Հա
16/06/2022 - 08:40

Միչիգանի հայ համայնքի յայտարարութիւնը Զարեհ Սինանեանի վերջին այցի կապակցութեամբ

Սինանեանը գործել է գաղտնի՝ մեր համայնքը մեկուսացնելու եւ պառակտելու ձախողւած ջանքերով՝ հետեւելով Փաշինեանի ռեժիմի եւ նրա պառակտիչ ռազմավարութեան ու քաղաքականութեանը։ Հայկական Սփիւռքը հայ ազգի էական սիւնն է. Մենք թոյլ չենք տալու որեւէ մէկին, այդ թւում՝ Փաշինեանի ռեժիմի որեւէ ներկայացուցչին, ներխուժել մեր համայնք եւ փորձել պառակտել մեր միասնութիւնը:

Անցեալ շաբաթ Հայաստանի Հանրապետութեան Սփիւռքի գործերի գլխաւոր յանձնակատար Զարեհ Սինանեանը հրապարակեց իր պաշտօնական այցի մասին Միչիգան, որի մասին չի յայտարարւել ողջ համայնքին։ Փոխարէնը, մենք տեղեկացանք Սինանեանի՝ Միչիգանի հասարակաութեան հետ կապ հաստատելու ջանքերի մասին մեր նահանգի սոցիալական ցանցերում տարբեր գրառումների եւ Սինանեանի գրասենեակի կողմից հրապարակւած մամուլի հաղորդագրութիւնների միջոցով: Այդ մամուլի հաղորդագրութիւնները կեղծ կերպով նշում էին, որ նա հանդիպել է «Մեծ Դեթրոյթի տարածքում գտնւող տարբեր հայկական եկեղեցիների, կրթական եւ մշակութային կազմակերպութիւնների համայնքի ղեկավարների հետ»։ Փաստօրէն, Սինանեանի պաշտօնական գրասենեակի մամուլի յայտարարութիւնները չեն արտացոլում իրականութիւնը, թէ ինչ է իրականում տեղի ունեցել Սինանեանի հետ կապւած Միչիգան ​​նահանգում։

Մենք հզօր համայնք ենք՝ բազմաթիւ կազմակերպութիւններով եւ չորս հայկական եկեղեցիներով: Այնուամենանիւ, Միչիգան ​​կատարած այցի ընթացքում Սինանեանը միայն մէկ եկեղեցի է այցելել, որտեղ հանդիպել է համայնքի մի քանի ընտրւած անդամների հետ: Սինանեանի գրասենեակից ոչ մի պաշտօնական յայտարարութիւն կամ հանդիպման պաշտօնական հրաւէր չի ուղարկւել Միչիգանի երեք այլ հայկական եկեղեցիներին եւ համայնքային կազմակերպութիւններին:

Ամօթալի է, որ Հայաստանի կառավարութիւնը Սինանեանի պաշտօնական գրասենեակի միջոցով կեղծել է Սինանեանի Միչիգան ​​կատարած այցի ճշմարտութիւնը եւ այն կեղծիքները, որոնցով դա արւել է։ Հասկանալի է, որ Սինանեանի այցի վերը նշւած ձեւով վարւելու պատճառը այն է որ նա փորձում էր Միչիգանի հայ համայնքի այցելութիւնն ներկայացնել իբր թէ այստեղ Փաշինեանի ռեժիմի օրակարգը ընդունելի է եղել։ Սինանեանը գործել է գաղտնի՝ մեր համայնքը մեկուսացնելու եւ պառակտելու ձախողւած ջանքերով՝ հետեւելով Փաշինեանի ռեժիմի եւ նրա պառակտիչ ռազմավարութեան ու քաղաքականութեանը։ Հայկական Սփիւռքը հայ ազգի էական սիւնն է. Մենք թոյլ չենք տալու որեւէ մէկին, այդ թւում՝ Փաշինեանի ռեժիմի որեւէ ներկայացուցչին, ներխուժել մեր համայնք եւ փորձել պառակտել մեր միասնութիւնը:

Հակառակ Սինանեանի գրասենեակի մամուլի հաղորդագրութիւնների ներկայացւած պատկերին, Սինանեանը չի կարողացել առաջ տանել Նիկոլ Փաշինեանի օրակարգը Միչիգանում եւ իր դաւաճանական օրակարգի համար կողմնակիցներ ձեռք բերել, օրակարգ որը տալիս է Արցախը, կարգաւորում յարաբերութիւնները Թուրքիայի եւ Ադրբեջանի հետ՝ ի հաշիւ Հայաստանի ու Արցախի անվտանգութեան եւ ինքնիշխանութեան եւ վտանգի տակ է դնում Հայոց Ցեղասպանութեան նահատակների լիակատար արդարութեան համար մղւող պայքարը։

Սինանեանը չի ներկայացնում հայկական սփիւռքը եւ, անշուշտ, չի ներկայացնում Միչիգանի հայկական համայնքը:

Ս. Սարգիս Հայոց Առաքելական եկեղեցի

Սուրբ Վարդան Կաթողիկէ եկեղեցի

ՀՅԴ Ազատամարդ կոմիտէ

Դեթրոյթի Հայ Երիտասարդաց Դաշնակցութեան եւ Պատանեկան Մասնաճիւղեր

ՀՕՄ - Միջին Խորհուրդ Ցոլիկ, Մարօ, Շաքէ, Սիբիլլ եւ Զաբել մասնաճիւղեր

Դեթրոյթի Համազգային Հայ Կրթական եւ Մշակութային միութիւն

Միշիգանի Տիթրոյթի Հ.Մ.Ը.Մ.

Արցախի բարեկամներ

Oragark.com

 

Յարակից լուրեր

  • Դաւաճան իշխանութեան ներկայացուցչները հանգիստ չունեն հայկական համայնքներում
    Դաւաճան իշխանութեան ներկայացուցչները հանգիստ չունեն հայկական համայնքներում

    Կիպրոսի հայկական համայնքը հերթական «անակնկալը» մատուցեց ՀՀ դավաճանական իշխանութեան ներկայացուցչին:

  • «Սինանեանի այցն ԱՄՆ խայտառակութիւն էր, բայց այս մարդը խայտառակւելուց չի ամաչում». Յարութ Սասունեան
    «Սինանեանի այցն ԱՄՆ խայտառակութիւն էր, բայց այս մարդը խայտառակւելուց չի ամաչում». Յարութ Սասունեան

    Յունիսի սկզբին ՀՀ սփիւռքի գործերով գլխաւոր յանձնակատար Զարեհ Սինանեանը Միացեալ Նահանգներում էր, որտեղ, ըստ պաշտօնական հաղորդագրութիւնների, հանդիպումներ էր ունեցել տեղի հայ համայնքի ներկայացուցիչների հետ: Լոս Անջելէսի հայ համայնքի հետ նրա հանդիպումը տապալւել էր եւ վերածւել «Սինանեան դաւաճան» կարգախօսով ակցիայի: Չնայած սրան, իր վերջին հարցազրոյցներից մէկում Զարեհ Սինանեանը ակցիան մի դրւագ էր որակել՝ ասելով, որ ունեցել է արդիւնաւէտ այց եւ շուրջ 2 տասնեակ հանդիպումներ Միացեալ Նահանգներում:

    168TV-ի եթերում այս եւ մի շարք այլ թեմաների շուրջ տեսակապով զրուցել ենք «Կալիֆորնիա կուրիէր» թերթի հրատարակիչ եւ խմբագիր Յարութ Սասունեանի հետ:

  • «Զարեհ Սինանեանին ԱՄՆ-ում ասել են, որ ներդրում կը լինի միայն «ապազգային իշխանութեան հեռանալու պարագայում»»․ «Փաստ»
    «Զարեհ Սինանեանին ԱՄՆ-ում ասել են, որ ներդրում կը լինի միայն «ապազգային իշխանութեան հեռանալու պարագայում»»․ «Փաստ»

    «Փաստ» օրաթերթը գրում է. «Այս օրերին ԱՄՆ-ում է գտնւում Սփիւռքի գործերով Փաշինեանի յանձնակատար Զարեհ Սինանեանը։ Համացանցում տեսանիւթեր են հրապարակւել, թէ ինչպէս է Գլենդէլում նրա հանդիպումը հայ համայնքի ներկայացուցիչների հետ տապալւել, քանի որ դեռ հանդիպումը չսկսած՝ նրանք պաստառներ են պարզել, Արցախի դրօշներ ու վանկարկել՝ «Նիկոլ դաւաճան», «Զարեհ դաւաճան»։

  • Լոս Անջելէսը մերժեց Փաշինեանի յանձնակատար Սինանեանին
    Լոս Անջելէսը մերժեց Փաշինեանի յանձնակատար Սինանեանին

    Զարեհ Սինանեանը բնիկ Լոս Անջելէսահայ է: Դաշնակցութեան եւ Հայ Դատի միջոցով քաղաքական աշխարհ մուտք գործած ու նրանց թեւերի տակ մինչեւ Գլենդէլի քաղաքապետ հասնելը չարգիլեց նրան որ միանայ Նիկոլ Փաշինեանի սփիւռքը քայքայելու գործընթացին եւ դառնայ նրա գործադիր յանձնակատարը:

  • Յանձնակատարին սինն ու զարհուրելին
    Յանձնակատարին սինն ու զարհուրելին

    Զարհուրելի Զարեհ...Սին՝ Սինանեան։

    Ճիշդ չի նկատուիր անձ մը կամ անհատ մը քննադատելը, երբ ան կը ներկայացնէ երկիր մը, պետութիւն մը եւ պետական պաշտօն մը։ Սակայն, երբ խնդրոյ առարկայ անձը «Ես»-ն ու սեղմ շրջանակը կը դասէ ազգային շահերէն վեր եւ, աւելին, կը կոխկռտէ «կարմիր գիծ»-ը, հարցը կը դառնայ լուրջ եւ ահազանգային: Հետեւաբար, նման արարք գործողին դէմ անխուսափելի կը դառնայ ծանր ածականներու գործածութիւնը, որովհետեւ խնդրոյ առարկայ անձը ի՛նք եղած է առաջին սայթաքողը եւ անոր արարքներն ու խօսքերը մղում կ’առնեն անձնական մութ հաշիւներէ, կ’արհամարհեն ազգային շահերը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։