Հա
09/07/2022 - 12:21

Սա պարզունակութեան հետեւանք չէ

Երբ իշխող ուժը երկրի ճգնաժամային օրերին սկսում է իրական կեանքի պահանջներից կտւած ու ամբողջութեամբ առաջնահերթութիւն չունեցող հարցեր առաջ քաշել, շատերի մօտ տպաւորութիւն է ստեղծում որ իշխանութիւնները անփորձ ու պարզունակ են: Ամէն օր երկրի հողերի մի մասը կորցնող, բանակ ունենալուց փաստօրէն զրկւած ու ԱԺ նիստերը կաթւածահար դարձած երկրի համար այլապէս ինչպէս պէտք է բացատրել ճաշարաններում աղամանի գործածութեան կամ նմանատիպ անկարեւոր հարցերի մասին օրէնքներ անցկացնելն ու գործադրութեան յանձնելը:

ԶԱՐԵՀ ԱՃԵՄԵԱՆ

 

Երբ իշխող ուժը երկրի ճգնաժամային օրերին սկսում է իրական կեանքի պահանջներից կտրւած ու ամբողջութեամբ առաջնահերթութիւն չունեցող հարցեր առաջ քաշել, շատերի մօտ տպաւորութիւն է ստեղծում որ իշխանութիւնները անփորձ ու պարզունակ են: Ամէն օր երկրի հողերի մի մասը կորցնող, բանակ ունենալուց փաստօրէն զրկւած ու ԱԺ նիստերը կաթւածահար դարձած երկրի համար այլապէս ինչպէս պէտք է բացատրել ճաշարաններում աղամանի գործածութեան կամ նմանատիպ անկարեւոր հարցերի մասին օրէնքներ անցկացնելն ու գործադրութեան յանձնելը:

Նման չբացատրւող ու երկրի առաջնահերթութիւններին բոլորովին անհամապատասխան քայլ է նաեւ Ազգային Ժողովի փոխ խօսնակ Իշխան Սաղաթելեանին եւ մի շարք այլ ընդդիմադիր պատգամաւորներին իրենց ունեցած պաշտօններից զրկելու գործընթացը: Բայց նման որոշում, որ ուղղակի գալիս է վարչապետի պաշտօնը զբաղեցրած անձի կողմից չի կարող սոսկ պարզունակութեան հետեւանք լինել: Ճանաչելով իր դրսեւորած նկարագրային գծերը եւ իր հիւանդագին դրսեւորումները շատ հեշտ կարելի է սա եւս վերագրել իր կողմից անձնական վենդետայի ու երկրի հաշւին իր եսը պարտադրելու հերթական փորձի, սակայն ընտրւած ժամանակը եւ այլ մանրամասնութիւնները վկայում են, որ այս որոշումը ոչ թէ սոսկ անձնական վենդետայի հերթական անհեթեթութիւն է, այլ փորձ ընդդիմադիր գործիչին իր պաշտօնի բերումով ունեցած արտաքին քաղաքական կապերից ու յարաբերութիւններից զրկելու համար: Մի փորձ, որ չի կարող յաջողել նկատի ունենալով Սաղաթելեանի ձեռնհասութիւնը ՀՅԴ եւ Հայ Դատի համաշխարհային ցանցին:

Անցնենք վերջին օրինակին: Չնայած ՔՊ-ի նշանակած Աննա Վարդապետեանը ՀՀ գլխաւոր դատախազի աթոռը կը զբաղեցնի սեպտեմբերի 15-ին, սակայն Արթուր Դաւթեանն իր պաշտօնավարութեան վերջին երկու ամիսները աւելի «բեղուն» դարձնելու համար կամ գուցէ իր ապագայ պաշտօնը ապահովելու համար յուլիսի 4-ին գլխաւոր դատախազութեան պետական շահերի պաշտպանութեան վարչութեան անունից նոր գիւտ կատարեց, որից կարծես անտեղեակ էին մեր ժողովուրդն ու պետութիւնը:

«ՀՀ գլխաւոր դատախազութեան պետական շահերի պաշտպանութեան վարչութիւնը պետութեան ոչ գոյքային շահերի պաշտպանութեան ոլորտում կատարած ուսումնասիրութեամբ պարզել է, որ վերջին տարիներին համացանցի լայն տարածման պայմաններում ահագնացել է ինտերնետային կայքէջերով, սոցիալական ցանցերով ազգային, կրօնական, սեռական կամ այլ խտրականութիւն, ՀՀ-ում շրջանառութիւնն արգելւած նիւթերի, այդ թւում թմրամիջոցների գովազդ, կամ վաճառքի բացայայտ հրաւէր պարունակող կամ յանցաւոր այլ դրսեւորում ունեցող տեղեկատւութեան տարածումը»:

Ի հետեւումն այս բացառիկ բացայայտմանը դատախազութիւնը օրինակներ բերելով այլ երկրների փորձերից առաջարկում է ինտերնետ ոլորտում պետական վերահսկողութիւն իրականացնել:

Ոչ ոք կարող է դէմ լինել ինտերնետի ոլորտի վերասկողութեան յատկապէս այն երկրներում որ արտաքին չնչին գումարներով կարելի է հանրային կարծիք ձեւաւորել կամ աղքատութեան պատճառով անապահով խաւը հեշտութեամբ կարելի է ներգրաւել ապօրինի գործողութիւններում: Սակայն ինտերնետի անվերահսկելիութեան պատճառով իշխանութեան հասած եւ ֆէյսբուքեան ֆէյքերի բանակի աջակցութիւնը վայելող իշխանութեան համար ինտերնետի վրայ պետական վերահսկողութիւն կատարելու միակ շարժառիթը կարող է լինել ընդդիմադիր տեսակէտների քաղաքական սահմանափակումը: Այլապէս նոյն իշխանութիւնը ինքը թէ թմրադեղերի գործածութեան օրինակացնման եւ թէ ատելութեան մշակոյթի զարգացման նախակարապետն է:

Մէդիա.էյէմ կայքի մեդիա հետազօտող՝ Սամուէլ Մարտիրոսեանը ակնարկելով այլ երկրների փորձին այս մասին գրել է. «սկզբից յայտարարւելու է պայքար համացանցում թմրադեղերի, ինքնասպանութիւնների կոչերի դէմ։ Իսկ յետոյ մի գեղեցիկ օր մենք յայտնաբերելու ենք, որ պետութիւնը զբաղւում է արգելափակումներով։ Ընդ որում՝ հիմնականում քաղաքական բնոյթի»: Հետաքրքիրն այն է, որ այս կայքը հրատարակւում է մի շարք օտարերկրեայ կազմակերպութիւնների, ինչպիսին են ԱՄՆ Միջազգային զարգացման գործակալութիւն (USAID) եւ Շուեդիայի միջազգային զարգացման գործակալութեան (SIDA) աջակցութեամբ:

Առաջին հայեացքից անփորձութեան, երկրի առաջնահերթութիւնները չհասկանալու եւ պարզունակութեան հետեւանք թւացող իշխանութեան անհեթեթ քայլերը շատ աւելի խոր եւ երկարատեւ ծրագրերի նախաքայլերն են: Սա պարզունակութեան հետեւանք չի կարող լինել:

 

Oragark.com

 

Յարակից լուրեր

  • Սա ոչ այլ ինչ է քան պետականութեան անկում
    Սա ոչ այլ ինչ է քան պետականութեան անկում

    Արդէն գիտէինք, որ Հայաստանը ղեկավարւում է մի անձի միջոցով, որ նստած վարչապետի աթոռին իր սեփական քմահաճոյքին բաւարարութիւն տալու համար պատրաստ է առանց տատամսելու զիջել պետականութեան, երկրի, եւ ժողովրդի շահերը: Սակայն երբ անձնական բարդոյթներին յագուրդ տալու մոլուցքը հասնում է այն աստիճան, որ անձնական վրէժխնդրութեան համար, արգիլւում է հայի մուտքը Հայաստան, դա արդէն նոր անմակարդակութեան է հասցնում այս ապիկար իշխանութիւնների փոքրոգիութեան սահմանները:

  • Հայկական արբանեա՞կ թէ քարոզչական դոպինգ
    Հայկական արբանեա՞կ թէ քարոզչական դոպինգ

    Մայիս 26-ի կառավարութեան նիստում վարչապետը յայտարարեց, որ «Հայաստանը տիեզերք է արձակել իր առաջին արբանեակը»: Սոյն յայտարարութիւնը ցանկացած հայի համար ուրախութեան եւ հպարտութեան առիթ է հանդիսանում առաջին պահին, սակայն նկատի ունենալով «Փաշինեանական» գործօնի առկայութիւնը կամաց-կամաց խանդավառութեանը սկսեց փոխարինւել մի այլ յուսախաբութեան:

  • Սկսե՞լ է
    Սկսե՞լ է

    «Զարթիր լաօ» իմաստալից նշանաբանի կողքին այս օրերին շատ ենք հանդիպում նաեւ «սկսել է» նշանաբանին ու հարց է առաջանում արդեօք իրապէս «սկսե՞լ է»: Շատեր այս հարցը ուղղում են ընդիմութեան ղեկավարներին ու յատկապէս Դաշնակցութեանը իբրեւ այդ ընդիմութեան գաղափարական ողնաշարը: Իրապէս սկսե՞լ է, թէ սա եւս մի քանի ժամանակ անց կը մարի հայրենիքի փրկութեան շարժման պէս:

  • Ապրիլ 24ը եւ բոլշեւիկեան օրացոյցի վախճանը
    Ապրիլ 24ը եւ բոլշեւիկեան օրացոյցի վախճանը

    107 տարի առաջ իրագործուած անմարդկային ոճիրը դեռեւս մնում է անհատոյց եւ անպատիժ:

    Այսօր երբ ականատես ենք թէ ինչպէս մարդկային ոճիրները մէկը միւսի հետեւից կրկնւում ու անպատիժ են մնում թերեւս աւելի հասկանալի է դառնում թէ հարիւր տարի առաջ մեր ժողովրդին պատահածի համար ինչ գերմարդկային ու հաւաքական հսկայ ներդրում է պէտք որպէսզի դա եւս չթաղուի պատմութեան էջերում իբրեւ պատմական մի դէպք:

  • Համապատասխան հակազդեցութիւնը
    Համապատասխան հակազդեցութիւնը

    Դաշնակցութեան մայիս 23-ի կազմակերպած հանրահաւաքը Երեւանի Ազատութեան Հարապարակում մէկ անգամ եւս առիթ դարձաւ, որ հասարակական ցանցերի վրայ հակադաշնակցական մոլուծքով տառապողների յղումների լայն արշաւ վերսկսի: Արշաւ (որ սկսեց Հայաստանի քաղաքական նոր ղեկավարութեան ծնունդով եւ կամաց-կամաց գնում էր միանալու տասնամեակների հակադաշնակցական նմանատիպ արշաւներին ու պատմութեան գիրկն անցնելուն) դարձեալ սկսեգ ակտիւանալ հասարակական բոլոր ցանցերում եւ ի մասնաւորի Ֆէյսբուքեան յարթակի վրայ, այս անգամ անցնելով բարոյական նոր սհմաններ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։