Հա
20/07/2020 - 11:20

Ուրուկուայի եւ Արժանթինի քաղաքական ղեկավարներ կը զօրակցին Հայաստանին

Ուրուկուայի Լայն Ճակատ (Ձախ-յառաջդիմական ուժերու համախմբում, ընդդիմութիւն) կուսակցութիւնը հրապարակային հաղորդագրութեամբ դատապարտեց Հայաստանի Հանրապետութեան դէմ ազրպէյճանական յարձակումը եւ արտայայտեց իր «մերժումը թրքական կառավարութեան այն յայտարարութիւններուն որոնք Ազրպէյճանի յարձակումին կը զօրակցին»: Լայն Ճակատը, յուլիս 17-ին հրապարակած իր այս հաղորդագրութեամբ, դիրք ճշդեց ի նպաստ Հայաստանին:

Ուրուկուայի Լայն Ճակատ (Ձախ-յառաջդիմական ուժերու համախմբում, ընդդիմութիւն) կուսակցութիւնը հրապարակային հաղորդագրութեամբ դատապարտեց Հայաստանի Հանրապետութեան դէմ ազրպէյճանական յարձակումը եւ արտայայտեց իր «մերժումը թրքական կառավարութեան այն յայտարարութիւններուն որոնք Ազրպէյճանի յարձակումին կը զօրակցին»: Լայն Ճակատը, յուլիս 17-ին հրապարակած իր այս հաղորդագրութեամբ, դիրք ճշդեց ի նպաստ Հայաստանին:

Լայն Ճակատի ղեկավարներէն ծերակուտական Լիլիամ Քեշիշեան հարցը բարձրացուց երկրի օրէնսդիր ժողովին մէջ: «Ծերակոյտի նիստին ես խոր մտահոգութիւն արտայայտեցի յուլիս 12-էն ի վեր Ազրպէյճանի կողմէ Հայաստանի դէմ իրագործուոծ զինուորական գործողութիւններուն համար: Այս յարձակումները Վիէննայի եւ Սան Փեթերսպուրկի համաձայնութիւնները կը բռնաբարեն եւ անկայունութիւն կ'առաջացնեն տարածաշրջանին մէջ»,- ըսաւ Քեշիշեան:

Արժանթինցի ծերակուտական, նախքին Արտաքին Գործոց նախարար Խորխէ Թաիանա իր կարգին Պուէնոս Այրէսի ԱՐՄԵՆԻԱ թերթին ըսաւ. «խոր մտահոգութեամբ կը հետեւինք Հայաստանի եւ Ազրպէյճանի սահմանագծին վրայ տեղի ունեցող բախումներուն, որոնք մարդկային կորուստներու պատճառ դարձած են: Արժանթին զօրավիգ է Մինսքի Խումբի միջնորդական գործընթացին հարցին խաղաղ լուծում մը տալու համար Եւրոպայի Անվտանգութեան եւ Համագործակցութեան Կազմակերպութեան սկզբունքներուն համաձայն: Այս գործընթացը, որուն համաձայն գտնուեցան երկու կողմերը խաթարուած է վերջին ամիսներու ազրպէյճանական յարձակողականութեան արդիւնքով»:

Ուրուկուայի մէջ Լեռնային Ղարաբաի Ֆորումը եւս հրապարակեց յայտարարութիւն մը «մերժելով եւ խստօրէն դատապարտելով Հայաստանի Հանրապետութեան դէմ Ազրպէյճանի իրականացուցած զինեալ յարձակումը, կը պահանջէ հայ ժողովուրդի դէմ գործադրուած բռնութեան անմիջական դադրեցումը եւ կոչ կ’ուղղէ ամբողջական յարգանք ցուցաբերելու միջազգային իրաւունքի նկատմամբ»: «Խոր մտահոգութեամբ կը զգուշացնենք որ Հայաստանի եւ Արցախի Հանրապետութիւններու դէմ լայնածաւալ զինուորական գործողութիւնները կրնան մագլցում արձանագրել եւ վերածուիլ տարածաշրջանային պայթունի: Կասկածէ դուրս է որ ազրպէյճանական յարձակումը սպառնալիք է տարածաշրջանին մէջ խաղաղութեան նպատակադրող միջազգային հանրութեան ջանքերուն»:

Արժանթինի, Ուրուկուայի, Չիլէի, Փարակուայի եւ Փերույի մօտ Հայաստանի Հանրապետութեան դեսպան Եսթեր Մկրտումեան խօսելով տագնապին մասին ուշադրութիւն հրաւիրեց Թուրքիոյ կողմէ Ազրպէյճանին ցուցաբերուած զօրակցութեան եւ Թուրքիոյ պաշտպանութեան նախարարի ռազմատենչ յայտարարութիւններուն: «Ազրպէյճանի պաշտպանութեան փոխ նախարարը յայտարարեց թէ պիտի ռմբակոծէին հայկական աթոմակայանը, ինչ որ իր անդրադարձը կ’ունենայ ոչ միայն Հայաստանի այլ ամբողջ տարածաշրջանին վրայ, քանի որ աթոմակայանը Նախիջեւանի սահմանէն 70 քիլոմեթր հեռու է եւ մօտ նոյնինքն Թուրքիոյ»:

 

Prensaarmenia.com

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։