Հա
22/09/2020 - 11:20

Դիւանագիտական վտանգաւոր «Իմ քայլը» որ հարուածի տակ կը դնէ սփիւռքի հայութիւնը եւ Պաղեստինի հայապատկան հողերը

Դիւանագիտական վտանգաւոր «Իմ քայլը» որ հարուածի տակ կը դնէ սփիւռքի հայութիւնը եւ պաղեստինի հայապատկան հողերը

ՀԱՄՕ ՄՈՍԿՈՖԵԱՆ 

 

Միջին Արեւելքի մէջ տիրող այս խռովայոյզ օրերուն՝ երբ ԱՄՆ-ի եւ Իսրայէլի սիւնիստ շրջանակները, իրենց արաբ մանկլաւիկ իշխանիկներու հետ փորձեց լուծարել Պաղեստինի ժողովուրդին բազմադարեայ իրաւունքները, բռնագրաւելու միջազգային համաձայնագիրներով հաստատուած հողերը՝ մեր Հայասհանի «Նիկոլական-Սարգսեանական» ղեկավարութիւնը տհաճ անակնկալ մը կը մատուցէ Սփիւռքի հայութեան։ Նպատակը՝ «նուիրագործել» Պաղեստինի ու մայրաքաղաք Երուսաղէմի հայապատկան հողերուն առուծախը եւ յափշտակումը Իսրայէլի կառավարութեան, հողի վաշխառուներու եւ անոնց ստեղծած հայ-հրէական նոր «համայնք»-ի վտանգաւոր անձնաւորութիւններու ձեռքով։

Կարծես, թէ Նիկոլ Փաշինեանի իշխանութեան գալու պայմաններէն մէկն ալ սիոնիստական պետութեան հետ դիւանագիտական յարաբերութիւններ հաստատելն էր, ինչպէս իր «հոգեհայր», հրեաներու փեսայ Լեւոն Տէր-Պետրոսեանի օրօք սկսած շարժումով։ Առաւել եւս, Հայաստանի հանրապետութեան պայծառափա՜յլ նախագահ Արմէն Սարգսեանի գլխաւոր «նուաճում»-ն էր այցելել Իսրայէլ, հոն ալ շարունակելով «համպըրկըր»-ներու եւ պաղպաղակներ ճաշակելու իր առօրեան՝ յայտարարելով այդ ոճրագործ պետութիւնը տէր ու տիրական Պաղեստինի զաւթեալ հողերուն, հիմքը դնելով Հայաստանի հանրապետութեան դեսպանութեան։ Այս բոլորը այն ժամանակ, երբ սիւնական ռազմական արդիւնաբերութիւնը, շուրջ 3 միլիառ տոլարի անօդաչու սարքեր կը վաճառէր Ազրպէյճանին, անոնց հրթիռային համակարգերը կը զինէր նորագոյն «սերունդ»-ի տարբերակներով օգտագործելով Հայաստանի եւ Արցախի պետութեանց դէմ ամէն կարգի ռազմա-օդային յարձակումներու մէջ։ Իսրայէլեան «տրոն»-ի մը վար առնուիլը Խաչատուրով հերոս-զօրավարի ռազմիկներուն կողմէ՝ 30 միլիոն տոլարի վնաս պատճառեց ազերի-իսրայէլեան համագործակցութեան, որ աւելի լայն թափերով ընթացաւ նոր վտանգներ նախապատրաստելով Հայաստանի դէմ՝ ընդհուպ մինչեւ Մեծամօրի աթոմակայանի ռմբակոծումը՝ որուն մէջ մե՜ծ փորձ ունին իսրայէլացիք՝ երբ անցեալ դարու 70-ական թուականներուն ռմբակոծեցին Իրաքեան աթոմական ուսումնասիրութեան կեդրոնները Պաղտատի մօտ՝ որուն զոհ գացին նաեւ ֆրանսացի գիտնականներ։

Հայաստանի տհաս դիւանագէտները երբեք չուզեցին յարգել 2500 տարուան բարեկամ եւ հարեւան Իրանի ռազմավարական շահերը՝ ուր կ’ապրին շուրջ 20 միլիոն ազերիներ, որոնք հզօրապէս զսպուած են Իրանի Յեղափոխական Պահակներու եւ Ազգային Անվտանգութեան ուժերու կողմէ։ Մի քանի ամիս առաջ, Թեհրանի թէ հայաշատ Թաւրիզի մէջ, իրանցի ազերիներ փորձեցին յարձակիլ Հայաստանի դեսպանութեան շէնքին եւ հայկական թաղամասերուն վրայ՝ սակայն հանդիպելով Իրանի ոստիկանական ուժերու պատնէշին եւ ազդու միջամտութեան՝ ցաքուցրիւ եղան ժամանակաւորապէս։ Իրանի հայկական գաղութին ղեկավարներուն՝ պետական շրջանակներուն կողմէ յայտնուեցաւ խիստ դժգոհութիւն Իսրայէլի հետ դիւանագիտական յարաբերութիւններ հաստատելու Երեւանի որոշման դէմ՝ սակայն Իրանի կառավարութիւնը պատրաստակամութիւն յայտնեց միշտ կանգնելու ուժեղ Հայաստանի կողքին…։

Վերադառնալով մեր գլխաւոր նիւթին՝ ապա եւ ըստ «Արմենփրես»-ի եւ այլ մամլոյ գործակալութիւններու հաղորդագրութեանց՝ 18 սեպտեմբեր 2020 թ.-ին, Թել Աւիւի մէջ բացումը կատարուած է Հայաստանի դեսպանութեան՝ ձեռամբ պատուարժան Հ.Հ. դեսպան Արմէն Սմբատեանի եւ 4-րդ կարգի իսրայէլացի դիւանագէտ-պաշտօնեայ, «Եւրասիա 2» կառոյցի ղեկավար Իցհաք Քարմել Քականի։ Այն ալ հրէական նոր տարուան՝ Ռոշ-Հաշանայի օրացոյցով, որպէս հայ-հրէական ջերմ «եղբայրութեան» առհաւատչեայ…։ Պետութիւն մը, որ մինչեւ այսօր չէ ճանչցած Հայոց Ցեղասպանութիւնը, դաշնակիցն է ցեղասպան Ազրպէյճանի, ամէնօրեայ արեան բաղնիքներ կը սարքէ Պաղեստինի ժողովուրդին դէմ, որ 1700 տարիէ միշտ նեցուկ կանգնած է Սուրբ Հողերուն վրայ ապրող հայութեան, պատմական դեր խաղցած է 20-րդ դարու 70-ական թուականներուն սփիւռքահայ ազգային-ազատագրական պայքարին մէջ։ Աւելին՝ Իսրայէլի նշանակեալ դեսպան Էլիան Պելլացերքովսկի, հպանցիկ այցելելով Հայաստան տարի մը առաջ, մինչեւ այսօր չէ ստանձնած իր պաշտօնը Երեւանի մէջ։

Այնպէս որ այս կարճատես եւ վտանգաւոր դիւանագիտական «Իմ Քայլ»-ով փաշինեանական սարգսեանական «Թանտեմ»-ը՝ հարուածի տակ կը դնէ ոչ միայն Մերձաւոր եւ Միջին Արեւելքի հայութիւնը, այլեւ «կանաչ լոյս» կը վառէ սիոնիստական շրջանակներուն յափշտակելու հայապատկան հողերը պատմական Պաղեստինի մէջ։ 

Յարակից լուրեր

  • Թուրքիա-Ազրպէյճան-Իսրայէլ-Նաթօ միջազգային դաւադրութիւն Հայաստանի եւ Արցախի դէմ որ ձախողութեան մատնուեցաւ
    Թուրքիա-Ազրպէյճան-Իսրայէլ-Նաթօ միջազգային դաւադրութիւն Հայաստանի եւ Արցախի դէմ որ ձախողութեան մատնուեցաւ

    Արցախեան պատերազմի առաջին իսկ օրէն, երբ 27 Սեպտեմբեր 2020 թ. առաւօտեան, ազրպէյճանական-թրքական ռազմական ինքնաթիռները եւ Իսրայէլի կողմէ վաճառուած  անօդաչու սարքերը ռմբակոծեցին մայրաքաղաք Ստեփանակերտը եւ շարք մը այլ աւաններ եւ գիւղեր՝ յայտնի դարձան միջազգային վտանգաւոր դաւերու մանրամասնութիւնները։ Անոնց մէջ՝ Թուրքիոյ, Ազրպէյճան-գաղութի, ԱՄՆ-ի, ՆԱԹՕ-ի կողքին, իր դերը ունեցած էր 2018-ին, իշխանութեան եկած նախկին «դեղին» լրագրող Նիկոլ Փաշինեան եւ իր պարտուողական, սորոսական-արեւմտամէտ վարչակարգը։

  • Սատանաների հետ կարելի չէ պարել՝ երբ առանձին ես այս վայրագ դարձած աշխարհին մէջ…
    Սատանաների հետ կարելի չէ պարել՝ երբ առանձին ես այս վայրագ դարձած աշխարհին մէջ…

    Մեր երկրագունդը շատ վտանգաւոր օրեր կ’ապրի այս օրերուն։ Ամէնուրեք պատերազմներ կամ պատերազմի վտանգներ քորոնաժահրի անսանձելի համաճարակ։ Զանգուածային բնաջնջման զէնքերու հասանելիութիւն՝ արիւնախում ոճրագործներու, ահաբեկիչներու եւ մահուան վաճառականներու ձեռքը՝ որոնք յանուն ոսկիի, պատրաստ են բնաջնջել հազարաւոր մարդիկ եւ քարուքանդ ընել բնակավայրեր։

  • Սահմանադրական բարեփոխումները եւ նոր հիմունքները Ռուսիոյ մէջ՝ դիմագրաւելով 21-րդ դարու մարտահրաւէրները
    Սահմանադրական բարեփոխումները եւ նոր հիմունքները Ռուսիոյ մէջ՝ դիմագրաւելով 21-րդ դարու մարտահրաւէրները

    Մեր երկրագունդի ռազմա-քաղաքական, տնտեսական, ընկերային եւ առողջապահական ճգնաժամային դրութիւնը չափազանց բարդ իրավիճակի մէջ յայտնուեցաւ մանաւանդ քորոնա ժահրի համաճարակէն ետք։ Աշխարհի հզօրագոյն պետութիւններէն Ռուսիա, դիմագրաւելու համար արտաքին ու ներքին մարտահրաւէրները, անհրաժեշտ նկատեց սահմանադրական պատմական փոփոխութիւններու ձեռնարկել։

  • Աւելի քան երկու հազարամեակ մը ամբողջ՝ հայերը՝ պաղեստինի եւ պաղեստինեան յեղափոխութեան հետ…
    Աւելի քան երկու հազարամեակ մը ամբողջ՝ հայերը՝ պաղեստինի եւ պաղեստինեան յեղափոխութեան հետ…

    Հայերը Պաղեստինի մէջ հնագոյն ժամանակներէ գոյութիւն ունեցած են։ Աքեմենեան Քսերքսէս Շահնշահի արշաւանքէնզ մինչեւ հայոց Մեծն Տիգրան Արքայից Արքայ, բայց մանաւորապէս քրիստոնէութեան յայտնումէն ետք, Պաղեստինի գրեթէ ամէն մէկ անկիւնը, նոյնիսկ Սինայի անապատի մենաստաններուն մէջ հայ ճգնաւորներ, հոգեւորականներ, ազգային ու քաղաքական գործիչներ, առեւտուրի թէ մշակոյթի բնագաւառի աշխատողներ, ուխտաւորներ հաստատուած են Սուրբ Հողերուն վրայ։ Երուսաղէմի քառորդը, դարերու ընթացքին պատկանած հայերու, որպէս հայկական թաղամաս, նոյնիսկ Սիոնի լեռը, կը գտնուի հայկական տարածքին մէջ։

  • Թուրքական բազմագլխանի վիշապը արդէն խժռում է զինք սնուցանող տէրերին՝ երեք ցամաքամասերի վրայ…
    Թուրքական բազմագլխանի վիշապը արդէն խժռում է զինք սնուցանող տէրերին՝ երեք ցամաքամասերի վրայ…

    Միլիարդաւոր դոլարների ու եւրոների «շտապ» օգնութիւն՝ Սիրիայից, Իրաքից եւ մինչեւ Աֆղանստանից «գաղթականներ»-ին սնուցանելու համար Թուրքիայում։ Բազմատեսակ զէնքեր, ռազմական նորագույն տեխնոլոգիաներ «բազմագլուխ վիշապ» Էրդողանին՝ Սիրիայում թէ Իրաքում կոտորածներ ու Ցեղասպանութիւններ իրագործելու համար՝ արաբ, ասորի, քուրդ, հայ «տեռորիստ»-ներին չէզոքացնելու համար։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։