Հա
11/07/2019 - 09:20

Անհրաժեշտ են մեծածաւալ կապիտալ ներդրումներ

Երէկ հանրապետութեան զգալի հատւածում գրանցւել են էլեկտրաէներգիայի մատակարարման հետ կապւած խնդիրներ, ինչի հետեւանքով ներկայումս երկրի տնտեսութիւնը եւ մեր ազգաբնակչութիւնը լարւածութիւն եւ անյարմարաւէտութիւն է զգում. կրում է զգալի բարոյական եւ նիւթական վնասներ:

Երէկ հանրապետութեան զգալի հատւածում գրանցւել են էլեկտրաէներգիայի մատակարարման հետ կապւած խնդիրներ, ինչի հետեւանքով ներկայումս երկրի տնտեսութիւնը եւ մեր ազգաբնակչութիւնը լարւածութիւն եւ անյարմարաւէտութիւն է զգում. կրում է զգալի բարոյական եւ նիւթական վնասներ: Անշուշտ, այս իրավիճակում, ոմանք փորձում են գտնել դաւադրութիւններ, կանխամտածւած քայլեր, ոմանք յիշում են 90-ականները, սակայն ըստ էութիւն՝ գործ ունենք տնտեսական խնդրի եւ անարդիւնաւէտ կառավարման հետ:

Երեւան ՋԷԿ-ը պետական ընկերութիւնն է, իսկ Հրազդանի 5-րդ էներգոբլոկի միակ սեփականատէրը Գազպրոմ Արմենիա ընկերութիւնն է: Երեւան ՋԷԿ-ը լրիւ նոր կառուցւած կայան է, որը վերջին տարիների ընթացքում ճապոնական վարկային միջոցների հաշւին արդիականացւել է, արտադրում է ցածր ինքնարժէքով էլեկտրաէներգիա, իսկ Հրազդանի 5-րդ էներգոբլոկը իր դրւածքային հզօրութիւններից աւելի քիչ ծաւալով է գործում եւ հիմնական ծանրաբեռնւում է ատոմակայանի պլանային դադարների ժամանակ:

Յատկանշական է, որ վաղուց կապիտալ ներդրումներ չեն իրականացւել Հրազդանի 5-րդ էներգոբլոկում: Եթէ վթարը տեղի է ունեցել կայաններից մէկում, ապա այն կարող է ազդել նաեւ միւս կայանի վրայ, քանի որ գերծանրաբեռնւածութիւն կը գրանցւի ցանցում, դրան կը նպաստէր նաեւ բարոյապէս եւ ֆիզիկապէս մաշւած բարձրավոլտ էլեկտրացանցերը, որի արդիականացման ծրագրերը նոր իշխանութիւնների կողմից յետաձգւեցին անորոշ ժամկէտով: Պարզ է նաեւ, որ բաշխիչ ցանցերը, որոնք մատակարարում են էլեկտրաէներգիա սպառողներին, ներկայումս անխափան գործում են:

Այսպիսով՝ մեր էլեկտրաէներգետիկ համակարգը բաւականին հին է, մեծածաւալ կապիտալ ներդրումների անհրաժեշտութիւն կայ, այս ամէնին գումարւում է առանձին լիազօր մարմնի բացակայութիւնը, ինչպէս նաեւ լիազօրութիւնների ոչ յստակ եւ անարդիւնաւէտ բաշխւածութիւնը ՀՀ կառավարութեան եւ ՀՀ հանրային ծառայութիւնները կարգաւորող յանձնաժողովի միջեւ:

 

Սուրէն Պարսեան

ՀՅԴ Բիւրոյի տնտեսական հետազօտութիւնների գրասենեակի պատասխանատու

Յարակից լուրեր

  • Այս ճգնաժամը տեւելու է ոչ թէ մէկ կամ երկու ամիս, այլ մէկ տարուց աւելի
    Այս ճգնաժամը տեւելու է ոչ թէ մէկ կամ երկու ամիս, այլ մէկ տարուց աւելի

    Մի փաստ եւս արձանագրենք․ արտակարգ դրութեան ընթացքում եւս մէկ անգամ հաստատուեց, որ Հայաստանի տնտեսութիւնում մենաշնորհները պահպանուել են եւ աւելի են ամրապնդել իրենց դիրքերը։

  • Զբօսաշրջութեան ոլորտը ճգնաժամի մէջ է
    Զբօսաշրջութեան ոլորտը ճգնաժամի մէջ է

    Կորոնավիրուսի ազդեցութեան բացասական հետեւանքները մեղմելու նպատակով վրացական մի շարք բանկեր երեք ամսով յետաձգել են վարկերի մարումը։ Այս մասին նշել է ՀՅԴ Բիւրոյի տնտեսական հետազօտութիւնների գրասենեակի պատասխանատու, տնտեսագէտ Սուրէն Պարսեանը:

  • Մենք ոչ թէ նախապատրաստւեցինք կորոնավիրուսի մուտքին, այլ սպասեցինք
    Մենք ոչ թէ նախապատրաստւեցինք կորոնավիրուսի մուտքին, այլ սպասեցինք

    Կորոնավիրուսն այժմ համաշխարհային տնտեսական միտումների հիմնական օրակարգերից մէկն է, քանի որ այն մեծ ազդեցութիւն է թողել ինչպէս ընթացիկ խնդիրների վրայ, այնպէս էլ երկարաժամկէտ հարցերի վրայ։ Այս մասին News.am-ի հետ զրոյցում ասել է տնտեսագէտ Սուրէն Պարսեանը:

  • Կորոնավիրուսի տնտեսական ազդեցութիւնը. զբօսաշրջիկների թւի կրճատման ռիսկ կայ
    Կորոնավիրուսի տնտեսական ազդեցութիւնը. զբօսաշրջիկների թւի կրճատման ռիսկ կայ

    Իրանում կորոնավիրուսի տարածմամբ պայմանաւորւած հայ-իրանական ցամաքային հաղորդակցութիւնը ժամանակաւորապէս դադարեցումը Հայաստանի տնտեսութեան վրա կարող է ունենալ կարճաժամկէտ ու երկարաժամկէտ բացասական հետեւանքներ։

  • ՀՀ հասարակութիւնը գնալով աւելի է աղքատանում
    ՀՀ հասարակութիւնը գնալով աւելի է աղքատանում

    Վարչապետ Նիկոլ Փաշինեանը փետրւարի 7-ին իր ֆէյսբուքեան էջում գրել էր, որ ՀՀ առեւտրային բանկերի կողմից տրամադրւած վարկերի մէջ ժամկէտանց վարկերի կշիռը նախորդ տարւայ ընթացքում նւազել է եւ կազմել ռեկորդային ցածր՝ 0.85%. «Այս դինամիկան վկայում է Հայաստանի բանկային համակարգի կայունութեան ամրապնդման եւ մեր հայրենակիցների վճարունակութեան մակարդակի բարձրացման մասին»:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։