նման կարծիք յայտնեց քաղտեխնոլոգ Վիգէն Յակոբեանն՝ անդրադառնալով սահմանային լարւածութեան ֆոնին ՀՀ ՊՆ-ի կողմից յայտարարվւծ սպասւելիք բանակցութիւնների մասին, ինչն անակնկալ էր հանրութեան համար: Ըստ քաղտեխնոլոգի, իրականում ոչ մի արտառոց բան չկայ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։