Հա
16/09/2021 - 11:30

Լիբանանի նոր կառավարութեան կազմութենէն ետք

Առկայ բոլոր խոչընդոտները յաղթահարելով եւ հեղձուցիչ դարձած տնտեսական կացութեան ու արտաքին ուժերու տիրական միջամտութեան իբրեւ հետեւանք, Միքաթիի կառավարութիւնը արդէն իրականութիւն է այսօր եւ իր աշխատանքային ծրագիրով կը ներկայանայ խորհրդարան` ստանալու համար անոր վստահութիւնը:

ՅԱԿՈԲ ՀԱՒԱԹԵԱՆ

 

Առկայ բոլոր խոչընդոտները յաղթահարելով եւ հեղձուցիչ դարձած տնտեսական կացութեան ու արտաքին ուժերու տիրական միջամտութեան իբրեւ հետեւանք, Միքաթիի կառավարութիւնը արդէն իրականութիւն է այսօր եւ իր աշխատանքային ծրագիրով կը ներկայանայ խորհրդարան` ստանալու համար անոր վստահութիւնը:

Վստահութեան քուէի ապահովումէն ետք կառավարութիւնը անմիջապէս պիտի անցնի աշխատանքի` իր օրակարգին վրայ ունենալով կուտակուած առկախ հարցեր, գրեթէ ամլութեան մատնուած պետական վարչամեքենան վերաշխուժացնելու մարտահրաւէր, տնտեսական ճգնաժամը յաղթահարելու անմիջական ու երկարաժամկէտ ծրագիրներ եւ ամէնէն կարեւորը` 8 մայիսին յայտարարուած երեսփոխանական ընտրութիւններու կազմակերպում: Այս բոլորին մէջ անշուշտ կառավարութիւնը պիտի փորձէ նաեւ ապահովել արտաքին զօրակցութիւն եւ աջակցութիւն Լիբանանի տնտեսական գահավէժ ընթացքի կասեցման համար: Այս գործօնը անշուշտ բնական է, որ ստեղծէ շատ մը օրակարգերու գծով պրկուած քաղաքական իրավիճակ` տրուած ըլլալով, որ այդ արտաքին պայմանաւորուած աջակցութիւնը` Միջազգային դրամատան ֆոնտի եւ այլ աղբիւրներու ճամբով, ծանր պարտաւորութեանց տակ պիտի դնէ Լիբանանի պետական եւ դրամատնային ամբողջ համակարգը:

Այս բոլորին մէջ ակներեւ է այն իրողութիւնը, որ հակառակ որոշ կողմերու կառավարութեան կազմութեան նկատմամբ դրսեւորած մեղմ ու խաբուսիկ վերապահութիւններուն եւ դժգոհութիւններուն, ժողովրդային ընդվզումի եւ ցասումի հաւանականութիւնը մեծաւ մասամբ կը պակսի, եւ աւելին` կը տիրէ սպասողական վիճակ` ճգնաժամէն դուրս գալու իրատեսական ակնկալութեամբ:

Այս բոլորին մէջ ամէնէն կարեւորը սակայն այն է, որ արդէն քաղաքական բոլոր կողմերը կառավարութեան կազմութեամբ կը տեսնեն ազդանշանը երեսփոխանական նախընտրական աշխատանքներու մեկնարկին եւ ընտրական մեքենաներու լարումին:

Ներկայ պահու դրութեամբ թերեւս տակաւին կանուխ է կանխատեսումներ կատարել, սակայն յստակ է, որ յառաջիկայ ընտրութիւնները շատ մը տուեալներու եւ հանգամանքներու պատճառով պիտի տարբերին նախորդներէն: Անցնող երկու տարիներուն երկրին ապրած ընկերային-տնտեսական ճգնաժամը, շրջանին մէջ արձանագրուած քաղաքական անցուդարձերն ու վերիվայրումները, շրջանի երկիրներու ծաւալած միջազգային յարաբերութիւնները, ստեղծուած նոր հաւասարակշռութիւնները, լռելեայն սակարկութիւններն ու համաձայնութիւնները, եւ վերջապէս` ներլիբանանեան առումով անցնող երկու տարիներուն ժողովրդային ցասումին ապրած հոլովոյթը, բնականաբար իրենց անդրադարձը պիտի ունենան ընտրական ընդհանուր գործընթացին եւ ժողովրդային մասնակցութեան տարողութեան վրայ:

Այս բոլորը նկատի պէտք է ունենանք իբրեւ նախաբան եւ անշուշտ մտահան չընենք այն իրողութիւնը, որ ներկայ ընտրական օրէնքի, (որուն հիման վրայ կայացան 2018-ի ընտրութիւնները) փորձարկումի փուլը անցած է արդէն: Կրնայ պատահիլ, որ այս ընտրական օրէնքը ենթարկուի փոքր թեքնիք բարեփոխումներու, բայց ընդհանուրին մէջ պիտի մնայ նոյնը եւ բոլոր կողմերը անցեալի իրենց փորձառութենէն մեկնած պիտի փորձեն իրենց արձանագրած բացթողումներն ու սխալները սրբագրել` աւելի բաղձալի արդիւնքի հասնելու համար:

Կասկածէ վեր է, որ լիբանանահայ համայնքին համար ալ այս ընտրութիւնները մեծ նշանակութիւն ունին:

Հայ յեղափոխական դաշնակցութեան Լիբանանի կառոյցի վերջին շրջանային ժողովը ի շարս այլ հրատապ օրակարգերու, հանգամանօրէն քննարկեց երեսփոխանական ընտրութիւններուն հետ առնչուած բոլոր մանրամասնութիւնները եւ հաստատեց, որ այս ընտրութիւնները լիբանանահայ համայնքին համար, երկրին քաղաքական ընդհանուր դրուածքին մէջ իր ուրոյն եւ արժանավայել տեղն ու դերը պահելու ու նաեւ ուժեղացնելու անշրջանցելի առիթ է: Այս իմաստով անհրաժեշտ նկատուեցաւ լիբանանահայ համայնքի բաղկացուցիչ բոլոր շերտերուն հետ հարցերու եւ մտահոգութիւններու բաց քննարկումը` մի՛շտ մեկնելով համայնքային մեր իրաւունքներու պաշտպանութեան հրամայական անհրաժեշտութենէն: Այս քննարկումներն ու մտածումները յառաջիկայ փուլերուն բնականաբար իրենց բիւրեղացումը պիտի ստանան, սակայն ներկայիս` երեսփոխանական ընտրութիւններու նախապատրաստական այս փուլին, Կեդրոնական կոմիտէն եւ կոմիտէութիւնները սկսած են արդէն նախապատրաստական ծրագրուած ու համակարգուած աշխատանքի:

 

«Ազդակ»

 

Յարակից լուրեր

  • Ոչ ոքի արտօնուած է խաղալ լիբանանցիին ճակատագիրին հետ
    Ոչ ոքի արտօնուած է խաղալ լիբանանցիին ճակատագիրին հետ

    Տառապանքի եւ տագնապի մէջ խեղդուող լիբանանցին անգամ մը եւս հինգշաբթի օր վճարեց արեան գին, եւ հազիւ յոյսի նշաններով օրօրուող քաղաքացին դարձեալ վերադարձաւ յուսախաբութեան եւ յուսալքումի:

  • Արտօնուեցաւ կազմել նոր կառավարութիւն
    Արտօնուեցաւ կազմել նոր կառավարութիւն

    Եւ վերջապէս, տրուեցաւ որոշումը, կազմուեցաւ նոր կառավարութիւն:

    13 ամսուան անձկալի սպասումէ ետք, 2 նշանակեալ վարչապետներու հրաժարումէն ետք, Նեժիպ Միքաթի կազմեց կառավարութիւն մը, որ նուազագոյն ակնկալութեամբ համեստ յոյսեր պիտի ներշնչէ բազմաչարչար լիբանանցի քաղաքացիին:

  • Վերջապէս… Նոր կառավարութիւն
    Վերջապէս… Նոր կառավարութիւն

    Լիբանանի ահագնացող տագնապը լուծման ճանապարհի սեմը կրցաւ թեւակոխել վերջապէս: Հիմքով քաղաքակա՞ն, թէ՞ աշխարհաքաղաքական, տագնապը, արտաքին որոշողներու ու ներքին գործադրողներու պարտադրանքով վերաճեցաւ տնտեսականի, ապա ընկերայինի, ի վերջոյ յանգելու համար պետութեան կառոյցներու գրեթէ ամբողջական ամլացումին: Լիբանանեան թղթոսկիի գահավէժ արժեզրկումը, պետական նպաստներու ցամքումը յառաջացուցին համատարած աղքատութիւն եւ երկրի տնտեսական կեանքի կասեցում:

  • «Լիբանանում նոր կառավարութեան ձեւաւորումը դեռեւս ճգնաժամի հանգուցալուծում չէ». Շահան Գանտահարեան
    «Լիբանանում նոր կառավարութեան ձեւաւորումը դեռեւս ճգնաժամի հանգուցալուծում չէ». Շահան Գանտահարեան

    Լիբանանում լոյս տեսնող «Ազդակ» թերթի գլխաւոր խմբագիր Շահան Գանտահարեանը անդրադարձել է Լիբանանում երկար դադարից յետոյ նոր կառավարութեան ձեւաւորմանն ու առկայ խնդիրների լուծման անհրաժեշտութեանը։ 

  • Լիբանանում նոր կառավարութիւն է ձեւաւորւել. կազմում կայ մէկ հայ
    Լիբանանում նոր կառավարութիւն է ձեւաւորւել. կազմում կայ մէկ հայ

    Լիբանանի նախագահ Միշէլ Աունը հաստատել է ազգային փրկութեան կառավարութեան կազմը, որը կը զբաղւի բարեփոխումների իրականացմամբ եւ Բէյրութի վերակառուցմամբ, որն էապէս տուժել էր նախորդ տարւայ օգոստոսին նավահանգստում տեղի ունեցած պայթիւնից։ Բաաբդա պալատում հանդէս գալով լրագրողների առաջ՝ վարչապետի աշխատակազմի քարտուղար Մահմուդ Մեքիան յայտարարել է, որ նախագահը ստորագրել է վարչապետ Նաջիբ Միքաթիի կառավարութեան կազմի նշանակման մասին հրամանագիրը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։