Հա
30/11/2019 - 12:10

Արամ Ա կաթողիկոս ընդունեց Բերիոյ թեմի առաջնորդն ու Ազգային իշխանութեան ներկայացուցիչները

Արամ Ա Վեհափառ Հայրապետին այցելեց Բերիոյ թեմը ներկայացնող պատուիրակութիւն մը` գլխաւորութեամբ առաջնորդ Սրբազան Մասիս եպս. Զօպուեանի, եւ հանդիպում մը ունեցաւ վեհափառ հայրապետին հետ: Հանդիպումին ներկայ էր նաեւ Ազգային կեդրոնական վարչութեան անդամներէն Հրաչ Յակոբեան:

Արամ Ա Վեհափառ Հայրապետին այցելեց Բերիոյ թեմը ներկայացնող պատուիրակութիւն մը` գլխաւորութեամբ առաջնորդ Սրբազան Մասիս եպս. Զօպուեանի, եւ հանդիպում մը ունեցաւ վեհափառ հայրապետին հետ: Հանդիպումին ներկայ էր նաեւ Ազգային կեդրոնական վարչութեան անդամներէն Հրաչ Յակոբեան:

Աւելի քան երկու ժամ տեւած հանդիպումը առիթ մը հանդիսացաւ քննարկելու սուրիահայութեան առնչուած բազմաթիւ հարցեր: Առաջնորդ սրբազանն ու Ազգային իշխանութեան ներկայացուցիչները զեկուցեցին թեմի վարչական, տնտեսական, ընկերային, շինարարական, յարաբերական եւ այլ բնագաւառներու առնչուած աշխատանքներուն ու մտահոգութիւններուն մասին: Անոնք նաեւ անդրադարձան առանձնաբար Հալէպի, Դամասկոսի, Գամիշլիի, Քեսապի, Լաթաքիոյ եւ վերջերս Թուրքիոյ կողմէ ներխուժումի ենթարկուած Սուրիոյ հիւսիսային շրջանի հայկական գիւղերուն հետ աղերս ունեցող տեղական խնդիրներու ու մտահոգութիւններու:

Վեհափառ Հայրապետը իր բարձր գնահատանքը յայտնեց թեմին կողմէ կատարուող բազմաբնոյթ աշխատանքներուն` շեշտելով, որ անոնց նպատակը պէտք է ըլլայ Սուրիոյ հայութեան վերականգնումը:

 

«Ազդակ»

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։