Երեքշաբթի, 17 Մայիս 2022-ին, Եգիպտոսի նախագահ Ապտ Ալ-Ֆաթթահ Ալ-Սիսի ընդունեց Միջին Արեւելքի Եկեղեցիներու Խորհուրդի (Մ.Ա.Ե.Խ.) 12-րդ համաժողովին մասնակցող հոգեւոր պետերու այցելութիւնը, Գահիրէի նախագահական պալատին մէջ:
Երեքշաբթի, 17 Մայիս 2022-ին, Եգիպտոսի նախագահ Ապտ Ալ-Ֆաթթահ Ալ-Սիսի ընդունեց Միջին Արեւելքի Եկեղեցիներու Խորհուրդի (Մ.Ա.Ե.Խ.) 12-րդ համաժողովին մասնակցող հոգեւոր պետերու այցելութիւնը, Գահիրէի նախագահական պալատին մէջ:
Նախագահ Ալ-Սիսի ջերմօրէն ողջունեց ներկաները եւ իր ուրախութիւնը յայտնեց համաժողովը Եգիպտոսի մէջ գումարելու որոշումին համար: Ան հանդիպման ընթացքին անդրադարձ կատարեց քրիստոնեայ-իսլամ գոյակցութեան անհրաժեշտութեան եւ ընդգծեց, թէ քրիստոնեայ քաղաքացիները անբաժան մասնիկը կը կազմեն արաբական հասարակութեան: Իր խօսքի աւարտին, նախագահը շեշտեց քրիստոնեայ ու իսլամ քաղաքացիներուն համահաւասար իրաւունքներ վայելելու հրամայականը շրջանէն ներս եւ քաղաքացիական նոյն պարտաւորութիւնները ունենալու կարեւորութիւնը՝ Միջին Արեւելքին մէջ խաղաղութեան ու բարգաւաճման հաստատման գծով:
Armenianorthodoxchurch.org
