Հա
12/05/2019 - 08:50

ՀՄԸՄ-ի Երիտասարդական Ա համագումարը իր աշխատանքներուն սկսաւ Աթէնքի մէջ

ՀՄԸՄ-ի Կեդրոնական վարչութեան կազմակերպութեամբ եւ ՀՄԸՄ-ի Յունաստանի Շրջանային վարչութեան հիւրընկալութեամբ, ուրբաթ, 10 մայիսի առաւօտեան ժամը 10:00-ին, Աթէնքի «Նովոթել» պանդոկի ժողովասրահին մէջ ընթացք առաւ միութեան երիտասարդական առաջին համագումարը` մասնակցութեամբ միութեան 17 շրջաններէ 18-30 տարիքի 39 երիտասարդ-երիտասարդուհիներու, ՀՄԸՄ-ի Կեդրոնական վարչութեան եւ Յունաստանի Շրջանային վարչութեան անդամներու:

ՀՄԸՄ-ի Կեդրոնական վարչութեան կազմակերպութեամբ եւ ՀՄԸՄ-ի Յունաստանի Շրջանային վարչութեան հիւրընկալութեամբ, ուրբաթ, 10 մայիսի առաւօտեան ժամը 10:00-ին, Աթէնքի «Նովոթել» պանդոկի ժողովասրահին մէջ ընթացք առաւ միութեան երիտասարդական առաջին համագումարը` մասնակցութեամբ միութեան 17 շրջաններէ 18-30 տարիքի 39 երիտասարդ-երիտասարդուհիներու, ՀՄԸՄ-ի Կեդրոնական վարչութեան եւ Յունաստանի Շրջանային վարչութեան անդամներու:

Երկօրեայ համագումարին բացումը կատարուեցաւ ՀՄԸՄ-ի «Յառաջ նահատակ» քայլերգով, որմէ ետք ներկաները մէկ վայրկեան յոտնկայս լռութեամբ յարգեցին Շուշիի ազատագրման կռիւներուն եւ ընդհանրապէս արցախեան պայքարի ճակատներուն զոհուած ազատամարտիկներուն եւ հայկական բանակի զինուորներուն յիշատակը:

Այնուհետեւ, համագումարը կազմեց իր դիւանը եւ համագումարին աշխատանքներուն քարոզչութեամբ զբաղող յատուկ յանձնախումբը:

Բացման խօսքով հանդէս եկաւ հիւրընկալ` ՀՄԸՄ-ի Յունաստանի Շրջանային վարչութեան անդամ Մարլեն Տաքէսեան: Ան ողջունեց աշխարհի զանազան շրջաններէն Աթէնք եկած երիտասարդները եւ շեշտեց, որ ՀՄԸՄ-ի համար երիտասարդութիւնը եղած է ու կը մնայ մնայուն ուշադրութեան առարկայ: ՀՄԸՄ-ի մէջ նկարագիր կը կերտուի, անհատականութիւն կը դարբնուի հաճելի եւ օգտակար մթնոլորտի մէջ:

Համագումարի աշխատանքներուն անդրադառնալով` Տաքէսեան յոյս յայտնեց, որ երիտասարդները իրենց քննարկումներով ու առաջարկներով նոր թարմութիւն եւ աշխուժութիւն կու տան միութեան համահայկական աշխատանքներուն:

Ապա, ՀՄԸՄ-ի Կեդրոնական վարչութեան խօսքը ուղղեց ատենապետ Գառնիկ Մկրտիչեան: Ան ըսաւ, որ ՀՄԸՄ-ի 100-ամեակի փառաւոր տօնակատարութիւններէն ետք, միութիւնը երկրորդ 100-ամեակի իր առաջին քայլը կ’առնէ երիտասարդական աննախընթաց համագումարով: Մինչեւ օրս միութիւնը կը գործէ սկաուտական եւ երիտասարդական թեւերով ու մեծաթիւ շարքերով: Սակայն, երբ այդ շարքերը հասնին երիտասարդութեան փուլին, եւ աւելի ճիշդը` 18-30 տարեկանին, ինչ-ինչ պատճառներով անոնք աշխատանքի դաշտ չեն գտներ իրենց դիմաց, հետզհետէ կը հեռանան միութենէն եւ հետագային քիչերն են միայն, որոնք տարիներ ետք կը վերադառնան եւ վարչական պատասխանատուութիւններ կը ստանձնեն: «Հետեւաբար անհրաժեշտութիւնը զգացուեցաւ ստեղծելու միջավայր մը, ուր երիտասարդ ՀՄԸՄ-ականներ կարենան իրենց գործունէութիւնը շարունակել, աշխատանքի կարելիութիւններ ստեղծել եւ իրենց կապուածութիւնը պահել միութեան հետ», նշեց ան:

Շարունակելով, Գառնիկ Մկրտիչեան յայտնեց, որ համագումարին գաղափարը ծնաւ նաեւ այլ մտահոգութենէ մը` մեր երիտասարդ տղաքն ու աղջիկները կանուխէն պատրաստել համա-ՀՄԸՄ-ական հարցերու ծանօթացման եւ քննարկման: Ի վերջոյ, այսօրուան երիտասարդները վաղուան մեր պատասխանատուներն են, եւ միութեան Պատգամաւորական ժողովի մակարդակով արծարծուած խնդիրները քննելը, անոնց մասին կարծիք յայտնելը եւ ապա համագումարին ճամբով այդ կարծիքները մինչեւ Պատգամաւորական ժողով հասցնելը, անկասկած, օգտակար փորձառութիւն է:

Մկրտիչեան շեշտեց, որ երրորդ եւ հիմնական նպատակը այս համագումարին օրուան հարցերը, մանաւա՛նդ երիտասարդութիւնը յուզող հարցերը, նոյնինքն երիտասարդութեան ակնոցով քննելն է եւ այդ հարցերուն նոր եւ արդիական լուծումներ գտնելն է:

Գառնիկ Մկրտիչեան հարց տուաւ, թէ ո՞ւր է այսօր հայ երիտասարդութիւնը այս բոլորին մէջ: Մեր միութիւններուն մէ՞ջն է, շո՞ւրջն է, թէ՞ մեր կեանքին գլխաւոր բացական է: Իսկ ի՞նչ կ’ընենք մենք, իբրեւ ՀՄԸՄ, իբրեւ շրջաններու միաւորներ, գաղութներ, դպրոցներ եւ եկեղեցիներ, ազգ ու պետութիւն, հայ երիտասարդութիւնը հաւաքական մեր կեանքին մէջ ներգրաւելու համար:

Ապա, Մկրտիչեան աւելցուց. «Մինչեւ օրս մեր որդեգրած միջոցները սկսած են իրենք զիրենք սպառել: Նոր իրականութիւնները կը թելադրեն նոր մօտեցումներ: Ազգային-միութենական մեր կառոյցները կորսնցուցած են երբեմնի իրենց գրաւչութիւնը: Անցեալի գործունէութեան դրամագլուխը սկսած է մաշիլ: Միութենականութիւնը դադրած է ժառանգական յատկանիշ մը ըլլալէ: Զաւակները անպայման չեն հետեւիր իրենց ծնողներու օրինակին, որովհետեւ դաստիարակութիւն հասկացողութիւնը փոխուած է եւ հարցում մը սկսած է ինքզինք պարտադրել, թէ` աւանդական մեր արժէքները այլեւս որքանո՞վ կը համապատասխանեն նոր սերունդի մտահոգութիւններուն, պայմաններուն եւ սպասումներուն: Երիտասարդութիւնը նորութիւն եւ արդիականութիւն կը փնտռէ իր շուրջ: Այս բոլորը իրականութիւններ են, որոնց մասին անպայման պէտք է խօսիլ, ապա ծրագրել, որոշել եւ գործի անցնիլ նախկինէն աւելի արագ կշռոյթով, դաստիարակութեան եւ քարոզչութեան արդի մօտեցումներով, տեղեկատուական արհեստագիտութեամբ, կառուցային ժամանակակից յարմարութիւններով եւ մեր շրջապատին աւելի լայնօրէն բացուելու քաղաքականութեամբ»:

 

Համագումարին օրակարգը

Բացման պաշտօնական խօսքերէն ետք, համագումարը անցաւ օրակարգի իր կէտերու քննարկման: Առաջին նիստով հանդէս եկաւ ՀՄԸՄ-ի «Մարզիկ» պաշտօնաթերթի խմբագիր Վիգէն Աւագեան: Երկու ժամուան զրոյց-քննարկումով ան ներկայացուց «ՀՄԸՄ-ի անդամակցութիւնը եւ քարոզչութիւնը երիտասարդութեան մօտ» նիւթը:

Յետմիջօրէի նիստերով համագումարին զեկուցումներ ներկայացուցին եւ երիտասարդութեան հետ զրոյցներ վարեցին ՀՄԸՄ-ի Կեդրոնական վարչութեան անդամ Վիգէն Քորթեան եւ Հրայր քհնյ. Նիկոլեան: Անոնք ներկայացուցին «Մարզախաղերու դերը ՀՄԸՄ-ի նպատակներու հետապնդման մէջ» եւ «Հայապահպանում» նիւթերը:

Համագումարը կը շարունակուի այսօր եւ կը լսէ երեք յաւելեալ զեկուցումներ, որոնցմէ ետք աշխատանքները կ’աւարտէ երեկոյեան, մայիսեան յաղթանակներու նուիրուած ժողովրդային ճաշկերոյթ-խրախճանքին մասնակցութեամբ:

 

Կեդրոնական վարչութեան լիագումար նիստերը

ՀՄԸՄ-ի երիտասարդական առաջին համագումարը կանխեց ՀՄԸՄ-ի Կեդրոնական վարչութեան 2015-2019 քառամեակի չորրորդ լիագումարը, որ քննեց միութեան վերջին մէկ տարուան գործունէութիւնը, արժեւորումը կատարեց 100-ամեակի աշխարհասփիւռ տօնակատարութիւններուն եւ ճշդեց միութեան 12-րդ Պատգամաւորական Ընդհանուր ժողովի (հոկտեմբեր 2019) նախապատրաստական քայլերը:

«Ազատ օր»

Յարակից լուրեր

  • ՀՅԴ ներկայացուցիչը մասնակցել է Թուրքիայի HDP կուսակցութեան 4-րդ համագումարին
    ՀՅԴ ներկայացուցիչը մասնակցել է Թուրքիայի HDP կուսակցութեան 4-րդ համագումարին

    Փետրւարի 23-ին, Անկարայում տեղի ունեցաւ Թուրքիայի Ժողովուրդների ժողովրդավարական կուսակցութեան (HDP) հերթական 4-րդ համագումարը, որին մասնակցեցին հազարաւոր պատգամաւորներ, իսկ հազարաւորներն էլ զրկւած են մասնակցութիւնից՝ Թուրքիայի իշխանութիւնների կողմից հարուցւած արհեստական արգելքների պատճառով։

  • Միջ-եկեղեցական միջազգային համագումար Անթիլիասի մէջ «Միջ-եկեղեցական շարժումը կարիքը ունի նոր տեսլականի» Ն.Ս.Օ.Տ.Տ Արամ Ա կաթողիկոս
    Միջ-եկեղեցական միջազգային համագումար Անթիլիասի մէջ «Միջ-եկեղեցական շարժումը կարիքը ունի նոր տեսլականի» Ն.Ս.Օ.Տ.Տ Արամ Ա կաթողիկոս

    Ուրբաթ, 31 յունուար 2020-ին, Անթիլիասի Մայրավանքին մէջ բացումը կատարուեցաւ միջազգային միջ-եկեղեցական համագումարին, նախագահութեամբ Ն.Ս.Օ.Տ.Տ. Արամ Ա. Վեհափառ Հայրապետին եւ մասնակցութեամբ 30 աստուածաբաններու ու միջ-եկեղեցական շարժումի փորձագէտներու՝ Հարաւային Քորիայէն, Ինտոնեզիայէն, Հնդկաստանէն, Յորդանանէն, Գենիայէն, Կանայէն, Պուրունտիէն, Ռուսիայէն, Զուիցերիայէն, Վատիկանէն, Շուէտէն, Ֆինլանտայէն, Գանատայէն, Միացեալ Նահանգներէն եւ Լիբանանէն:

  • Ասիայի Միջեկեղեցական Կանանց համագումար՝ Շինչու-Թայւան (19-26 նոյեմբեր 2019 թ.)
    Ասիայի Միջեկեղեցական Կանանց համագումար՝ Շինչու-Թայւան (19-26 նոյեմբեր 2019 թ.)

    Ասիայի Եկեղեցիների խորհրդի կազմակերպութեամբ, թւականիս նոյեմբերի 19-ից 26, տեղի ունեցաւ Ասիայի Համաշխահրային Եկեղեցիների Կանանց համագումարը, Թայւանի Շինչու քաղաքում։ Սոյն համագումարին մասնակցեցին աւելի քան 250 կանայք, ովքեր ներկայացնում էին շուրջ 48 երկրներ եւ համայնքներ։ Այս շարքում էր նաեւ Իրանի Հայոց Առաքելական եկեղեցին, որը ներկայացրեց օր. Արինէ Մինասեանը։

  • Հաղորդագրութիւն
    Հաղորդագրութիւն

    ՀՄԸՄ-ի ԺԲ. Պատգամաւորական ընդհանուր ժողովէն ընտրուած Կեդրոնական վարչութիւնը 2019-2023 քառամեակի իր առաջին լիագումար նիստերը կատարեց Փարիզի մէջ, 6-7 դեկտեմբեր 2019-ին:

  • Ուղղեկից միութիւնները 21-րդ դարուն (ՀՄԸՄ-ի 12-րդ Պատգամաւորական ժողովի առիթով)
    Ուղղեկից միութիւնները 21-րդ դարուն (ՀՄԸՄ-ի 12-րդ Պատգամաւորական ժողովի առիթով)

    20-րդ դարու երկրորդ կէսին մարդու կողմէ արմատականօրէն փոփոխութեան ենթարկուած արհեստագիտական միջոցները խորունկ եւ անվերադարձ կերպով փոփոխութեան ենթարկած են մարդկային փոխադարձ յարաբերութիւնները: Այս փոխազդեցութիւններու երեւոյթը հազարամեակներէ ի վեր կը ղեկավարէ մարդկութիւնը: Ատոր հետեւանքով այսօր, համեմատած նախորդ դարու մեր կեանքին, փոխուած են մտայնութիւնները, տեւական հոլովոյթի մէջ է մարդոց մտածելակերպը: Մարդիկ դարձած են աւելի գործնապաշտ, մէկ կողմ հրելով ցարդ իրենց կեանքի հիմնական սկզբունքները՝ իրենց գաղափարական կեցուածքները:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։