Հա
24/07/2019 - 09:30

Համազգայինի ուսանողական հաւաքը (Ֆորում)` Հայաստանի եւ Արցախի մէջ

Տարբեր երկիրներէ Հայաստանի մէջ համախմբուած երիտասարդներու մասնակցութեամբ, Համազգայինի ուսանողական հաւաքի 2019-ի պաշտօնական բացումը տեղի ունեցաւ 15 յուլիս 2019-ին: Ֆորումի բացման հաւաքին մասնակիցները ծանօթացան Համազգայինի առաքելութեան եւ գործունէութեան, ինչպէս նաեւ` ֆորումի ծրագիրին, նպատակին եւ օրէնքներուն:

Տարբեր երկիրներէ Հայաստանի մէջ համախմբուած երիտասարդներու մասնակցութեամբ, Համազգայինի ուսանողական հաւաքի 2019-ի պաշտօնական բացումը տեղի ունեցաւ 15 յուլիս 2019-ին: Ֆորումի բացման հաւաքին մասնակիցները ծանօթացան Համազգայինի առաքելութեան եւ գործունէութեան, ինչպէս նաեւ` ֆորումի ծրագիրին, նպատակին եւ օրէնքներուն:

Բացումէն ետք, ֆորումականները խմբային խաղերու ընթացքին աւելի լաւ ծանօթացան իրարու: Անոնք պտոյտ մը կատարեցին Երեւանի մէջ: Ծանօթացան Օփերայի շուրջ գտնուող արձաններուն` Թումանեան, Սպենդիարեան, Խաչատուրեան, Սարեան, Կոմիտաս, Պապաջանեան եւ Թամանեան: Անոնք նաեւ նախաձեռնեցին Երեւանի բնակիչներուն հետ հանդիպումներու եւ անոնց հետ զրուցեցին իւրաքանչիւր դէմքի մասին: Աւելի ուշ, ֆորումականները երգով ու պարով ճոխ երեկոյ մը անցուցին «Ակունք» համոյթին մասնակցութեամբ:

Ֆորումի 2-րդ օրուան շրջապտոյտը սկիզբ առաւ Սաղմոսավանքէն: Ֆորումականներուն կ՛ընկերակցէր փրոֆեսէօր Աշոտ Գրիգորեան, որ ներկայացուց հայ ճարտարապետութեան պատմութենէն եւ ի մասնաւորի այս եկեղեցւոյ պատմութենէն ուշագրաւ տեղեկութիւններ, ապա խումբը ուղղուեցաւ տառերու պուրակ, որմէ ետք Արագած լեռ: Ֆորումականները վերադարձի ճամբուն վրայ այցելեցին Ամբերդ եւ այնտեղ գտնուող Ս. Աստուածածին եկեղեցին, ուր փրոֆեսէօր Աշոտ Գրիգորեան ներկայացուց բերդի ռազմավարական դիրքը, որուն շնորհիւ բերդը կանգուն կը մնայ մինչեւ օրս:

Ֆորումի 3-րդ օրուան այցելութեան առաջին վայրը Երեւանի պետական համալսարանն (ԵՊՀ) էր, ուր ֆորումականները հանդիպում ունեցան համալսարանի նախագահ Գեղամ Գէորգեանին հետ: Գէորգեան անդրադարձաւ համալսարանի հիմնադրութեան, պատմութեան եւ բաժանմունքներուն: Ընթացքին, մասնակիցները զիրենք յուզող լուսաբանական հարցումներ ուղղեցին: Ապա խումբը ուղղուեցաւ ԵՊՀ-ի թանգարան, ուր ուղեցոյցը հակիրճ ձեւով ներկայացում մը կատարեց այնտեղ գտնուող գանձերուն եւ գոյքերուն մասին:

ԵՊՀ-ի շրջապտոյտը աւարտելէ ետք, մասնակիցները ուղղուեցան Ջիւանիի անուան աշուղական դպրոց, ուր ոգեւորութիւնը մեծ էր թէ՛ մասնակիցներուն եւ թէ՛ ներկայացնողներուն: Փրոֆեսէօր Թովմաս Պօղոսեան մանրամասն բացատրութիւններ տուաւ հայ աշուղներու կենսագրականներուն, անոնց տարած աշխատանքին, ինչպէս նաեւ` հայկական նուագարաններուն եւ մեր պատմութեան մէջ անոնց ունեցած արժէքին մասին: Ֆորումականները յաջողեցան ներկաներուն ուշադրութիւնը գրաւել` շնորհիւ իրենց մասնակցութեան եւ ցուցաբերած հետաքրքրութեան:

Մշակութային արժէքներու ծանօթացումը ծաւալեցաւ ամբողջ օրուան ընթացքին, յաջորդ ժամադրավայրը Մեսրոպ Մաշտոցի անուան մատենադարանն էր: Մասնակիցները ուղեցոյցներու առաջնորդութեամբ շրջեցան մատենադարանի տարբեր բաժինները եւ ծանօթացան այնտեղ գտնուող մատեաններուն ու մագաղաթներուն, բոյսերուն եւ գոյքերուն, որոնք դարերու պատմութիւն ունին:

Ֆորումի խորհրդանիշ` Սասունցի Դաւիթի արձանին քով լուսանկարուելով, վերջ գտաւ 3-րդ օրուան ծրագիրը:

Ֆորումի ծրագիրի 4-րդ օրը հայրենիքի բնութեան նուիրուած էր: Առաւօտեան կանուխ ժամերէն խումբը ուղղուեցաւ Սեւանայ լիճ, ուր մասնակիցները նաւակներով շրջագայութիւն մը կատարեցին, ինչպէս նաեւ այցելեցին Սեւանայ վանք:

Բնութեան ջրաշխարհէն ետք, խումբը անցաւ լեռնաշխարհ` յաջորդաբար այցելելով Դիլիջան եւ Հաղարծին:

Երեկոյեան, մասնակիցները աշխատանոցի մը ընթացքին վերաթարմացուցին իրենց գիտելիքները նախօրօք այցելած մատենադարանի մասին:

Ֆորումի 5-րդ օրուան այցելութեան առաջին վայրը Ամենայն հայոց բանաստեղծ Յովհաննէս Թումանեանի թանգարանն էր: Ֆորումականները խումբ-խումբ շրջեցան արդիական շունչով պատրաստուած այդ թանգարանը եւ ծանօթացան Թումանեանի գործերուն ու օգտագործած գոյքերուն: Ապա անոնք ուղղուեցան դէպի Հայաստանի ամերիկեան համալսարան, ուր հանդիպում ունեցան համալսարանի ընդունելութեան բաժինի պատասխանատու Արինա Զոհրապեանի հետ, որ ամփոփ ձեւով ներկայացուց համալսարանին մէջ գտնուող ճիւղերը, դասաւանդութեան դրութիւնը եւ համալսարանի տրամադրած դիւրութիւնները:

Յաջորդ կայարանը ԹՈՒՄՕ կեդրոնն էր, ուր ֆորումականները ունեցան տեսերիզի, թուային խաղերու եւ ռոպոթիքսի պատրաստութեան աշխատանոցներ:

Երեկոյեան ֆորումականները իրենց աշխուժ մասնակցութիւնը բերին «Ո՞վ է հայը» զրոյցին: Զրուցավարն էր ֆորումի դաստիարակչական պատասխանատու Վիգէն Թիւֆէնքճեան: Մասնակիցները կարկինը լայն բանալով քննարկեցին նիւթը: Անոնք ունեցան շինիչ քննարկումներ:

Աւելի ուշ, ֆորումականները իրենց գիշերը անցուցին Երեւանի լուսաւոր փողոցները շրջելով:

«Ազդակ»

Յարակից լուրեր

  • Մտահոգութեան մասին յայտարարութենէ աւելին
    Մտահոգութեան մասին յայտարարութենէ աւելին

    Միացեալ Նահանգներու արտաքին գործոց նախարարութեան բանբեր Նետ Փրայս 28 յուլիսին Հայաստան-Ազրպէյճան սահմանին վրայ ազրպէյճանական կողմին շղթայազերծած յարձակումին պատճառով ժամեր առաջ արձանագրուած բախումներու հարցով հրապարակեց հետեւեալ յայտարարութիւնը. «Միացեալ Նահանգներ կը դատապարտեն Հայաստանի եւ Ազրպէյճանի միջեւ միջազգային սահմանի երկայնքով բռնութեան վերջին մագլցումը: Մենք Հայաստանին եւ Ազրպէյճանին կոչ կ՛ուղղենք կատարելու զինադադարի վերաբերեալ իրենց պարտաւորութիւնները` անյապաղ քայլեր ձեռնարկելով կացութեան լարուածութեան մեղմացման համար:

  • «Անորոշութիւնը Հայաստանի եւ Ադրբեջանի միջեւ մի շարք կարեւոր ուղղութիւններով դեռ կը շարունակւի»․ Տարասով
    «Անորոշութիւնը Հայաստանի եւ Ադրբեջանի միջեւ մի շարք կարեւոր ուղղութիւններով դեռ կը շարունակւի»․ Տարասով

    «ՀՀ-ում կարեւոր պաշտօններում նոր մարդիկ են նշանակւել, նրանք պէտք է յարմարւեն աշխատանքին, ինչպէս նաեւ բոլոր խաղացողները պէտք է վերջնականապէս դիրքաւորւեն անընդհատ փոփոխւող իրավիճակում»,- այս մասին 168․am-ի հետ զրոյցում ասաց ռուս քաղաքական վերլուծաբան Ստանիսլաւ Տարասովը՝ անդրադառնալով հայ-ադրբեջանական սահմանին ստեղծւած իրավիճակին եւ այն լուծելու ուղղութեամբ արւող առաջարկներին։

  • Իրանում քննարկւել է ՀՀ-ում դեղագործութեան ոլորտում ներդրումային ծրագրեր իրականացնելու հարցը
    Իրանում քննարկւել է ՀՀ-ում դեղագործութեան ոլորտում ներդրումային ծրագրեր իրականացնելու հարցը

    Իրանի Իսլամական Հանրապետութեան սոցիալական ապահովութեան ներդրումների ընկերութեան հրաւէրով յուլիսի 27-ից 29-ը Թեհրանում էր գտնւում ՀՀ էկոնոմիկայի փոխնախարար Նարեկ Տէրեանի գլխաւորած պատւիրակութիւնը:

  • «Ադրբեջանական զօրքերը կրակ են բացել Երասխի հայկական դիրքերի ուղղութեամբ, թիրախային կրակ արձակել սնունդ տեղափոխող մեքենայի վրայ՝ լրջօրէն վնասելով այն». ՀՀ ՊՆ
    «Ադրբեջանական զօրքերը կրակ են բացել Երասխի հայկական դիրքերի ուղղութեամբ, թիրախային կրակ արձակել սնունդ տեղափոխող մեքենայի վրայ՝ լրջօրէն վնասելով այն». ՀՀ ՊՆ

     Յուլիսի 31-ին` ժամը 18:10-ից մինչեւ 18:50-ը, ադրբեջանական ԶՈՒ ստորաբաժանումները հերթական անգամ դիմել են սադրանքի` տարբեր տրամաչափի հրաձգային զինատեսակներով կրակ բացելով հայ-ադրբեջանական սահմանի Երասխի հատւածում տեղակայւած հայկական դիրքերի ուղղութեամբ: 

  • Կոնգրեսականների յստակ ուղերձը՝ Բաքւին
    Կոնգրեսականների յստակ ուղերձը՝ Բաքւին

    Փելոունի ուղղման ընդունումը ամերիկեան Կոնգրեսի Ներկայացուցիչների պալատի յստակ ուղերձն է Հայաստանի դէմ ագրեսիա իրականացնող Ադրբեջանին: «Արմէնպրես»-ի հետ զրոյցում այսպիսի կարծիք յայտնեց ՀՅԴ Բիւրոյի անդամ, ՀՅԴ Բիւրոյի Հայ Դատի եւ քաղաքական հարցերի գրասենեակի պատասխանատու Կիրօ Մանոյեանը՝ տեղեկացնելով, որ Հայ Դատի յանձնախումբն այժմ աշխատում է գործընթացն աւարտին հասցնելու եւ Ադրբեջանին յատկացւող ամերիկեան ռազմական օգնութեան ամբողջական արգելափակմանը հասնելու համար: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։