Հա
08/03/2021 - 11:50

Շրջանցենք փորձութիւնը

Լիբանան անդունդի եզրին է: Եզրը գործածուած է լաւատեսութեան նշոյլ մը յուսալու համար: Խորքին մէջ, Լիբանան անդունդի եզրէն սայթաքած ու ինկած է յատակը:

ՏԻԳՐԱՆ ՃԻՆՊԱՇԵԱՆ

 

Լիբանան անդունդի եզրին է: Եզրը գործածուած է լաւատեսութեան նշոյլ մը յուսալու համար: Խորքին մէջ, Լիբանան անդունդի եզրէն սայթաքած ու ինկած է յատակը:

Սովորական քաղաքացիին համար, նոյնիսկ քիչ թէ շատ քաղաքականութենէ հասկցողի համար, գլուխկոտրուկի վերածուած է Լիբանանի քաղաքական կեանքի ներկայ ընթացքը: Կա՞յ քաղաքական կեանք, թէ՞ եղածը լոկ շաղակրատութիւն է, քննարկում անուանումով հակոտնեայ դիրքորոշումներու յամառ դրսեւորում:

Տնտեսական սուր տագնապը, «Քովիտ 19»-ի համաճարակը, նաւահանգիստի պայթումը արդէն յառաջացուցած էին կաթուածահար ընկերային կեանք: Մշակութային ձեռնարկներու գրեթէ չգոյութիւն, ուսումնական հեռակայ դասաւանդութիւն, որ կը բացառէ յարաբերութիւնները, միայն սնունդի հայթայթման կապուած առեւտրական գործառնութիւններ, զբօսաշրջութեան չգոյութիւն, այլազան մարզումներու եւ մրցումներու սահմանափակում եւ շարքը կարելի է երկարել, արդէն ստեղծած են հաւաքական կեանքի, կենցաղային պայմաններու այնպիսի սահմանափակումներ, որ կարծես մեզ մղած են նոր տեսակի ապրելակերպի մը, ուր անհատապաշտութիւնը պարտադիր կանոն է:

Մեզ բաւական ժամանակ լիբանանեան դրամանիշի ամերիկեան տոլարին դիմաց արժեզրկման վարժեցնելէ ետք, նորագոյն արժեզրկումները մրցանշային մակարդակ մը նուաճեցին: Գահավիժումը դեռ կը շարունակուի, ամէն օր, օրուան մէջ քանի մը անգամ, նոր սակեր սահմանելով: Արժեզրկումը կ՛առաջնորդէ առաջին անհրաժեշտութեան ապրանքներու սղաճին: Ապրանքներու գիները գրեթէ ամէնօրեայ փոփոխութիւն կը կրեն: Անգործութեան ենթարկուած քաղաքացին, որուն եկամուտը, եթէ գոյութիւն ունի, արժեզրկուած է, դատապարտուած է ծայրայեղ աղքատութեան: Ընչազուրկ բառը այլեւս պէտք է հասկնալ իր արմատական իմաստով:

Մինչեւ ո՞ւր, մինչեւ ե՞րբ պիտի շարունակուի այս դժոխային ընթացքը: Լիբանանեան պետութիւնը կ՛ուղղուի դէպի քայքայում: Նոյնիսկ հանրապետութեան նախագահը ցուցարարներու կողմէ իբրեւ բողոք ճամբաներու փակումը արդարացի կը համարէ: Նշանակեալ վարչապետը երկիրներ կ՛այցելէ Լիբանանի համար, ըստ իրեն, օժանդակութիւն ապահովելու, մինչ իր այցելած երկիրներու ղեկավարները կը պահանջեն կառավարութեան շուտափոյթ կազմութիւնը եւ անյետաձգելի դարձած բարեկարգումներու ձեռնարկումը:

Ստեղծուած կացութիւնը թէեւ ամբողջ Լիբանանին եւ իր բոլոր բնակիչներուն կը վերաբերի, սակայն չենք կրնար չանդրադառնալ հայ համայնքի մասնայատուկ կացութեան: Համայնքային կառոյցներուն` եկեղեցիներուն, դպրոցներուն, մշակութային կեդրոններուն, բարեսիրական եւ ընկերային հաստատութիւններուն, մամուլին, կը սպառնայ նիւթական միջոցներու անբաւարարութիւն եւ գործունէութեան սահմանափակում: Անհրաժեշտ է, արդէն իսկ կատարուածը եւ կատարուողը առանց մոռնալու, նոր նախաձեռնութիւն եւ նոր ճիգ: Ոչ միայն մեր հայրենակիցներուն արժանավայել կեանքի նուազագոյն պայմաններ պէտք է ապահովենք, այլեւ մեր կառոյցները եւս գործօն պահելու պիտի ձգտինք: Գօտիները սեղմելով, մեր բոլոր հնարաւորութիւնները ի գործ դնելով, պէտք է բարեյաջող կերպով շրջանցենք փորձութեան այս պահը եւս, ինչպէս շրջանցած ենք ոչ հեռաւոր անցեալին նման փորձութիւններ:

 

«Ազդակ»

Յարակից լուրեր

  • Ազգային միասնութեան սպասուած յաղթանակը
    Ազգային միասնութեան սպասուած յաղթանակը

    Երբ կը գրեմ այս յօդուածը, Հայաստանի Ազգային ժողովի արտակարգ ընտրութեան քուէարկութիւնը չէ կատարուած: Ընտրական քարոզչութեան վերջին օրն է: Վաղը լռութեան, այսինքն լուռ խորհրդածութեան օր է, վերջնական որոշում կայացնելու օր է, կիրակի օրուան քուէարկութեան նախապատրաստուելու համար:

  • Հայաստան` ամէն բանէ վեր
    Հայաստան` ամէն բանէ վեր

    Հայաստանի խորհրդարանական արտահերթ ընտրութիւններու քարոզարշաւի հինգերորդ օրն ենք. ուրբաթ, 11 յունիս 2021: Յօդուածը երբ լոյս տեսնէ, երկու կամ երեք յաւելեալ օրեր անցած կ՛ըլլան. արդեօք աւելի յստակութեան ականատես կը դառնա՞նք, թէ՞ կը շարունակուի ցարդ ցուցադրուած անմակարդակ ու անհեռանկար քարոզչութիւնը: Իշխանութիւնը ժամանակաւորապէս գրաւող ուժը յամառօրէն կը շարունակէ բանավիճիլ անցեալի քննադատութեան նիւթերուն շուրջ, ինչպէս որ ըրած էր իր իշխանութեան երեք տարիներու տեւողութեան: 

  • Իշխանութեան փոփոխութիւնը հրամայական անհրաժեշտութիւն է
    Իշխանութեան փոփոխութիւնը հրամայական անհրաժեշտութիւն է

    7 յունիսին պաշտօնապէս կը սկսի Հայաստանի խորհրդարանական արտակարգ ընտրութիւններու ընտրարշաւը: Թէեւ այդ ընտրարշաւը շատոնց ընթացք առած է, քանի որ վարչապետի պաշտօնակատար Նիկոլ Փաշինեանի ամբողջ գործունէութիւնը միտուած է ընտրութիւններու կազմակերպման: Մարզային այցելութիւններ, նոյնիսկ Ֆրանսա եւ Պելճիքա այցելութիւնները նպատակ ունին ցոյց տալու, որ Փաշինեան կը տիրապետէ կացութեան, վստահ է իր յաղթանակով եւ իշխանութեան վերարտադրութիւնը, փոքր գեղեցկագիտական յարդարանքներով հանդերձ, մատչելի է:

  • Առաջարկ ընտրելու մասին
    Առաջարկ ընտրելու մասին

    Ո՜ւֆ, պրծանք: Հայաստանի մէջ գրանցուած շուրջ 110 կուսակցութիւններուն հինգէն միայն մէկը կը մասնակցի պատգամաւորական արտակարգ ընտրութեան: 13 կուսակցութիւն եւ 4 դաշինք. ընտրութիւնը պիտի կատարուի 17 ցուցակներու միջեւ: Թէեւ դիւրին չէ 17-էն մէկը ընտրել, բայց յարաբերաբար աւելի հեշտ է հարիւրին մէջէն ընտրութենէն:

  • Վե՛րջ պարտուողականութեան
    Վե՛րջ պարտուողականութեան

    Իրաւացիօրէն կարելի է հարց տալ, թէ Հայաստանի եւ Ազրպէյճանի միջեւ սահմանագծում ու սահմանազատում կատարելու նպատակով յանձնախումբ նշանակելու մասին համաձայնութիւնը կ՛արժէ՞ր այսքան կարեւորել: Եղածը աշխատանքային թուղթ մըն է, կ՛ըսէ Նիկոլ Փաշինեան, որ տակաւին չէ վերջնականացած, բայց հարիւր տոկոսով Հայաստանին ի նպաստ է: Վրայի «յաւելուած» մակագրութիւնն ալ սխալմամբ գրուած պէտք է ըլլայ: Սխալմամբ թէ իրաւամբ, ինչի՞ յաւելուած է այս գրութիւնը: Ուրիշ, աւելի կարեւոր համաձայնութեան մը նախագիծ գոյութիւն ունի՞, որուն գործադրութեան համար հարկ տեսնուած է յաւելուած մը կցել:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։