Հա
14/11/2022 - 13:30

Հ.Մ.Ը.Մ.-ի մեծ ընտանիքը Անթիլիասի մայրավանքին մէջ

Այս օրերուն Լիբանանի մէջ տեղի կ՚ունենայ Հայ Մարմնակրթական Ընդհանուր Միութեան (Հ.Մ.Ը.Մ.) Կեդրոնական Վարչութեան լիակատար նիստը, ինչպէս նաեւ իր աշխարհատարած շրջաններու վարչութիւններու միատեղ հանդիպումը:

Այս առիթով, այսօր՝ Կիրակի, 13 Նոյեմբեր 2022-ին, Մեծի Տանն Կիլիկիոյ Կաթողիկոսութեան Մայրավանքի Սուրբ Գրիգոր Լուսաւորիչ Մայր Տաճարին մէջ մատուցուած Ս. եւ Անմահ Պատարագի աւարտին, նախագահութեամբ Ն.Ս.Օ.Տ.Տ. Արամ Ա. Վեհափառ Հայրապետին, տեղի ունեցաւ հոգեհանգստեան կարգ՝ Հ.Մ.Ը.Մ.-ի նահատակներու եւ ննջեցեալներու հոգիներու խաղաղութեան համար:

Այս օրերուն Լիբանանի մէջ տեղի կ՚ունենայ Հայ Մարմնակրթական Ընդհանուր Միութեան (Հ.Մ.Ը.Մ.) Կեդրոնական Վարչութեան լիակատար նիստը, ինչպէս նաեւ իր աշխարհատարած շրջաններու վարչութիւններու միատեղ հանդիպումը:

Այս առիթով, այսօր՝ Կիրակի, 13 Նոյեմբեր 2022-ին, Մեծի Տանն Կիլիկիոյ Կաթողիկոսութեան Մայրավանքի Սուրբ Գրիգոր Լուսաւորիչ Մայր Տաճարին մէջ մատուցուած Ս. եւ Անմահ Պատարագի աւարտին, նախագահութեամբ Ն.Ս.Օ.Տ.Տ. Արամ Ա. Վեհափառ Հայրապետին, տեղի ունեցաւ հոգեհանգստեան կարգ՝ Հ.Մ.Ը.Մ.-ի նահատակներու եւ ննջեցեալներու հոգիներու խաղաղութեան համար:

Հ.Մ.Ը.Մ.-ի Կեդրոնական Վարչութիւնն ու խորհրդաժողովի մասնակից բոլոր անդամները Ս. Պատարագէն անմիջապէս ետք ուղղուեցան Հայոց Ցեղասպանութեան նահատակներու նշխարները պարունակող Սրբոց Նահատակաց մատուռ՝ մատուցելու իրենց յարգանքի տուրքը սրբացեալ նահատակներուն: Ապա, Միութեան շեփորախումբը հնչեցուց Լիբանանի, Հայաստանի ու Հ.Մ.Ը.Մ.-ի քայլերգերը, ինչպէս նաեւ «Ի վեհ բարձանց» ու «Կիլիկիա» մաղթերգերը: Յիշեալ ամփոփ յայտագրէն անմիջապէս ետք, Միութեան պատասխանատուները եւ խորհրդաժողովի մասնակիցները բարձրացան Վեհարան՝ ստանալու Վեհափառ Հայրապետին օրհնութիւնն ու հայրական յորդորները:

Հանդիպման ընթացքին, Հ.Մ.Ը.Մ.-ի Կեդրոնական Վարչութեան ատենապետ Վաչէ Նաճարեան Նորին Ս. Օծութեան յանձնեց Միութեան կողմէ պատրաստուած յուշանուէր մը, որուն վրայ քանդակուած էր Հայրապետին հետեւեալ խօսքը. «Հ.Մ.Ը.Մ.-ը սովորական իմաստով մարմնամարզական կազմակերպութիւն մը չէ, այլ առաքելութիւն է՝ իր էութեամբ ու նպատակով»:

Վեհափառ Հայրապետը ողջունելով Միութեան անդամներուն ներկայութիւնը՝ ըսաւ, թէ Մեծի Տանն Կիլիկիոյ Կաթողիկոսութիւնը իր համահայկական առաքելութեամբ ոչ միայն հոգեւոր տունը դարձած է ողջ հայութեան, այլ նաեւ ազգային տունը՝ մեր ժողովուրդի բոլոր զաւակներուն, առանց խտրութեան: «Անթիլիասին խօսքը իր գո՛րծն է: Այս յանձնառութեամբ իր առաքելութիւնը կը կատարէ Հայրապետական այս Ս. Աթոռը: Անոր առաքելութիւնը միայն կրօնական պարունակի մէջ պէտք չէ դիտել, այլ՝ համաժողովրդային ու համահայկական: Այս առաքելութեան մշակներն են, հայ հոգեւորականին կողքին, ազգանուէր գործունէութիւն ծաւալող մեր միութիւնները ու կազմակերպութիւնները, որոնցմէ մէկն է Հ.Մ.Ը.Մ.-ը», յայտնեց Հայրապետը: Լուսարձակի տակ բերելով Միութեան կարեւոր դերը հայ կեանքէն ներս՝ ան շեշտեց, թէ հայրենիքին ու ազգին գերագոյն իտէալներուն իրականացման նկատմամբ մեր ունեցած հաւաքական առաքելութեան մէջ կարեւոր տեղ գրաւած է Հ.Մ.Ը.Մ.-ը: «Անիկա սոսկ մարմնակրթական կազմակերպութիւն մը ըլլալէ անդին, մեր ժողովուրդի հոգեւոր, բարոյական, ազգային, մշակութային ու պահանջատիրական արժէքները իր մէջ բովանդակող Միութիւն մը եղած է», ըսաւ Վեհափառ Հայրապետը:

Հանդիպումէն ետք խորհրդաժողովի մասնակիցները բարձրացան Պիքֆայայի Ս. Աստուածածին Վանք: Անոնք Դպրեվանքի տեսչութեան առաջնորդութեամբ ուղղուեցան Հայոց Ցեղասպանութեան նահատակներու ու վերածնունդի յուշարձան, զետեղեցին ծաղկեպսակ եւ աղօթք բարձրացուցին առ Աստուած բոլոր նահատակ հայորդիներու հոգիներու խաղաղութեան համար:

 

Armenianorthodoxchurch.org

 

Յարակից լուրեր

  • 2023 տարւայ Հայրապետական հռչակագիրն ընթերցւեց Թեհրանի հայոց թեմի բոլոր եկեղեցիներում
    2023 տարւայ Հայրապետական հռչակագիրն ընթերցւեց Թեհրանի հայոց թեմի բոլոր եկեղեցիներում

    Կիրակի, 29 յունւարի 2023թ.-ին, Թեհրանի հայոց թեմի բոլոր եկեղեցիներում, կիրակնօրեայ ս. եւ անմահ պատարագի ընթացքում, յատուկ հանդիսաւորութեամբ ընթերցւեց Մեծի Տանն Կիլիկիոյ կաթողիկոս Ն.Ս.Օ.Տ.Տ. Արամ Ա Վեհափառ Հայրապետի հռչակագիրը՝ 2023 թւականը «Սփիւռքի տարի Բ.» հռչակելու եւ ինքնաքննութիւնից՝ վերակազմակերպում շեշտաւորելու կապակցութեամբ: 

  • «Խաչիկ Պապիկեան Հրատարակչական Հիմնադրամ»-ի Յանձնախումբը Գումարեց Իր Հերթական Նիստը
    «Խաչիկ Պապիկեան Հրատարակչական Հիմնադրամ»-ի Յանձնախումբը Գումարեց Իր Հերթական Նիստը

    Մեծի Տանն Կիլիկիոյ Կաթողիկոսութեան «Խաչիկ Պապիկեան Հրատարակչական Հիմնադրամ»-ի յանձնախումբի հերթական նիստը տեղի ունեցաւ Երկուշաբթի, 16 Յունուար 2023-ին, Վեհարանի մէջ։ Նիստին նախագահեց Ն.Ս.Օ.Տ.Տ. Արամ Ա․ Կաթողիկոսը։ Մասնակցեցան ատենապետ Երուանդ Փամպուքեան, փրոֆ․ Աշոտ Մելքոնեան, Շահան Գանտահարեան, Խաչիկ Տէտէեան եւ հեռակայ՝ Խաչիկ Տէր-Ղուկասեան։

  • Զօրաշարժ ի խնդիր Արցախի պաշտպանութեան
    Զօրաշարժ ի խնդիր Արցախի պաշտպանութեան

    Արցախի պաշտպանութիւնը համահայկական անյետաձգելի հրամայական է այսօր. վաղը կրնայ ո՜ւշ ըլլալ:

  • Դառնանք՝ մահէն դէպի կեանք առաջնորդող Քրիստոսին
    Դառնանք՝ մահէն դէպի կեանք առաջնորդող Քրիստոսին

    Արդ, իր աստուածատուր կոչումին նկատմամբ անհնազանդ ու անհա­ւա­տարիմ գտնուած մարդը հեռացած էր Աստուծմէ, եղծած էր իր աստուածային պատ­կերը, այլ խօսքով՝ այն արժէքներն ու արժանիքները, երկնային շնորհք­ներն ու պարգեւ­ները, որոնք տիեզերքի արարածներուն դէմ մարդուն կու տան իւրայատուկ ինքնութիւն ու նուիրական կոչում։ Արդարեւ, Աստուծմէ հեռու կեան­քը կը կորսնցնէ իր գոյութեան իմաստը ու նպատակը։ Աստուծմէ հեռու մար­դը կը դառնայ կենդանի մեռեալ, կʼըսէ Պօղոս Առաքեալը (Եփ 2.5)։ Աս­տուծոյ Որդին մարդեղացաւ, որպէսզի անոր հաւատացողը մահէն կեանքի անցնի (Յհ 3.16, 5.24), կը հաստատէ Յովհաննէս Աւետարանիչ։ 

  • Համախմբուիլ՝ ի խնդիր Հայաստանի ու Արցախի փրկութեան
    Համախմբուիլ՝ ի խնդիր Հայաստանի ու Արցախի փրկութեան

    Տագնապալից պայմաններու մէջ կ'ողջունենք Նոր Տարին։ Յուսահատութեամբ ու անորոշութեամբ լեցուն է հայ կեանքը։ Ահաւոր վտանգներով շրջապատուած են Հայաստանն ու Արցախը։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։