Հա
17/12/2020 - 09:41

Ամրապնդենք մէկ ազգ-մէկ Հայրենիք գաղափարը...

Իրանահայ 13 միութիւններ, միանալով Սփիւռքի բազմաթիւ ազգային կառոյցներին, մի միասնական նամակով՝ պահանջեցին ՀՀ վարչապետի անցնցում հեռացումը, որի դէմ եղան խիստ բողոքներ. այս գրութիւնը պատասխան է այդ ուղղութեամբ:
Մարզա-մշակութային միութիւնների գործընկերներիս՝


Իրանահայ 13 միութիւններ, միանալով Սփիւռքի բազմաթիւ ազգային կառոյցներին, մի միասնական նամակով՝ պահանջեցին ՀՀ վարչապետի անցնցում հեռացումը, որի դէմ եղան խիստ բողոքներ. այս գրութիւնը պատասխան է այդ ուղղութեամբ
Մարզա-մշակութային միութիւնների գործընկերներիս՝


Սիրելի միութենականներ,


2020 թւականը Հայ Աշխարհի համար եղաւ ծանրագոյն տարի, համաշխարհային համաճարակի ալիքը նաեւ գահավիժեց հասարակական գործունէութիւններն ու յարաբերութիւնները, իսկ սեպտեմբերի 27-ից սկսեալ Ադրբեջանա-թուրքական պարտադրեալ պատերազմը իր աննախադէպ ծաւալով, որը ոչ միայն պարզ ծաւալապաշտական ճակատամարտ էր այլ տարածաշրջանային բարդ պատերազմ՝ ի դէմ հայութեան, Արցախում էտնիկ զտման ծրագրով, բոլորին յայտնի պանթուրանական նպատակների հանգրւանային իրագործման միտումով, որը եւ ցնցեց ողջ ազգն ու Հայրենիքը:


Պատերազմ, որը հակառակ 90-ականների, ցաւօք, այս անգամ աւարտւեց պարտութեամբ, ըստ հէնց ՀՀ վարչապետի նոյեմբերի 9-ի՝ ցաւոտ եւ տխրահռչակ յայտարարութեան։ Յայտարարութիւն, որը ոչ միայն զինադադարի պայմանագիր պիտի համարել, այլ կապիտուլիացիա, որը հայութիւնից խլում է ոչ միայն «ազատագրւած տարածքներ», այլ հայրենի հողից կարեւոր բաժիններ, ու դեռ աւելին՝ պարտադրում քաղաքական նւաստացուցիչ պայմաններ:


Հակառակ պատերազմի օրերի ստեղծւած գեր-գնահատելի համահայկական աննախադէպ միասնականութեանը, ցաւօք, նոյեմբերի 10-ին յանկարծակի եկած համայն հայութիւնը գտնւելով շոկի մէջ, յուսախաբութեան պահեր է ապրում: Թէեւ զինադադարով կանխւեց կործանարար պատերազմը, որը ամենօրեայ 100-ի շուրջ զոհեր էր խլում, այն էլ մեր ազնիւ երիտասարդ սերնդից ու հարիւրաւոր միլիոնի վնասներ պատճառում, այդուամենայնիւ դժբախտաբար դեռ մէկ ամիս անց, մեր ազգին չի յաջողւել վերագտնել ինքն իրեն ու աւելին՝ երբ ամէն օր նշւած յայտարարութեան անբացատրելի եւ ոչ-յստակ կէտերի համաձայն իրականացւում են զիջումներ, դա եւս բոլորին դէմ-յանդիման է դնում մի նոր իրականութեան առջեւ, որին ամենառէալ մտածողներն անգամ դժւարութեամբ են հաշտւում եւ որեւէ պարզ հայրենասէր անհատի համար դրանք համարւում են անընդունելի:


Ահա այս օրհասական պահին, երբ Հայրենիքում ապրող ամէն մի ընտանիք կորցրել է իր մօտիկ կամ հեռու հերոս զաւակներից մէկին, երբ կան անյայտ կորածներ, հոգեվարք ապրող գերեվարւածներ ու բազում վիրաւորներ եւ անօթեւաններ... բոլորին պարզ է, որ յանուն ազգի ու Հայրենիքի վերականգնման՝ անհրաժեշտ է ամէն վայրկեան խորհել, ծրագրել, կազմակերպել, գործել, օգնել եւ նւիրաբերել ամէն ի՛նչ ի նպաստ Արցախի՝ որպէսզի այս իրավիճակը յաղթահարենք: Ու երբ գիտենք, որ թշնամին արդէն մայրուղիներ է կառուցում դէպի Շուշի եւ ոչ թէ ծրագրում այլ գործադրում է վերաբնակեցումը Արցախի մեր պատմական հողերում եւ ինչպէս անցեալ 26 տարիներին, դարձեալ պատրաստւում է ապագայ պատերազմի համար՝ այս անգամ թուրքական նոր ռազմաբազաների տեղադրմամբ, ցաւօք, մենք մեր վէրքին ենք աղ լցնում եւ ոչ թէ վերականգնման փորձ անում ու յանուն ապագայի յաղթանակի՝ թշնամու պէս 26-ամեայ երկարատեւ ծրագրեր մշակում այլ կարճատեւ հեռանկարով սպասում ենք մեծ փոփոխութիւնների, կամ օտարին ապաւինելով փութում փրկութիւն...
Հաւատացէք, որ այսպէս տեղ չենք հասնելու:


Վերջին օրերին առաւել նկատելի է հայութեան մօտ՝ Հայաստան-Սփիւռք ստեղծւած համահայկական աննախադէպ միասնական աշխոյժ գործին հակառակ վհատութիւն ու յուսախաբութիւն, որը նաեւ դրսեւորւում է խիստ ծայրայեղ բեւեռացումով ի Հայաստան եւ Սփիւռք՝ մանաւանդ ՀՀ վարչապետի եւ իր իշխանութեան հեռացման կամ դրան հակառակ, նրա անվերապահ հովանաւորման դրսեւորմամբ, որը լուրջ վտանգում է մեր ազգային միասնութեանը:
Նոյն ծիրում կարելի է գնահատել Սփիւռքի բազմաթիւ եւ իրանահայ 13 հասարակական կառոյցների միասնական պաշտօնական նամակը՝ ՀՀ վարչապետի պաշտօնից հրաժարման եւ անցնցում հեռացման դիմում-պահանջը ու ի դէմ այդ նոյն նամակի արծարծւող հակադրւած թունդ բողոքները:

(Ահա եւ այս գրութեան ու մտահոգութեան կիսւելու հիմնական դրդապատճառը):


Բողոքողները սոց-մեդիայում հնչեցնում են իրենց մի շարք հարցականները ըստ հետեւեալի՝
ա-հիմնականում, չեն ընդունում այդ միասնական նամակը, որպէս իրանահայութեան տեսակէտ.
բ-մարզամշակութային միութիւնները իրենց կանոնագրի համաձայն, իրաւասու չեն քաղաքական գործունէութիւն ծաւալել.
գ-Սփիւռքը եւ իրանահայ հասարակական կառոյցները չպիտի միջամուխ լինեն Հայաստանի ներքին հարցերին.
դ-որոշներն էլ ընդհանրապէս խիստ դէմ են հրաժարականի պահանջին՝ հովանաւորելով գործող վարչապետին.

Որպէս բացատրութիւն յստակ է, որ միասնական նամակի բովանդակութեան համաձայն՝ յիշեալ միութիւնները երբեւէ հանդէս չեն եկել իրանահայութեան բովանդակ անունից, այլ ներկայացրել են իրենց պահանջը, որպէս ստորագրող կառոյցներ.
յարգելով բազմակարծութիւնը, բայց համաձայն չլինելով բողոքարկու որոշ անձանց՝ մանաւանդ այն քաղաքական դէմքերի շահարկումը, որ կատարւածը հիմնականում ՀՅԴ ի «պարտադրանք» են յայտարարել ու այն տեսակէտը, որ Սփիւռքի կառոյցները իրաւունք չունեն միջամուխ լինել, կամ միջամտել Հայաստանի քաղաքական հարցերում... պիտի ասել՝
գրութեան նախաբանի բաժնում կատարւեց կացութեան գնահատում եւ համաձայն կլինէք որ՝ հայ ժողովուրդը իրօք պատմական դժւարին ճգնաժամ է ապրում եւ Սփիւռքի հասարակական կառոյցները նման պատմական պահի դրութեամբ, որը որպէս հասարակագիտական փաստ նւազագոյնը քառորդ դարը մէկ է պատահում (ինչպէս ամէն մի հայ անկախ իր բնակութեան վայրից) կարող են ունենալ եւ արտայայտել իրենց տեսակէտը ու դա պատմականօրէն բխում է հէնց այդ կառոյցների հիմնադրման էութիւնից եւ ոչ թէ կանոնագրական չափորոշիչներից:
-Այո, տեսակէտները կարող են լինել հակասական, ու անգամ եթէ համարենք, որ դրանց բոլորի նպատակը Հայրենիքի վերականգնումն է, կայունութիւնն ու հզօրացումը...ուրեմն իրաւական հիմքով մտահոգութիւնը եւս անիմաստ է, քանզի պարզ է, որ վերջին հաշւով վերջնական որոշումները կայացնելու է ոչ թէ Սփիւռքը, այլ ՀՀ քաղաքացին: Ու հանրային այն կարծիքը, որ ձախողած ղեկավարութեան ինքնակամ եւ անցնցում հեռացման պահանջ է ներկայացնում՝ քաղաքակիրթ աշխարհում տրամաբանական ու բնական պահանջ պիտի համարել:
Այ՛ո, շատ բան ենք կորցրել եւ ազգային պատմական լուրջ ճգնաժամ ենք ապրում, սակայն զգօն պիտ լինենք, որպէսզի աւելին չկորցնենք:
Արցախը բոլորի համար հանդիսացել է՝ Միացեալ Հայաստանի խորհրդանիշ ու ընդամէնը շուրջ մէկ տարի առաջ էր, երբ նոյն այդ միութիւնների երիտասարդները համախմբւել էին Արցախում Համահայկական խաղերի առիթով, որոնք մեծ ոգեւորութեամբ բաժանւեցին՝ իրենց մօտ առաւել ամրապնդելով մեր ազգային նպատակները, ուստի ներկայ ջղային իրավիճակը հասկանալի է:
Իսկ սա զգօնութեան կոչ է, քանզի որոշ ծայրայեղ դիրքորոշումներն ու բողոքները, ըստ էութեան Սփիւռքին հեռացնում են իր ազգային պատասխանատւութիւնից, վնասում՝ «մէկ ազգ - մէկ Հայրենիք» գաղափարին ու նաեւ Հայաստան-Սփիւռք-Արցախ եռամիասնութեան սկզբունքին:
Իհարկէ, հաւատացած լինելով, որ կեանքում՝ պատասխանատւութիւնն ու պարտաւորութիւնն են ճշտում իրաւասութեան չափը, ուստի ամէն ոք պիտի գիտակցի իր իրաւասութեան չափի սահմանը (ահա այն ախտը, որը գոյութիւն ունի իրական եւ մերօրեայ վիրտուալ կեանքում՝ մեդիա տիրոյթում) ազգային քաղաքական մտածողութիւնը նաեւ պիտի կարող լինի տարանջատել իշխանութիւնը պետականութիւնից, իշխանութիւնները գալիս ու գնում են, իսկ մնայուն են պետականութիւնները: Ուստի ազգային գործունէութիւնները պիտի լինեն նպատակասլաց եւ ի նպաստ պետականութեան հզօրացման, քանզի հայութեան համար անհրաժեշտ է հզօր պետականութիւն եւ միաժամանակ Հայրենիքի համար անհրաժեշտ է հզօր Սփիւռք:
Ուրեմն եկէք՝ մեր ազգային նպատակներից մեկնելով, արժեւորենք միմեանց տեսակէտը ու չփորձենք Սփիւռքի եւ Հայաստանի միջեւ անջրպետ առաջացնել քաղաքական սին պիտակաւորումով այլ հակառակը՝ առաւել ամրապնդել մէկ ազգ-մէկ Հայրենիք հասկացութիւնը եւ յանուն մեր ժողովրդի ապագայի՝ համադրել համահայկական մեծ ներուժն ու լծւենք պետականաշինութեան գործին, որպէսզի յաջողենք կերտել արժանապատիւ ու բարեկեցիկ կեանք, որին արժանի են մեր հայրենի սերունդները:


Փառք՝ հայութեան եւ նրա հերոս զաւակներին
Փառք՝ Հայաստան-Սփիւռք-Արցախ եռամիասնութեան
Փառք՝ հզօր Հայաստանի երաշխիք՝ հզօր բանակին:


ՀԵՆՐԻԿ ԽԱԼՈՅԵԱՆ
09.12.2020
Թեհրան

Յարակից լուրեր

  • Սփիւռքի շուրջ 47 կառոյցներ կոչ են արել քւէարկել «Հայաստան» դաշինքի օգտին
    Սփիւռքի շուրջ 47 կառոյցներ կոչ են արել քւէարկել «Հայաստան» դաշինքի օգտին

    Հայկական Սփիւռքի՝ 20 երկրներում գործող շուրջ 47 համայնքային, քաղաքական, բարեգործական, մշակութային, մարզական, հետազօտական, երիտասարդական, ուսանողական կառոյցներ եւ բազմաթիւ անհատ գործիչներ հանդէս են եկել ուղերձներով եւ յայտարարութիւններով՝ յունիսի 20-ին Հայաստանում կայանալիք արտահերթ խորհրդարանական ընտրութիւններում սատարելով «Հայաստան» դաշինքին: 

  • Յայտնիները միացել են «ՁԱ՛ՅՆ ՏՈՒՐ» արշաւին․ նպատակն է ընտրութիւններին ընդառաջ հանրութեանն իրազեկել ընտրական իրաւունքի եւ ընտրութիւններին քաղաքացիների մասնակցութեան կարեւորութեան մասին
    Յայտնիները միացել են «ՁԱ՛ՅՆ ՏՈՒՐ» արշաւին․ նպատակն է ընտրութիւններին ընդառաջ հանրութեանն իրազեկել ընտրական իրաւունքի եւ ընտրութիւններին քաղաքացիների մասնակցութեան կարեւորութեան մասին

    «Ալիբի իրաւապաշտպան» հասարակական կազմակերպութեան կողմից յունիսի 7-ին մեկնարկել է «ՁԱ՛ՅՆ ՏՈՒՐ» արշաւը, որին միացել են մի շարք յայտնիներ, որոնց թւում են՝  Հայաստանի Հանրապետութեան ազգային հերոս, դիրիժոր Յովհաննէս Չեքիջեանը, Հայաստանի պետական սիմֆոնիկ նւագախմբի գեղարւեստական ղեկավար, գլխաւոր դիրիժոր Սերգէյ Սմբատեանը, Մարդու իրաւունքների եւրոպական դատարանի նախկին դատաւոր Ալւինա Գիւլումեանը, Գերաշնորհ Տ. Միքայէլ Արքեպիսկոպոս Աջապահեանը եւ այլոք։

  • «Փաշինեանի բանակցային ստերը, կամ ինչպէ՞ս հասանք պատերազմի»․ «168 ժամ»
    «Փաշինեանի բանակցային ստերը, կամ ինչպէ՞ս հասանք պատերազմի»․ «168 ժամ»

    «Հայաստանում ընթացող ամենալարւած եւ պետութեան համար ճակատագրական նախընտրական քարոզարշաւի առաջին փուլում ՀՀ երրորդ նախագահ Սերժ Սարգսեանի գաղտնազերծած ձայնագրութիւնը Նիկոլ Փաշինեանին կրկին գցել է իր ստացած բանակցային ժառանգութիւնը քննադատելու եւ իր վարած ղարաբաղեան քաղաքականութիւնը մաքրագրելու արատաւոր շղթայի մէջ:

  • ՀՅԴ Գանատայի Կեդրոնական Կոմիտէի կոչը
    ՀՅԴ Գանատայի Կեդրոնական Կոմիտէի կոչը

    Հայաստանի մէջ Յունիս 20-ին կայանալիք արտահերթ խորհրդարանական ընտրութիւններուն սեմին, Հայ Յեղափոխական Դաշնակցութեան Գանատայի կառոյցը իր անվերապահ զօրակցութիւնը կը յայտնէ «Հայաստան» դաշինքին։

  • Լոնդոնի ՀՅԴ կոմիտէ․ Մեր խօսքը
    Լոնդոնի ՀՅԴ կոմիտէ․ Մեր խօսքը

    Հետեւողականօրէն եւ ուշադրութեամբ հետեւում ենք Հայաստանի քաղաքական զարգացումնրի ընթացքին եւ արտակարգ ընտրութիւնների քարոզարշաւին: Դժւար է պատկերացնել՝ յատկապէս երբ ամբողջ կեանքդ ապրել ես սփիւռքում, թէ ինչպէ՞ս եւ ինչո՞ւ պատերազմի եւ պարտութեան խորհրդանիշ համարւող վարչապետի հրաժարականի եւ հեռացման պահանջով սկսած Հայրենիքի փրկութեան շարժումին չմիացաւ ժողովուրդի հոծ բազմութիւն, որպէսզի կերտէին անցումային կառավարութիւն եւ մէկ տարւայ ժամանակշրջանում կազմակերպէին ընտրութիւններ՝ առանց Նիկոլի:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։